မောင်တောမြို့ အတွင်း ရိုက်နှက် ညှဉ်းပန်း နှိပ်စက် ငွေညှစ်မှု အချို့

MYARF
RB News
18.4.2014

မောင်တော ။ ။ ရခိုင်ပြည်နယ်၊ မောင်တောမြို့နယ်ရှိ ကျေးရွာ အချို့တွင် အာဏာပိုင်များက ငွေညှစ်ခြင်း၊ ၉၆၉ အဖွဲ့ဝင်များက ရိုက်နှက်ခြင်း၊ သတင်း တပ်ဖွဲ့က အကြောင်းမဲ့ ရိုက်နှက်ခြင်းနှင့် သားသတ် လိုင်စင် သမားများက ခေါင်းပုံဖြတ် အမြတ်စားခြင်းများ ဖြစ်ပေါ်ခဲ့ကြောင်း သတင်း ရရှိပါသည်။

ဧပြီလ (၁၆) ရက်နေ့က မောင်တောမြို့နယ် တောင်ပိုင်း ဇော်မတက် ကျေးရွာ အုပ်စု အုပ်ချုပ်ရေးမှူး ဦးစောလှကြည်သည် ဒေသခံ ရိုဟင်ဂျာ (၃) ဦးကို နေအိမ် ပြုပြင် ခဲ့သည်ဟု စွပ်စွဲ၍ ငွေညှစ် ခဲ့ကြောင်း ဒေသခံ တစ်ဦးက RB News သို့ပြောပါသည်။ ငွေညှစ်ခံရသူ ၃ ဦးမှာ --

(၁) ဦးကာဆိမ်း (ဘ) ဦးတော်ဇုမ်အလီ (ညှစ်ခံရသည့်ငွေ ကျပ် - ၂ သောင်း)
(၂) ဦးရာမတ်အုလ္လာ (ဘ) ဦးလာလူး (ညှစ်ခံရသည့် ငွေ ကျပ် - ၃ သောင်း)
(၃) ဦးဟာဘီအုလ္လာ (ဘ) ဦးရှော်ရ်ဟူစိန်း (ညှစ်ခံရသ်ည့ ငွေ ကျပ် - ၁ သောင်း ၆ ထောင်) -- တို့ဖြစ်သည်။

ဧပြီလ (၁၅) ရက်နေ့ ည ၉ နာရီ အချိန်တွင် မောင်တောမြို့နယ် ကြိမ်ချောင်း ကျေးရွာ အုပ်စု၊ ရွာသစ်မှ ရဲတပ်ဖွဲ့ဝင်ဟောင်း ဦးမိုဟာမတ်အာလမ်၏ သားဖြစ်သူ ကိုမိုဟာမတ်ဟူစိန်း (အသက် ၂၈ နှစ်) သည် ကြိမ်ချောင်းဈေး၌ လုံခြုံရေး တာဝန် ထမ်းဆောင်ရန် လာနေစဉ် သတင်းတပ်ဖွဲ့ (SB) ရုံးရှေ့သို့ ရောက်သည့် အခါ SB ဦးအောင်ကျော်လှနှင့် တပည့် တစ်ဦးတို့က ၎င်းအား ခေါ်၍ မီးခြစ်တောင်းရာ မရှိကြောင်း ကောင်းမွန်စွာ ပြောဆို ခဲ့သော်လည်း အဆိုပါ SB ဦးအောင်ကျော်လှနှင့် တပည့်ကိုက ၎င်းကို ရိုက်နှက် ခဲ့သည်။ ကိုမိုဟာမတ်ဟူစိန်းသည် ထွက်ပြေးရန် ကြိုးစားခဲ့သော်လည်း ၎င်းကို ဖမ်းဆီး၍ SB ရုံးရှေ့ရှိ ဦးအီလီယာစ် အိမ်ထဲသို့ ပစ်သွင်းခဲ့သည်။ ဦးအီလီယာစ်၏ သားဖြစ်သူက ရိုက်ရသည့် အကြောင်းရင်းကို SB ဦးအောင်ကျော်လှ ထံမှ မေးမြန်းရာ ဦးအီလီယာစ်၏ သားဖြစ်သူကိုပါ ရိုက်နှက်ခဲ့သည်။

