နောက်ဆုံးသတင်း/ဆောင်းပါးများ

နယ်ခြားစောင့် ရဲများက အမျိုးသမီး နှစ်ဦးကို ကာအိနြေ္ဒပျက်ပြား စေသည့် အထိ စော်ကား



RB News
12.7.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း အလယ်သံကျော် ကျေးရွာ အခြေစိုက်၊ နယ်ခြားစောင့် ရဲတပ်ဖွဲ့ တပ်ရင်းတွင် တပ်ရင်းမှူး နေရာတွင် အစားထိုး ရောက်ရှိလာသူ ဒု-ရဲမှူးနှင့် တပ်ဖွဲ့ဝင် (၇) ဦး၊ ယင်းတပ်ရင်း လက်အောက်ခံ ချိန်ခါလီ စခန်းမှ စခန်းမှ ရဲအုပ်မျိုးမင်းသန်းနှင့် တပ်ဖွဲ့ဝင် ၄ ဦး၊ စုစုပေါင်း ၁၃ ဦး တို့သည် ဇူလိုင်လ (၆) ရက်နေ့ ည ၁၁ နာရီ အချိန်တွင် အလယ်သံကျော် ကျေးရွာ အုပ်စု၊ ဈေးကုန်တန်း ရပ်ကွက်နေ ကွမ်းယာဆိုင် ရောင်းသူ ဦးရော်ဟီးမူလ္လာ (ဘ) ဦးကာဒဲရ်ဟူဆောင်း (အသက် ၄၅ နှစ်) နှင့် သားမက် ဖြစ်သူ ဦးမာမတ်တာဟဲရ် (ခ) တာကူး (ပဲသုတ်ဆိုင်) (အသက် ၃၀ နှစ်) တို့၏ နေအိမ် ခြံစည်းရိုးဂိတ်ကို ရိုက်ချိုး ၀င်ရောက်ကာ ၎င်းတို့နှစ်ဦးကို နေအိမ် အပြင်သို့ ခေါ်ထုတ်လာပြီး ဦးခေါင်းများကို ဦးညွတ်ခိုင်းပြီး ငုတ်တုတ်ထိုင်ခိုင်းကာ ရာဇ၀တ်မှု ကျူးလွန် ထားသူများ သကဲ့သို့ နယ်ခြားစောင့် ရဲများက ၀န်းရံထားပြီး ဦးခေါင်းများကို သေနတ်ဖြင့် ချိန်ထားပြီး ဆဲဆို ကြိမ်းမောင်း ခဲ့သည်။ 

နယ်ခြားစောင့် ရဲများက “မင်းတို့ ဘင်္ဂလီတွေ ခွေးမြှီးတွေလိုပဲ ဘယ်လို ဖြောင့်ဖြောင့် ဖြောင့်တာမဟုတ်ဘူး၊ နိုင်ငံတော်ကို သစ္စာဖောက်ပြီး ဘင်္ဂလားဖုန်း သုံးစွဲနေတယ်” ဟု လုပ်ကြံ စွပ်စွဲ၍ ရိုင်းပျစွာ ပြောဆိုခဲ့သည်။ ထို့နောက် နေအိမ်ထဲတွင် စစ်ဆေးရန် ရှိသည်ဟု ဆိုကာ ဒု-ရဲမှူးနှင့် ရဲအုပ်တို့ ၀င်ရောက်၍ ဦးရော်ဟီးမူလ္လာ၏ သမီးနှင့် ဦးမာမတ်တာဟဲရ်၏ ခယ်မ တို့ကို စခန်းသို့ ခေါ်သွားရမည်ဟု ခြိမ်းခြောက်ကာ နံနက် နှစ်နာရီခွဲ အချိန်ထိ စိတ်တိုင်းကျ မဖွယ်မရာ ပြုလုပ်ပြီးမှ ပြန်လည် ထွက်ခွာသွားခဲ့ကြောင်း ဒေသခံများက RB News သို့ပြောသည်။ 

နယ်ခြားစောင့် ရဲတပ်ဖွဲ့မှ အရာရှိများ ထိုသို့ ကျူးလွန်နိုင်ရန် လမ်းပြပေးသူမှာ အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်၏ တပည့်ဖြစ်သူ ကျော်ဇေယျာဦး၏ သား မောင်ကျော်နိုင် ဖြစ်သည်ဟု ဒေသခံများက ပြောပါသည်။ 

ဖြစ်စဉ် အစအဆုံးကို ကျေးရွာ အုပ်ချုပ်ရေးမှူး ဖြစ်သူ ဦးမောင်သက်နိုင် ထံသို့ အားကိုးတကြီးဖြင့် တိုင်ကြားခဲ့သော်လည်း ကျေးရွာ အုပ်ချုပ်ရေးမှူး ဖြစ်သူမှာလည်း လိုင်စင်ရ ဓါးပြ တစ်ဦး ပမာ ဖြစ်သောကြောင့် ကျေးရွာသူ/သား များမှ ကာကွယ်၍ အထက် အာဏာပိုင်များ ထံသို့ တိုင်ကြား ပေးခြင်း မရှိကြောင်း သိရသည်။

Comment ရေးရန်

Rohingya Exodus