ရခိုင် တိုင်းရင်းသား လမ်းဟု ခေါ်သည့် ကွန်ကရစ် လမ်းတွင် ရိုဟင်ဂျာများကို သွားခွင့်မပေး

RB News

24.2.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း ကံပူးကျေးရွာမှ ထင်းခုတ်သမား များသည် ကွန်ကရစ်လမ်း အတိုင်း ပြန်လာစဉ် အဆိုပါ လမ်းမှာ ရခိုင် တိုင်းရင်းသား လမ်းဖြစ်၍ ဒေသခံ ရိုဟင်ဂျာများ ဖြတ်သန်း သွားခွင့် မရှိဟု နယ်ခြားစောင့် ရဲများက ပြောဆို ခဲ့ကြောင်း သတင်း ရရှိပါသည်။ 

မောင်တော မြို့နယ် တောင်ပိုင်း၊ ကံပူး ကျေးရွာမှ ဒေသခံ ရိုဟင်ဂျာ အချို့သည် ဖေဖော်ဝါရီလ (၂၃) ရက်နေ့ နေ့လည် (၂) နာရီ အချိန်တွင် တောင်ပေါ်မှ ထင်းခုတ်၍ ပြန်လာနေစဉ် တောင်ဘက်မှ မီနီ ကားတစ်စီးဖြင့် မောရ၀တီ စခန်းမှ နယ်ခြားစောင့် ရဲများ ရောက်ရှိလာပြီး၊ ကွန်ကရစ် လမ်း (ရခိုင် အခေါ် တိုင်းရင်းသားလမ်း) ပေါ်မှ လမ်းလျှောက်လာသည့် ထင်းခုတ်သမား များကို ရပ်တန့်စေကာ “မင်းတို့ ကုလားတွေ တိုင်းရင်းသားလမ်းက မသွားရဘူး ဆိုတာ မသိကြဘူးလား၊ မင်းတို့ကို ထင်းခုတ်ဖို့ ဘယ်သူ ခွင့်ပြုခဲ့သလဲ” ဟုဆိုကာ “နောက်နောင် ထင်းလည်း မခုတ်နဲ့၊ တိုင်းရင်းသား လမ်းကလည်း မသွားနဲ့” ဟု ရိုင်းပျစွာ ပြောဆို၍ ပြန်လွှတ်နေစဉ် မောရ၀တီ န.တ.လ ရွာမှ ရခိုင် တစ်ဦးက ဂေါ်ရခါလီရွာမှ ရိုဟင်ဂျာ တစ်ဦးကို ဆိုင်ကယ် နောက်မှ တင်၍ မောင်းနှင် လာခဲ့သည်။

အဆိုပါ ဆိုင်ကယ်သည် ထင်းခုတ်သမား များထဲမှ ကံပူးကျေးရွာသား အော်လီအုလ္လာ (ဘ) ဦးဂျမာလ် (အသက် ၁၂ နှစ်) ကို တိုက်မိခဲ့ပြီး၊ အော်လီအုလ္လာနှင့် ဆိုင်ကယ် နောက်မှ ပါလာသူတို့ ဦးခေါင်း ကွဲပြဲ၍ ပြင်းထန်စွာ ဒဏ်ရာ ရရှိခဲ့သည်။ နယ်ခြားစောင့် ရဲများ၏ ရှေ့မှောက်တွင် ဆိုင်ကယ် တိုက်မှု ဖြစ်ပွားခဲ့သော်လည်း ဆိုင်ကယ်တိုက်သူမှာ ရခိုင် လူမျိုး ဖြစ်သောကြောင့် နယ်ခြားစောင့် ရဲများက ၀င်ရောက်၍ ပြောဆိုခြင်း မရှိဘဲ ငြိမ်သက်စွာ ထွက်သွားခဲ့သည်ဟု ဒေသခံ တစ်ဦးက RB News သို့ပြောသည်။ ဆိုင်ကယ် မောင်းနှင် လာသူကလည်း ဒဏ်ရာရသူများကို ထား၍ ဆိုင်ကယ် မောင်းနှင်၍ ထွက်ပြေးရန် ကြိုးစားနေစဉ် လမ်းနဘေးတွင် အဆောက်အအုံ ဆောက်လုပ်နေသည့် ရိုဟင်ဂျာ အလုပ်သမားများက ဆိုင်ကယ် သမားကို တား၍ ဆိုင်ကယ် တိုက်ခံရသူ များကို တာဝန်ယူ ဖြေရှင်း ပေးရန် ပြောသည့် အခါမှသာ ဆိုင်ကယ် သမားက ဒဏ်ရာရသူ နှစ်ဦး စလုံးကို မောရ၀တီရှိ ကျေးလက် ဆေးခန်းသို့ ခေါ်သွားကာ ဦးခေါင်းမှ ဒဏ်ရာများကို ဆေးကုသ ပေးခဲ့သည်။ ထို့နောက် ဆိုင်ကယ် တိုက်ခံရသူ နှစ်ဦးကို နေအိမ်သို့ ပို့ဆောင် ပေးခဲ့ကြောင်း သိရသည်။ ၎င်းက ဆေးကုသ ပေးခဲ့သော်လည်း ဆင်းရဲသည့် ထင်းခုတ်သမား အော်လီအုလ္လာမှာ ဆက်လက် ဆေးကုသရန် စရိတ်မတတ်နိုင်သဖြင့် ၎င်း၏ နေအိမ်တွင်သာ အနားယူနေရသည်ဟု ဆိုသည်။