OIC အဖွဲ့ မြန်မာနိုင်ငံ လာရောက်မည်
ကိုကျော်ကျော်သိန်း
12.11.2013
အစ္စလာမ်မစ် ပူးပေါင်းဆောင်ရွက်ရေး အဖွဲ့ OIC အတွင်းရေး မှူးချုပ် ဦးဆောင်တဲ့ ကိုယ်စားလှယ် အဖွဲ့ဟာ ဗုဒ္ဓ ဟူးနေ့ မနက်ပိုင်း ကျရင် မြန်မာ နိုင်ငံဆီ ရောက်လာ မှာ ဖြစ်ပါတယ်။ ခရီးစဉ် အတွင်း ရခိုင် ပြည်နယ် ဆီ သွားဖို့ စီစဉ်ထား ပေမဲ့လည်း ရခိုင်ပြည်သူ လူထုက ကိုယ်စားလှယ် အဖွဲ့ကို လက်မခံ နိုင်တဲ့ အခြေ အနေမှာ ရှိတယ်လို့ရခိုင်ပြည်အစိုးရ ပြောရေး ဆိုခွင့် ရှိသူက ပြောပါတယ်။ အပြည့် အစုံကို ကိုကျော်ကျော် သိန်း က တင်ပြထား ပါတယ်။
OIC အတွင်းရေး မှူးချုပ် ဦးဆောင်တဲ့ ကိုယ်စားလှယ် အဖွဲ့မှာ အဖွဲ့ဝင် ခုနစ် နိုင်ငံက ၀န်ကြီး ဌာန တွေရဲ့ ကိုယ်စားလှယ် တွေ ပါဝင်မှာ ဖြစ်ပြီး အတွင်းရေး မှူးချုပ်က ဗုဒ္ဓဟူးနေ့ မနက် ၆ နာရီခွဲမှာ ရန် ကုန် လေ ဆိပ် ရောက်လာမှာ ဖြစ်ပေမဲ့ ဒီကနေ့ အင်္ဂါနေ့ မှာတော့ ဒေသတွင်း နိုင်ငံတွေ ဖြစ်တဲ့ အင်ဒို နီးရှား နဲ့ မလေးရှား နိုင်ငံ တို့က ကိုယ်စားလှယ် အဖွဲ့ဝင်တွေ ရောက်လာ နိုင်တယ်လို့ ကိုယ်စားလှယ် အဖွဲ့နဲ့ အတူ လိုက်ပါ လာမယ့် OIC ဂျာနယ်ရဲ့ အယ်ဒီတာ မစ် မာဟာ အာကီးလ် (Maha Akeel) က ဗွီအိုအေ ကို ပြော ပါတယ်။
OIC အတွင်းရေး မှူးချုပ်နဲ့ အဖွဲ့ မြန်မာ နိုင်ငံဆီ ရောက်မလာခင် တစ်ရက်မှာ ကိုပဲ ဒီကနေ့ ရန်ကုန် မြို့မှာ ကန့်ကွက် ဆန္ဒပြခဲ့ ကြတဲ့ သတင်းကို သူတို့ သိထား ပါတယ်လို့ မစ် မာဟာ က ပြောပါတယ်။ အဲဒီလို ကန့် ကွက် ဆန္ဒပြတာနဲ့ ပတ်သက်ပြီး သူ့အနေနဲ့ အဖွဲ့ရဲ့ တရားဝင် ပြောရေးဆိုခွင့် ရှိသူ မဟုတ်တဲ့ အတွက် အဖွဲ့ကို ကိုယ်စား ပြုပြီး မပြောနိုင် ပေမဲ့ သူ့တစ်ဦးတည်း အမြင် ကိုတော့ မစ် မာဟာ က အခု လို ပြော ပါ တယ်။
