မောင်တော၊ မြို့သူကြီး ရဲစခန်းမှူးက ဒေသခံ များကို ရိုက်နှက် နှိပ်စက် ငွေညှစ်
RB News
30.12.2013
မောင်တော ။ ။ ရခိုင် ပြည်နယ်၊ မောင်တော မြို့နယ်၊ မြို့သူကြီး လုံထိန်း ရဲကင်း စခန်းမှ စခန်းမှူး ဒုရဲအုပ်သည် ဒေသခံ ရိုဟင်ဂျာ များကို အကြောင်းမဲ့ ရိုက်နှက် နှိပ်စက်၍ ငွေညှစ် လျက်ရှိကြောင်း သတင်း ရရှိပါသည်။
မောင်တောမြို့နယ်၊ မြို့သူကြီး လုံထိန်း ရဲကင်း စခန်းသည် လမ်းမကြီး အနီးတွင် တည်ရှိပြီး၊ စခန်းမှူး ဒုရဲအုပ်က ဆိုက္ကား၊ စက်ဘီး များဖြင့် လမ်းမကြီး ပေါ်မှ ဖြတ်သန်း သွားလာသည့် ဒေသခံ ရိုဟင်ဂျာ များကို အကြောင်းမဲ့ ရိုက်နှက် နှိပ်စက် ငွေညှစ် လျက်ရှိကြောင်း သိရှိ ရပါသည်။
စခန်းမှူး ဒုရဲအုပ်သည် ဒီဇင်ဘာလ ၂၆ ရက်နေ့ နေ့လည်ပိုင်းတွင် စခန်းမှူး တာဝန်ဖြင့် ရောက်ရှိ လာသူ ဖြစ်သည်။ ၎င်းသည် စခန်းသို့ ရောက်ရောက်ချင်း သောက်စား မူးယစ်၍ လမ်းမပေါ်သို့ ထွက်လာပြီး၊ လမ်းမကြီး ပေါ်မှ ဆိုက္ကား၊ စက်ဘီး တို့ဖြင့် သွားလာ နေသော ဒေသခံ များကို “ငါ့ရှေ့မှ ဘာကြောင့် စက်ဘီး၊ ဆိုက္ကား စီးပြီး သွားတာလဲ၊ ငါ့ရှေ့မှာ လမ်းလျှောက် သွားရမယ်” ဟုဆိုကာ လက်သီးဖြင့်ထိုး၊ ခြေထောက် ဖြင့်ကန်ကာ၊ မုတ်ဆိတ် ရှိသူများကို၊ မုတ်ဆိတ် ကိုင်ဆွဲ၍ လက်သီးဖြင့် ထိုးခြင်း၊ ငွေညှစ်ခြင်း များ အဆက် မပြတ် ပြုလုပ် ခဲ့ကြောင်း ဒေသခံ တစ်ဦးက RB News သို့ ပြောပါသည်။
ယင်းနေ့ ညနေ ၄ နာရီ အချိန်တွင် အဆိုပါ စခန်းမှူးသည် မြို့သူကြီး ကျေးရွာမှ ဆိုက္ကား မောင်းနှင်သူ (၁) ဦးရော်ရှိတ် အာမတ် (ဘ) ဦးအဒူ ဟာလပ်ခ် (အသက် ၆၅ နှစ်)၊ (၂) ဦးဟူဆောင် (ဘ) ဦးမာမတ်ရှော်ဖီ (အသက် ၂၈ နှစ်) အပါအ၀င် (၅) ဦးကို ၎င်းရှေ့မှ ဆိုက္ကား စီးနင်း သွားသည်ဟု ဆိုကာ လမ်းမပေါ်တွင် ပြင်းထန်စွာ လက်သီးဖြင့် ထိုးသည့် အပြင် ဦးရော်ရှိတ် အာမတ်၏ မုတ်ဆိတ် ကိုဆွဲ၍လည်း ထိုးနှက် ခဲ့သည်။ ထို့နောက် အပြစ်မဲ့ ၅ ဦးကို ရဲစခန်းသို့ ခေါ်ဆောင် သွား၍ တစ်ဦးထံမှ ငွေကျပ် ၂၀၀၀ မှ ၅၀၀၀ ထိ ညှစ်ယူ ခဲ့ကြောင်း သိရှိ ရပါသည်။
ဆိုက္ကားနင်း၍ အသက် မွေးဝမ်းကျောင်း ပြုသူ များမှာ တစ်နေ့လျှင် ငွေကျပ် ၂၀၀၀ မှ ၄၀၀၀ အထိသာ ရပြီး၊ မိသားစု များကို ကျွေးမွေး နေသူများ ဖြစ်သည်။ ယခု ကဲ့သို့ အကြောင်းမဲ့ ရိုက်နှက်၍ ငွေညှစ် နေမည် ဆိုလျှင် လုပ်ကိုင် စားသောက်ရန် လွန်စွာ ခက်ခဲ လာမည် ဖြစ်ကြောင်း ဒေသခံ များမှ ပြောပါသည်။
အစ္စလာမ် ဘာသာဝင် အချို့သည် မုတ်ဆိတ်ကို ဘာသာရေး အရ ထားခြင်း ဖြစ်ပြီး၊ ယခု ကဲ့သို့ မုတ်ဆိတ် ဆွဲ၍ ရိုက်နှက်ခြင်းမှာ ဘာသာရေး စော်ကားမှု သာဖြစ်သည်။ ဤကဲ့သို့ နိုင်ငံတော် ၀န်ထမ်းမှ ဥပဒေမဲ့ ရိုက်နှက် ငွေညှစ်သည့် အပြင် ဘာသာရေး စော်ကားမှုပါ ပြုလုပ်ခြင်းကို နိုင်ငံတော် အစိုးရမှ ပြင်းထန်စွာ အရေးယူရန် လိုအပ် ပေသည်။