ဦးအီလီယာစ်၏ ဇနီးက အော်ဟစ်၍ ပတ်ဝန်းကျင်ကို အကူအညီ တောင်းသည့်အခါ SB ဦးအောင်ကျော်လှနှင့် အတူ လိုက်ပါသည့် တပည့်က SB ရုံးသို့ ဖုန်းဆက်၍ အကြောင်းကြားသည့်ကြောင့် SB, ရဲနှင့် စ.ရ.ဖ တို့နှင့် အတူ ကျေးရွာ အုပ်ချုပ်ရေးမှူးပါ ရောက်ရှိလာခဲ့သည်။ ဦးအီလီယာစ်၏ ဇနီးက ဖြစ်ရပ်မှန်ကို ရှင်းပြသည့် အခါ ရောက်ရှိလာသူ များက SB ဦးအောင်ကျော်လှကို အပြစ်ဆိုပြီး ပြန်ခေါ် သွားခဲ့သည်။ ဧပြီလ (၁၆) ရက်နေ့တွင် ဦးအီလီယာစ်၏ သားဖြစ်သူနှင့် သားမက် ဖြစ်သူ တို့ကို SB မှ တပ်ဖွဲ့ဝင်များက ဦးအောင်ကျော်လှကို ရိုက်နှက် ခဲ့သည်ဟု စွပ်စွဲ၍ ဖမ်းဆီးရန် ရှာဖွေ ခဲ့သည်။ ဦးအောင်ကျော်လှသည် ဦးအီလီယာစ်၏ သမီး ဖြစ်သူ ၉ တန်း ကျောင်းသူကို လမ်းသွားရာတွင် အမြဲတစေ လိုက်လံ နှောက်ယှက်ခြင်းကြောင့် အစ်ကို ဖြစ်သူက အာဏာပိုင်များကို တိုင်တန်းခဲ့သည့် အတွက် ရန်ငြိုးထားကာ ယခုကဲ့သို့ ပြဿနာ ဖန်တီးခြင်း ဖြစ်ကြောင်း ဒေသခံ တစ်ဦးက RB News သို့ပြောပါသည်။

မောင်တော မြို့နယ် မြောက်ပိုင်း မောင်နှမ ကျေးရွာ အုပ်စု အလယ်ရွာ (မောင်နှမငယ်) မှ ဦးမာမတ်အာမီးန်နှင့် ဦးအဒူဇော်ဘော်ရ် တို့အပါဝင် (၈) ဦးတို့သည် မြို့မ သားသတ် လိုင်စင် ရရှိထားသူ ထံမှ မောင်နှမ ကျေးရွာနှင့် ဖားဝပ် ကျေးရွာ နှစ်ရွာ အတွက် သားသတ်လိုင်စင်ကို ယခင်က ငွေကျပ် သိန်း ၅၀ ပေးရသော်လည်း ယခုနှစ်တွင် သိန်း ၁၀၀ ဖြင့် ရယူခဲ့သည်။ ယခုအခါ ၎င်းတို့သည် ရွာနှစ်ရွာ အတွင်းရှိ နွားတစ်ကောင် ရောင်းလျှင် ငွေကျပ် သုံးသောင်းမှ ငါးသောင်း အထိ တောင်းခံနေပြီး၊ ရွာသားများ စုပေါင်း၍ စားသုံးရန် ဆိုပါက ငွေကျပ် ငါးသောင်း တောင်းခံလျက် ရှိကြောင်း ဒေသခံ တစ်ဦးက RB News သို့ပြောပါသည်။ နွားရောင်းချသူများနှင့် စုပေါင်းစားသုံးသူ များက လျှော့ယူရန် တောင်းဆို သော်လည်း ၎င်းတို့က ရိုက်နှက်မည်ဟု ခြိမ်းခြောက်၍ အတင်း အဓမ္မ တောင်းခံလျက် ရှိကြောင်း သိရှိရပါသည်။

