ရဲနှင့် ရခိုင်များ ပူးပေါင်း၍ လူမဆန်စွာ နှိပ်စက်၍ ငွေညှစ်
RB News
29.12.2013
မောင်တော ။ ။ ရခိုင် ပြည်နယ်၊ မောင်တော မြို့နယ် တောင်ပိုင်း ၀ါးချ ကျေးရွာနှင့် ချိန်ခါလီ ကျေးရွာ တို့ တွင်ရိုဟင်ဂျာ အမျိုးသားနှစ်ဦးကို ရဲတပ်ဖွဲ့ဝင်များနှင့် ရခိုင်များ ပူးပေါင်းပြီး လူမဆန်စွာ ရိုက်နှက် နှိပ်စက် ၍ ငွေညှစ် ခဲ့ကြောင်း သတင်း ရရှိပါသည်။
ဒီဇင်ဘာလ (၂၈) ရက်နေ့ ည ၉ နာရီ အချိန်တွင် မောင်တော မြို့နယ် တောင်ပိုင်း ၀ါးချ ကျေးရွာ အုပ်ချုပ် ရေးမှူး ဦးမောင်မောင်သိန်းသည် နတလ ရဲစခန်းမှ ရဲတပ်ဖွဲ့ဝင် ၃ ဦး၊ ရခိုင် လူမျိုး ၃ ဦးတို့နှင့် အတူ ဦးနူရ်အာလမ် (ဘ) ဦးအူမာရ် ဒါရာစ် (အသက် ၃၅ နှစ်) ကို မိဘ အိမ်မှ ပြန်လာစဉ် ဖမ်းဆီး၍ နတလ ရဲစခန်းသို့ ဖမ်းဆီး ခေါ်ဆောင် သွားခဲ့သည်။ ရဲစခန်းသို့ ရောက်သည့် အခါ ၂၀၁၂ ခုနှစ် အကြမ်းဖက် မှုတွင် ပါဝင်သည် ဟုစွပ်စွဲ၍ ရဲတပ်ဖွဲ့ ၀င်များနှင့် ရခိုင် လူမျိုး များက ခြေ၊ လက် အဆစ်များ ကွဲသည့် အထိ အလှည့်ကျ ရိုက်နှက်၍ အလွန် အေးသည့် ရာသီဥတု တွင် လူမဆန်စွာ ရေကန်ထဲတွင် ကိုယ်ကို နစ်ထား၍ ချုပ်နှောင် ထားခဲ့သည်။ ထို့နောက် ယနေ့ (ဒီဇင်ဘာ ၂၉) နံနက်ပိုင်းတွင် ငွေကျပ် ၂ သိန်း ယူ၍ လွှတ်ပေး ခဲ့ကြောင်း ဒေသခံ တစ်ဦးက RB News သို့ ပြောပါသည်။
အလားတူပင် မောင်တော မြို့နယ် ချိန်ခါလီ ကျေးရွာမှ ဦးဆလီမုလ္လာ (ဘ) ဦးကာလူ (အသက် ၅၅ နှစ်) ကိုလည်း ၂၀၁၂ ခုနှစ် အရေးအခင်း တွင်ပါဝင်သည် ဟု စွပ်စွဲ၍ မောရ၀တီ နတလ ရဲစခန်းသို့ ဖမ်း ဆီး ခေါ်ဆောင်သွားပြီး၊ ရဲတပ်ဖွဲ့ဝင် များနှင့် ရခိုင် လူမျိုး များက ရိုက်နှက်၍ ရေကန်တွင် တစ်ညလုံး စိမ် ထား ခဲ့သည်။ ဦးဆလီမုလ္လာကို ချိန်ခါလီ အုပ်ချုပ်ရေးမှူး ကိုယ်တိုင် ရဲစခန်းသို့ သွားရောက်၍ မိသားစု များ မှ ပေးသည့် ငွေကျပ် ၃ သိန်းကို ရဲများကို ပေး၍ ပြန်လည် ခေါ်ဆောင် ခဲ့ရကြောင်း သိရှိ ရပါသည်။
မောရ၀တီ ရဲခစန်းမှ ရဲတပ်ဖွဲ့ဝင် များနှင့် ရခိုင် လူမျိုး များသည် လမ်းသွား လမ်းလာ ရိုဟင်ဂျာ များကို အမြဲ တစေ ဖမ်းဆီး၍ ရိုက်နှက် နှိပ်စက်ပြီး ငွေညှစ် လျက်ရှိသည်။ လယ်ကွင်းပြင် တွင်နွားကျောင်း လျှင်လည်း ဖမ်းဆီး၍ ငွေညှစ်ကြောင်း ဒေသခံ များက ပြောပါသည်။
