ဘူးသီးတောင် ရဲစခန်းမှ ဒုရဲအုပ် မျိုးနိုင်မှ အကြောင်းမဲ့ ဖမ်းဆီး ငွေညှစ်
သီဟ
RB News
9.1.2014
ဘူးသီးတောင် ။ ။ ရခိုင် ပြည်နယ်၊ ဘူးသီးတောင် မြို့နယ် ရဲစခန်းမှ ဒုရဲအုပ် မျိုးနိုင်သည် ဒေသခံ ရိုဟင်ဂျာ များထံကို အကြောင်းမဲ့ ဖမ်းဆီး၍ ငွေညှစ်လျက် ရှိကြောင်း သတင်း ရရှိပါသည်။
ဒုရဲအုပ်မျိုးနိုင်သည်ဇန်န၀ါရီလ (၃)ရက်နေ့တွင်ဘူးသီးတောင် မြို့နယ် အမှတ် (၁) အနောက် ရပ် ကွက်နေ ဦးမာမတ် အာလမ်၏ နေအိမ်သို့ နေ့လည် (၂) နာရီ အချိန်တွင် ရပ်ကွက် အုပ်ချုပ် ရေးမှူး၊ ရာအိမ်မှူး၊ ဆယ်အိမ်မှူး တို့မပါဘဲ ရဲတပ်ဖွဲ့ဝင် (၁၀) ဦးခန့်ဖြင့် နေအိမ် အပြင် တံခါးကို ရိုက်ချိုး၍ ၀င်ရောက် ခဲ့သည်။ ထို့နောက် ဦးမာမတ် အာလမ်၏ နေအိမ်ထဲသို့ ၀င်ရောက်၍ ဦးမာမတ် အာလမ်၏ သား ၃ ယောက်ကို လက်ထိပ်ခတ်၍ ရိုက်နှက် ခဲ့သည်။
ဦးမာမတ် အာလမ်က ၎င်း၏ အပြစ်မဲ့ သား ၃ ယောက်ကို ရိုက်နှက် ရခြင်းနှင့် ပတ်သက်၍ မေးမြန်းရာ ဒုရဲအုပ် မျိုးနိုင်က မရိုက်စေ ချင်လျှင် ငွေကျပ် နှစ်သိန်း ပေးရန် ပြောရာ၊ ဦးမာမတ် အာလမ် မှ ငွေ ကျပ် နှစ် သိန်း ပေးခဲ့ ရကြောင်း ဒေသခံ တစ်ဦးက RB News သို့ ပြောပါသည်။
ယခင်က ယခု ကဲ့သို့ အလုပ်မျိုးကို ဘူးသီးတောင် ရဲစခန်းမှ ဒုရဲအုပ် မြတ်ထွေးမှ ပြုလုပ်ခဲ့ရာ ယခု အခါ ဒုရဲအုပ် မျိုးနိုင်မှ ပုံစံတူ ပြုလုပ် နေခြင်းဖြစ်သည်။ ပြစ်မှု ကျူးလွန်သူ များကို ဖမ်းဆီး ရာတွင် ရပ်ကွက် အုပ် ချုပ် ရေးမှူး၊ ရာအိမ်မှူး၊ ဆယ်အိမ်မှူး တို့ဖြင့်သာ ၀င်ရောက် ဖမ်းဆီး ခွင့်ရှိသော်လည်း၊ အပြစ်မဲ့ များကို ခြိမ်းခြောက်၍ ငွေညှစ်ရုံသာ ဖြစ်သောကြောင့် ရဲတပ်ဖွဲ့ဝင် များသာ ၀င်ရောက် ဖမ်းဆီး၍ ငွေညှစ်ခြင်း ဖြစ် သည်ဟု ဒေသခံ များက ပြောပါသည်။
ယခု ကဲ့သို့ ရဲအရာရှိ များက ဥပဒေမဲ့ ပြုလုပ် နေခြင်းကို မြို့နယ်၊ ခရိုင်နှင့် ပြည်နယ် ရဲတပ်ဖွဲ့မှူး များက သိရှိ သော်လည်း အရေးယူ တားမြစ်ခြင်း မရှိဟု ဒေသခံ များက ဆိုသည်။
