ကမ္ဘာ့မူဆလင် ထိပ်သီးအစည်းအဝေးက မြန်မာအစိုးရကို ပန်ကြား

အဖွဲ့ဝင်နိုင်ငံများ၏ နိုင်ငံခြားရေး ဝန်ကြီးများ တက်ရောက်ကြသည့် OIC အထူး အစည်းအတွက် အဓိက ခေါင်းစဉ်များ အဖြစ် ဆီးရီးယား၊ မြန်မာ၊ မာလီ၊ ပါလက်စတိုင်းနှင့် ဂျေရူဆလင် အရေးကိစ္စများ ဆွေးနွေးကြသည်။

OIC ခေါင်းဆောင်များ ပြင်ဆင်ရေးဆွဲထားသည့် နောက်ဆုံး ကြေညာချက်နှင့် ဆုံးဖြတ်ချက် မူကြမ်း လေးခုကို မက္ကာမြို့၌ အင်္ဂါနေ့ညနေတွင် ကျင်းပမည့် အစည်းအဝေးတွင် တင်သွင်းမည် ဖြစ်သည်။

OIC ကိုယ်စားလှယ်အဖြစ် ရခိုင်ဒေသသို့ ကိုယ်တိုင်သွားရောက် လေ့လာကာ အကူအညီများ ပေးအပ်ခဲ့သည့် တူရကီ နိုင်ငံခြားရေးဝန်ကြီး အာမတ် ဒါဗူတိုဂလူ Ahmet Davutoglu ကလည်း လွန်ခဲ့သည့် ရက်ပိုင်းအတွင်းက

မြန်မာနိုင်ငံအတွင်း ဆွေးနွေးခဲ့မှုများနှင့် အကူအညီပေးခဲ့သည်များကို OIC အဖွဲ့ဝင်များထံသို့ သတင်းပေးပို့ခဲ့သည်။

ကုလသမဂ္ဂ၏ မြန်မာနိုင်ငံ လူ့အခွင့်အရေးဆိုင်ရာ အထူးကိုယ်စားလှယ် မစ္စတာ သောမတ်စ် အိုဂျေး ကွင်တားနား ကလည်း ၎င်း၏ ခြောက်ရက်ကြာ မြန်မာနိုင်ငံ ခရီးစဉ်အတွင်း ရခိုင်ပြည်နယ်သို့ သွားရောက်လေ့လာခဲ့ကာ ပဋိပက္ခများ အတွက် လွတ်လပ်သော စုံစမ်းစစ်ဆေးမှုများ ပြုလုပ်သင့်ကြောင်း ပြောဆိုခဲ့ပြီး နိုင်ငံသားဖြစ်မှု ဥပဒေအားလည်း

ပြန်လည်သုံးသပ်ရန် မြန်မာအစိုးရအား တိုက်တွန်းပြောဆိုသွားခဲ့သည်။

တနင်္လာနေ့က ကျင်းပခဲ့သည့် အမျိုးသားလွှတ်တော် အစည်းအဝေးတွင် “မြန်မာ နိုင်ငံသား ဥပဒေကို အသစ်ရေးဆွဲပြဋ္ဌာန်းပြီး လက်ရှိ မြန်မာနိုင်ငံသားဥပဒေ (၁၉၈၂ ခုနှစ်၊ ပြည်သူ့လွှတ်တော် ဥပဒေအမှတ်-၄)အား ပယ်ဖျက်သင့်ကြောင်း” အဆိုကို စစ်ကိုင်းတိုင်း မဲဆန္ဒနယ် အမှတ် ၇ မှ ဦးတင်မြ က တင်သွင်းရာ အခြား ကိုယ်စားလှယ် တဦးကထောက်ခံပြီး ယင်းအဆိုကို လွှတ်တော်က လက်ခံဆွေးနွေးရန် သဘောတူကြောင်း ဆုံးဖြတ်ခဲ့သည်။