ဧပြီလ (၁၆) ရက်နေ့ နံနက်ပိုင်းတွင် မောင်တော မြို့နယ် သ၀န်ချောင်းမှ လမ်းပြုပြင်သည့် အလုပ်သမား တစ်ဦး ဖြစ်သူ ဦးဂျမာလ်အုဒ္ဒိန် (ဘ) ဦးအာစေဒိန်သည် လမ်းပြုပြင် နေစဉ် အင်းဒင်ဈေး အနီးရှိ ရခိုင် အစွန်းရောက် တစ်ဦး ဖြစ်သူ စိုးမိုးက ၎င်း၏ ဆိုင်ရှေ့မှ မြေတူးခဲ့သည်ဟု ဆိုကာ ဆူပူကြိမ်းမောင်း သဖြင့် ၎င်းက ပြန်လည်၍ မြေဖို့ ပေးခဲ့သည်။ သို့သော်လည်း ညနေပိုင်းတွင် အင်းဒင်မှ ဇော်ဇော်၊ စိုးမိုး (ဘ) ဦးမောင်သာ၊ စိုးမိုး၏ ဇနီးနှင့် ကျောက်ပန္ဒူ ကျေးရွာ အခြေစိုက် တပ်ရင်းမှ ဒု-တပ်ရင်းမှူး တို့က အဆိုပါ အလုပ်သမားထံ လာရောက်ပြီး “မင်းက လုပ်ချင်သလို လုပ်နေတာလား” ဟု ပြောဆိုကာ ဒု-တပ်ရင်းမှူးက ရိုက်နှက်၍ စိုးမိုး၏ ဇနီးဖြစ်သူက ခြေထောက်ဖြင့် ကန်ခဲ့ကြောင်း ဒေသခံ တစ်ဦးက RB News သို့ပြောသည်။

ဧပြီလ (၁၃) ရက်နေ့တွင် မောင်တောမြို့နယ် တောင်ပိုင်း သင်္ဘောကွဲ ကျေးရွာမှ ဦးအဒုလ်အာဇီဇ် (ဘ) ဦးရှားအာလမ်သည် အင်းဒင်ဈေးမှ ပြန်လာစဉ် အင်းဒင်ကျေးရွာမှ ၉၆၉ အဖွဲ့ဝင် တစ်ဦး ဖြစ်သူ ရသေ့တောင်သား ဇော်ဇော်က အကြောင်းမဲ့ ရိုက်နှက် ခဲ့ကြောင်း ဒေသခံ တစ်ဦးက RB News သို့ပြောပါသည်။

ဧပြီလ (၁၁) ရက်နေ့ ကျောက်ပန္ဒူ ကျေးရွာ အခြေစိုက် ကင်းစခန်းမှ နယ်ခြားစောင့်တပ် တပ်ဖွဲ့ဝင် နှစ်ဦးသည် ရာအိမ်မှူး ဦးမိုဟာမတ်ဆိဒိတ် နှင့်အတူ ကျောက်ပန္ဒူ စေတီရွာရှိ မော်လ၀ီ အဒူရှကူရ် (ဘ) ဦးအီမာန်ဟူစိန်း (အသက် ၂၅ နှစ်) ၏ နေအိမ်သို့ သွားရောက်၍ ဆိုင်ပြုပြင် နေသည်ဟု ဆိုကာ ငွေကျပ် နှစ်သောင်း ညှစ်ယူသည့် အပြင်၊ ငွေကျပ် ခြောက်သောင်း တန်ဖိုးရှိ မိုဘိုင်းဖုန်းကိုလည်း သိမ်းဆည်း သွားခဲ့ကြောင်း ဒေသခံ တစ်ဦးက RB News သို့ပြောပါသည်။