“ကျမရဲ့ ပုဂ္ဂလိက အမြင် ကတော့ ဆန္ဒပြတာ၊ ဒါမှ မဟုတ် တစ်ခုခု အကြမ်းဖက် လုပ်ဆောင်တာ မျိုးထက် ငြိမ်းငြိမ်း ချမ်းချမ်း ဆွေးနွေး ပြောဆိုဖို့၊ အမြင် တွေကို အပြန် အလှန် ဖလှယ်ဖို့ အခွင့် အရေး ရှိသင့် ပါ တယ်။”
ကိုယ်စားလှယ် အဖွဲ့ဟာ သောကြာ နေ့မှာ ရခိုင် ပြည်နယ်ဆီ သွားရောက်ဖို့ စီစဉ် ထားတယ်လို့ မစ် မာဟာ က ပြောပါတယ်။ ဒါပေမဲ့လည်း ရခိုင် ပြည်နယ် အစိုးရ အဖွဲ့ ပြောရေး ဆိုခွင့် ရှိသူ ဦးဝင်းမြိုင် ကတော့ ရခိုင် ပြည်နယ်က လူထု အနေနဲ့ OIC အဖွဲ့ကို သူတို့ ဒေသဆီ မလာ စေချင် ဘူးလို့ ပြောပါတယ်။ ဒါဟာ ရ ခိုင် ပြည်နယ် အစိုးရ အဖွဲ့ရဲ့ သဘောထား မဟုတ် သလို ပြည်ထောင်စု အစိုးရရဲ့ အစီ အစဉ်နဲ့ လာကြ မယ် ဆိုရင်လည်း ဆန္ဒပြတာ တွေနဲ့ ကြုံရ နိုင်တယ်လို့ ပြောပါတယ်။
“အရင် တခါလည်း လာမယ်လို့ လေသံ ပေးတာနဲ့ သံတွဲမှာ ပြဿနာ ဖြစ်တယ်။ ဟိုးအရင် အရင် ကလည်း လာမယ် လို့ပြောရင် ကျနော်တို့ IDP Camp တွေမှာ ပြဿနာတွေ ဖြစ်ကြ ပါတယ်။ ဆိုတော့ ကျနော်တို့ အနေနဲ့ကတော့လေ ပြည်နယ် အစိုးရ အနေနဲ့ မဟုတ်တောင်မှ ဒီက ရခိုင်ပြည်သူ တွေကတော့ လက်မ ခံ နိုင်တဲ့ အခြေ အနေမှာ ရှိပါတယ် ခင်ဗျ။ ဒီ OIC က ကျနော်တို့ ဆီမှာ တရားဝင် အဖွဲ့အစည်း လည်း မဟုတ်ဘူး။ ဘာမှန်းလည်း မသိတဲ့ အတွက် တရားဝင် အကြောင်းကြား တာတော့ မရှိဘူး။ မဖြစ် မနေ လာမယ်လို့ သူတို့က ပြည်ထောင်စု အစိုးရနဲ့ ဒါကို တဘက်က ဖိအားပေးလို့ ဘာလို့ လာမယ် ဆိုရင်လည်း ဒီကတော့ ဆန္ဒပြသွား ကြမှာပဲ။ သူတို့ ကတော့ ဒီမှာ အဲ့ဒီလို စီစဉ်နေ ပါတယ်။”
ကိုယ်စားလှယ် အဖွဲ့ မြန်မာနိုင်ငံဆီ မရောက်ခင် ကတည်းက ဆန္ဒပြ ကန့်ကွက် တာမျိုး ရှိနေတဲ့ အချိန်မှာ ဒီခရီးစဉ် အောင်မြင်မှု ရဖို့ ဘယ်လောက်ထိ အကောင်းမြင် မျှော်လင့်ချက် ရှိထားပါ သလဲ ဆိုတဲ့ အပေါ်မှာ မစ် မာဟာရဲ့အမြင် ကတော့ -
