ဒေါ်အောင်ဆန်းစုကြည်ကို ဘူးသီးတောင်၊ မောင်တော ဒေသသို့ သွားကြည့်ရန် ကုလသမဂ္ဂက တိုက်တွန်း
RB News
9.12.2016
ကုလသမဂ္ဂ အထွေထွေ အတွင်းရေးမှူးချုပ် မစ္စတာဘန်ကီမွန်းရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် ဖြစ်တဲ့ မစ္စတာဗီဂျေနံဗီးယားက ရခိုင်ပြည်နယ် မြောက်ပိုင်းမှာ ဖြစ်ပွားနေတဲ့ အခြေအနေနဲ့ ပတ်သက်ပြီး အလွန်စိုးရိမ်နေရတဲ့ အကြောင်း ကြေညာချက် တစ်စောင် ထုတ်ပြန်လိုက်ပါတယ်။
လုံခြုံရေးတပ်ဖွဲ့တွေက တရားဥပဒေနဲ့ အညီ လုပ်ဆောင်ဖို့၊ နိုင်ငံတကာ စံချိန်စံညွန်းနဲ့ လုပ်ဆောင်ဖို့ အပြစ်မဲ့ အရပ်သားတွေကို ထိခိုက်စေတာတွေ၊ သူတို့ရဲ့ ပိုင်ဆိုင်မှုတွေကို ထိခိုက်တာတွေ မလုပ်ဆောင်ဖို့ ကုလသမဂ္ဂ အနေနဲ့ တိုက်တွန်းတယ်လို့ ဆိုပါတယ်။ အာဏာပိုင်တွေ အနေနဲ့ အရပ်သား ပြည်သူတွေကို ကာကွယ်ပေးဖို့ လိုပြီး လူသားချင်းစာနာမှု အထောက်အပံ့ အကူအညီတွေ ပေးနိုင်ဖို့ လမ်းတွေဖွင့်ပေးဖို့ လိုတဲ့အကြောင်း၊ အစိုးရက ဖွဲ့စည်းထားတဲ့ အမျိုးသားအဆင့် စုံစမ်းရေး ကော်မရှင်ကလည်း သီးခြားလွတ်လပ်တဲ့ ပုံစံမျိုးနဲ့ လုပ်ဆောင်ရင် ပဋိပက္ခဖြစ်ပွားနေတဲ့ နေရာက ပြည်သူတွေရဲ့ ယုံကြည်မှုနဲ့အတူ နိုင်ငံတကာ အသိုင်းအ၀ိုင်းရဲ့ ယုံကြည်မှုပါ ရလိမ့်မယ်လို့ ယုံကြည်တယ်လို့ နံဗီးယားရဲ့ ကြေညာချက်ထဲ ရေးသားထားပါတယ်။
ပြစ်မှုကျူးလွန်သူများရဲ့ တိုက်ခိုက်မှုနဲ့ ပတ်သက်လို့လည်း နားလည်တဲ့ အကြောင်း၊ မြန်မာအာဏာပိုင်တွေအနေနဲ့ အဲဒီက ပြည်သူများရဲ့ လုံခြုံရေး၊ ဂုဏ်သိက္ခာနဲ့ တို့ကို ထည့်သွင်းစဉ်းစားရမယ့် အပြင် သေချာ ကာကွယ်ပေးဖို့လည်း လိုတဲ့အကြောင်း၊ နေအိမ်စွန့်ခွာပြီး ထွက်ပြေးသွားရသူများကိုလည်း အစိုးရက သူတို့ရဲ့ အိမ်တွေမှာ ပြန်လည် နေထိုင်ခွင့် ပေးရမှာ ဖြစ်ကြောင်း၊ အစိုးရ အကြီးအကဲတွေအနေနဲ့ လူမျိုး၊ ဘာသာ၊ လိင်၊ အဆင့်အတန်း မခွဲခြားဘဲ ကာကွယ်ပေးမယ် ဆိုတာကို ပြောဆိုဖို့ လိုကြောင်း၊ စွပ်စွဲချက်တွေနဲ့ ပတ်သက်ပြီး သေချာကိုင်တွယ် ဖြေရှင်းဖို့ အားလုံးမှာ တာဝန် ရှိတယ်လို့ ဆိုပါတယ်။
ဒေါ်အောင်ဆန်းစုကြည် အနေနဲ့ နိုင်ငံတကာရဲ့ စိုးရိမ်ပူပန်မှုကို ကြားသိနေပြီ ဖြစ်ပေမယ့်လည်း အစိုးရ အာဏာပိုင်တွေက ပြတ်ပြတ်သားသား ငြင်းဆိုနေတာတွေနဲ့ ပတ်သက်ပြီး ပြည်တွင်းမှာရော ပြည်ပမှာပါ စိတ်ပျက်နေတာတွေ တွေ့နေရကြောင်း၊ မြန်မာပြည်သူတွေ အနေနဲ့လည်း အကြမ်းဖက်မှု၊ စည်းလုံးညီညွတ်မှု ပျက်ပြားတာတွေ၊ ခွဲခြားနေတာတွေကို ဆန့်ကျင်ဖို့ လိုကြောင်း၊ ဒေါ်အောင်ဆန်းစုကြည် အနေနဲ့ မောင်တောနဲ့ ဘူးသီးတောင်ကိုသွားပြီး ပြည်သူတွေကို ကာကွယ်ပေးမယ့် အကြောင်းကို သေချာ ပြောဖို့လိုတယ်လို့ တိုက်တွန်းတယ်လို့ မစ္စတာနံဗီးယားရဲ့ ကြေညာချက်မှာ ရေးထားပါတယ်။
