ကွမ်းသီးပင် ကျေးရွာ အုပ်စုရှိ ကျောင်းများတွင် UNICEF မှ ထောက်ပံ့ကြေး များကို အလွဲသုံးစား ပြုလုပ်
RB News
20.12.2013
မောင်တော ။ ။ ရခိုင် ပြည်နယ်၊ မောင်တော မြို့နယ်၊ ကွမ်းသီးပင် ကျေးရွာ အုပ်စုရှိ အခြေခံ ပညာကျောင်း များတွင် ကျောင်းအုပ်ကြီးနှင့် ဆရာ/မ များပုံမှန် လာရောက် သင်ကြား မပေးသည့် အပြင်၊ UNICEF မှပေး အပ်သည့် ထောက်ပံ့ကြေး များကို အလွဲသုံးစား ပြုလုပ်ခြင်း၊ အကြောင်း အမျိုးမျိုး ပြ၍ ကျောင်း သား/သူ များထံမှ ငွေကောက်ခံ ခြင်းများ ပြုလုပ် လျက်ရှိကြောင်း သတင်း ရရှိ ပါသည်။
ကွမ်းသီးပင် ကျေးရွာ အုပ်စုတွင် (၁) မဲဒီ မူလတန်း လွန်ကျောင်း (၂) ကွမ်းသီးပင် မူလတန်း လွန်ကျောင်း (၃)နံ့သာတောင် မူလတန်းကျောင်းနှင့် (၄) လက်ဖွဲ့ကျကိုယ်ထူ ကိုယ်ထ ကျောင်းတို့ ရှိသည်။ နံ့သာတောင် မူလတန်း ကျောင်းတွင် ရခိုင်ရွာတွင် တည်ရှိသောကြောင့် ရိုဟင်ဂျာ ကျောင်းသား/သူ များသွားရောက်၍ တက်ရောက်နိုင်ခြင်း မရှိကြောင်း သိရှိရသည်။ မဲဒီမူလတန်း လွန်ကျောင်း တွင်ကျောင်းအုပ်ကြီး ဦးထွန်း မင်းနိုင်၊ ဆရာ ဦးညိုသာနှင့် အခြား ဆရာ တစ်ဦး ရှိပြီး၊ ကွမ်းသီးပင် မူလတန်း လွန်ကျောင်း တွင် ကျောင်းအုပ်ကြီး၊ အစိုးရခန့် ဆရာ (၂) ဦးနှင့် ဒေသခံ အထွေထွေ လုပ်သား တစ်ဦး ရှိသည်။
မဲဒီနှင့် ကွမ်းသီးပင်ရှိ ကျောင်းများမှ ကျောင်းအုပ်ကြီးနှင့် ဆရာများသည် ကျောင်းများသို့ လာရောက် ပညာ သင်ကြား ပေးခြင်း မရှိဘဲ၊ နံ့သာတောင် ဗုဒ္ဓဘာသာပရဟိတ ကျောင်းတွင်သာသွားရောက်၍ ပညာ သင် ကြား ပေးလျက် ရှိသည်။ နံ့သာတောင် ဗုဒ္ဓ ဘာသာပရဟိတ ကျောင်းတွင် ဗုဒ္ဓ ဘာသာဝင် ကလေး များ ကို စုစည်း၍ သူငယ်တန်းမှ တက္ကသိုလ် ၀င်တန်းထိ ပညာ သင်ကြား ပေးလျက်ရှိပြီး၊ အဆို ပါ ကျောင်း မှာ နံ့သာတောင်ရှိ ဘုန်းကြီးကျောင်းတွင် ဖွင့်လှစ် ထားခြင်း ဖြစ်သည်။ ကျောင်း ရှိ ကျောင်း သား/သူ များနှင့် ဆရာ/မ များ၏ စားဝတ် နေရေး၊ ထောက်ပံ့ကြေး များကို အစိုးရမှ စီစဉ် ပေးကြောင်း သိရှိ ရပါသည်။
မဲဒီနှင့် ကွမ်းသီးပင်ရှိ ကျောင်းများမှ ကျောင်းအုပ်ကြီး များသည် အစိုးရ လစာကို ခံစား လျက်ရှိသည့် အပြင် နံ့သာတောင် ပရဟိတ ကျောင်းမှလည်း လစဉ် သိန်းကျော် လစာ ခံစား နေရသည်။ ထို့အပြင် UNICEF မှ မူလတန်း ကျောင်းသား/သူ များအတွက် ထောက်ပံ့သော ဗလာ စာအုပ်၊ ဖတ်စာအုပ်၊ စာရေး ကိရိယာ၊ လွယ်အိတ်နှင့် ထောက်ပံ့ကြေး ၁၀၀၀ ကျပ်စီကို ကျောင်းသား/သူ များကို မပေးဘဲ အလွဲသုံးစား ပြုလုပ် ခဲ့ကြောင်း ဒေသခံ များမှ RB News သို့ ပြောပါသည်။ စာအုပ်နှင့် စာရေး ကိရိယာ အချို့ကို ကျောင်း သား/ သူ များကို ပေးအပ် ခဲ့သော်လည်း တန်ဖိုး အဖြစ် ငွေကျပ် ၅၀၀ ကျပ်မှ ၁၀၀၀ ကျပ်ထိ ကောက်ခံ ခဲ့သည်။
ကျောင်းအုပ်ကြီး များသည် UNICEF မှ အထောက် အပံ့ များလာသည့် အချိန် နှစ်ရက်ခန့် ကျောင်းသို့ လာခဲ့ပြီး၊ ကျောင်းဖွင့်သည့် အချိန်မှ စ၍ ယခု အချိန်ထိ ကျောင်းသို့ လာရောက်ခြင်း မရှိခဲ့ကြောင်း သိရှိ ရ သည်။ ယခုကဲ့သို့ ကျောင်းသို့ လာရောက်ခြင်း မရှိသည့် အတွက် ပညာသင်ယူ နေသော ကျောင်း သား/ သူများမှာ ပညာရေး အထူး ဆုံးရှုံး နစ်နာ လျက်ရှိသည်။
မဲဒီနှင့် ကွမ်းသီး ပင်ကျောင်း များတွင်ကျောင်းသား/သူ ၉၀၀ ခန့်ရှိပြီး၊ ဒေသခံ ဆရာ/မ(၇)ဦးကို မြို့နယ် ပ ညာရေးမှူးရုံးမှ ခန့်အပ်ခဲ့သော်လည်း ၎င်းတို့အတွက် လစာနှင့် အခြား ခံစားခွင့် များကို ယခုအချိန် ထိပေး အပ် ခြင်း မရှိကြောင်း ဒေသခံများမှ ပြောပါသည်။
နိုင်ငံတော် သမ္မတကြီး ဦးသိန်းစိန်ကရခိုင်ပြည်နယ်ရှိ မွတ်စလင် လူထု၏ ပညာရေး မြင့်မားအောင် ပြု လုပ် ရမည်ဟု မိန့်ခွန်းတွင်ထည့်သွင်းပြောကြားခဲ့သော်လည်းတိုးတက်မှုမရှိဘဲယခင်ကထက်ပင် ဆုတ်ယုတ်လာ သည်ကိုတွေ့ရှိရသည်။