“ကိုယ်စားလှယ် အဖွဲ့ရဲ့ အခု မြန်မာနိုင်ငံ ခရီးစဉ်ဟာ အချိန်ကောင်း ဖြစ်တယ်လို့ ကျမ မြင်ပါတယ်။ ရ လဒ် ကောင်းတွေ ရလာဖို့ ကျမတို့ မျှော်လင့် ထားပါတယ်။”
OIC ကိုယ်စားလှယ် အဖွဲ့ဟာ မြန်မာ အစိုးရ အဆင့်မြင့် တာဝန်ရှိ သူတွေ နဲ့ တွေ့ဆုံ ဆွေးနွေးဖို့ ရှိပါ တယ်။ ဆွေးနွေး မှုတွေ အတွင်း အဓိက ပါဝင်မယ့် အကြောင်း အရာ တွေထဲမှာ မြန်မာ နိုင်ငံက ရိုဟင် ဂျာ တွေရဲ့ အနေ အထား၊ သူတို့ရဲ့ လူသား ဆိုင်ရာ လိုအပ် ချက်တွေ၊ အခြေစိုက် ရွှေ့ပြောင်းရေး အစီ အ စဉ်၊ အခြေခံ လူ့အခွင့် အရေးနဲ့ နိုင်ငံသား ဖြစ်မှု ဆိုင်ရာ အခွင့် အရေးတွေ ပါဝင် မယ်လို့ နိုဝင်ဘာလ ၆ ရက် နေ့စွဲနဲ့ OIC အဖွဲ့ရဲ့ သတင်း ထုတ်ပြန်ချက် ထဲမှာ ဖော်ပြထား ပါတယ်။
OIC အဖွဲ့ရဲ့ ကိုယ်စားလှယ် ရုံးခွဲ မြန်မာ နိုင်ငံမှာ ဖွင့်လှစ်ဖို့ ကိစ္စ ထည့်သွင်း ဆွေးနွေးဖို့ ရှိ - မရှိ အတိ အ ကျ မသိရ ပေမဲ့ ရုံးခွဲဖွင့်ဖို့ ကိစ္စ သဘောတူ ထားတာမျိုး လုံးဝ မရှိသလို ဖွင့်ဖို့ ရှိတယ် ဆိုရင် တောင်မှ အစိုးရ အနေနဲ့ တားမှာ ဖြစ်တယ်လို့ ၂၀၁၂ ခုနှစ်၊ အောက်တိုဘာလ ၂၁ ရက်နေ့က သတင်း မီဒီ ယာ တွေနဲ့ တွေ့ဆုံပွဲမှာ သမ္မတ ဦးသိန်းစိန် က ပြောခဲ့ ပါတယ်။
မြန်မာ နိုင်ငံဟာ ၂၀၁၄ ခုနှစ်မှာ အရှေ့တောင် အာရှ နိုင်ငံများ အဖွဲ့ ASEAN ရဲ့ အလှည့်ကျ ဥက္ကဋ္ဌ တာဝန်ကို ရယူမှာ ဖြစ်တာနဲ့ အမျှ အဲဒီလို အခြေ အနေဟာ မြန်မာ နိုင်ငံက ရိုဟင်ဂျာ လူထုရဲ့ ယဉ်ကျေး မှုနဲ့ လူမှုအခွင့် အရေးတွေကို ပံ့ပိုး ကာကွယ်ဖို့ မြန်မာ အစိုးရကို အားပေး လိမ့်မယ်လို့ OIC က မျှော် လင့်ကြောင်း အတွင်းရေး မှူးချုပ်က ထောက်ပြ ထားတာ ကိုလည်း OIC ရဲ့ထုတ်ပြန်ချက် ထဲ မှာ ဖော် ပြထား ပါတယ်။
OIC အတွင်းရေး မှူးချုပ်ဟာ ဗုဒ္ဓဟူးနေ့ မနက် ၆ နာရီ ခွဲမှာ ရန်ကုန် လေဆိပ် ရောက်တာနဲ့ သတင်း မီဒီ ယာ တွေကို ခဏတာ စကားပြောဖို့ ရှိတယ်လို့ မစ် မာဟာ က ပြောပါတယ်။
