ရှိတ်ဟာဆီနာ ရိုဟင်ဂျာအရေးဆန္ဒပြသူများနှင့်လန်ဒန်တွင်ကြုံတွေ့
ဗြိတိန်နိုင်ငံ၊ လန်ဒန်မြို့သို့ရောက်ရှိနေသော ဘင်္ဂလားဒေ့ရ်ှဝန်ကြီးချုပ်အား သြဂုတ်လ (၁၂) ရက်နေ့တွင် ၎င်းတည်းခို လျက်ရှိသောဟိုတယ်ရှေ့တွင်ရိုဟင်ဂျာအရေးထောက်ခံသူများမှဆန္ဒပြခဲ့ကြောင်း ဘင်္ဂ လားဒေ့ရ်ှနိုင်ငံထုတ်သတင်းစာ များမှရေးသားဖော်ပြချက်အရသိရှိရသည်။
ဝန်ကြီးချုပ်ရှိတ်ဟာဆီနာသည် မြန်မာနိုင်ငံတွင်တည်ငြိမ်စပြုလာသောအကြမ်းဖက်မှုကြီးအတွင်း ရိုဟင်ဂျာလူမျိုးများသည်အသက်ဘေးအန္တရာယ်မှလွတ်ကင်းရန်ဘင်္ဂလားဒေ့ရ်ှနိုင်ငံသို့ထွက်ပြေးတိမ်းရှောင်လာသောသူများကို ခိုလှုံခွင့်မပေးဘဲ နှင်လွှတ်သည့်အတွက်ကုလသမဂ္ဂ၊ အမေရိကန်နှင့်နိုင်ငံတကာမှ နယ်စပ်ဝင်ပေါက်ဖွင့်ပေးရန်တောင်းဆိုခဲ့သော်လည်း ဖွင့်ပေးခဲ့ခြင်းမရှိပဲ၊ ရိုဟင်ဂျာပြဿနာ သည်မြန်မာနိုင်ငံ ၏ပြဿနာသာဖြစ်ကြောင်းနှင့်ဘင်္ဂလားဒေ့ရ်ှနှင့်မဆိုင်ကြောင်း ပြောဆိုခဲ့သောကြောင့် နိုင်ငံတကာမှဝေဖန်ပြစ်တင်ခဲ့သည်။
မကြားသေးမီရက်ပိုင်းအတွင်းကဘင်္ဂလားဒေ့ရ်ှနိုင်ငံရှိတရားဝင်နှင့်တရားမ၀င်နေထိုင်သောရိုဟင်ဂျာဒုက္ခသည်များကို ကူညီနေသည့် အစိုးရမဟုတ်သည့်အဖွဲ့အစည်းသုံးခုကိုလုပ်ငန်းများရပ်ဆိုင်းခဲ့ပြီး၊ နောက်နောင်ဆက်လက်မလုပ်ကိုင်ရန် တားမြစ်ခဲ့သည်။ ထိုကဲ့သို့ဘင်္ဂလားဒေ့ရ်ှနိုင်ငံ၏ မြန်မာ အစိုး ရနှင့်မထူး မခြားနားရပ်တည်မှုများကြောင့် ကမ္ဘာ့အ၀န်းမှ အစိုးရအဖွဲ့အစည်းများ၊ အစိုးမဟုတ်သည့် အဖွဲ့အစည်းများကပြင်းထန်စွာဝေဖန်ခဲ့သည်။ လန်ဒန်မြို့ရှိဘင်္ဂလားဒေ့ရ်ှနိုင်ငံ သားအများစုမှ ဤကိစ္စ ကိုကျေနပ်မှုမရှိကြောင်းဗြိတိန်နိုင်ငံအခြေစိုက်ရုပ်မြင်သံကြားအစီအစဉ်များမှထုတ်လွှင့်ပြသခဲ့သည်။
ရှိတ်ဟာဆီနာသည်ဗြိတိန်နိုင်ငံသို့ Global Hunger Summit တက်ရောက်ရန်ရောက်ရှိလျက်ရာ တနင်္ဂနွေနေ့က အမှတ် (၁၀) ဒေါင်းနင်းလမ်းသို့သွားရောက်၍ ဗြိတိန်ဝန်ကြီးချုပ်ဒေး ဗစ်ကာမရွန်းနှင့်တွေ့ဆုံရန် လန်ဒန်မြို့လယ်ရှိ၎င်းတည်းခိုရာ ဟိုတယ်မှမထွက်ခွာ မှီအချိန်အနည်းငယ် အလိုတွင် ရိုဟင်ဂျာအရေးထောက်ခံသူအယောက် (၂၀၀) ယောက်ကျော် ရောက်ရှိလာပြီး ရိုဟင်ဂျာများ မျိုးတုန်း သတ်ဖြတ် နေခြင်းတွင်ရှိတ်ဟာဆီနာမှပါဝင်ကူညီနေခြင်းဖြစ်ကြောင်းနှင့် ရိုဟင်ဂျာများ ကိုဘင်္ဂလားဒေ့ရ်ှနိုင်ငံတွင်ခိုလှုံခွင့်ပေးရန်တို့ကိုဆန္ဒပြသူများမှအော်ဟစ်ခဲ့ကြောင်းသတင်းရရှိပါသည်။
RB News Desk
