ငန်းချောင်းမှ ကျောင်းအုပ်ကြီးက UNICEF မှ ထောက်ပံ့ကြေး များကို အလွဲသုံးစား ပြုလုပ်
Sindi Khan
RB News
30.12.2013
မောင်တော ။ ။ ရခိုင် ပြည်နယ်၊ မောင်တော မြို့နယ် မြောက်ပိုင်း ငန်းချောင်း ကျေးရွာ အလယ်တန်း ကျောင်းတွင် မူလတန်း ကျောင်းသား ဦးရေ ၁၀၀၂ ဦး ရှိပြီး ကျောင်းအုပ် ဆရာမကြီး ဒေါ်လှမြသိန်း သည် UNICEF မှ ထောက်ပံ့သည့် ငွေကျပ် ၁၀၀၀ စီကို ကျောင်းသား/သူ များကို မပေးဘဲ၊ ကျောင်းသား/သူ များထံမှ ငွေလက်ခံ ရရှိကြောင်း အတင်း အဓမ္မ လက်မှတ် ရယူခဲ့သည်ဟု ဒေသခံ များမှ RB News သို့ ပြောပါသည်။
ကျောင်းအုပ်ကြီး အား အဆိုပါ ငွေကြေး များနှင့် ပတ်သက်၍ မေးမြန်း သည့်အခါ ရွာမှ ခန့်ထားသည့် ဆရာ/မ ၉ ဦးကို လစာ ပေးခဲ့သည်ဟု လိမ်ညာ ခဲ့သည်။ ရွာမှ ခန့်အပ် ထားသည့် ဆရာ/မ များကို ကျောင်းအကျိုး တော်ဆောင် ကော်မတီ ရန်ပုံငွေ များမှ ပေးအပ် လျက်ရှိပြီး၊ UNICEF မှ ထောက်ပံ့ကြေး များကို ကျောင်းအုပ်ကြီး ဒေါ်လှဝေသိန်းမှ အလွဲသုံးစား ပြုလုပ် ခဲ့ကြောင်း သိရှိ ရပါသည်။
အဆိုပါ ကျောင်းတွင် သူငယ်တန်းမှ န၀မတန်းထိ ကျောင်းသား/သူ ၁၂၉၉ ဦးရှိပြီး အစိုးရမှ ခန့်အပ် ထားသည့် ဆရာ/မ ၁၃ ဦး ရှိသည်။ ဆရာ/မ များမှာ နေ့စဉ် ကျောင်းသို့ လာရောက် သော်လည်း ကျောင်းသား/သူ များမှာ ရိုဟင်ဂျာ လူမျိုးများ ဖြစ်သောကြောင့် စာသင်ကြား ပေးခြင်း မရှိဘဲ၊ ကွမ်းယာဆိုင် သို့သွားနေခြင်း၊ အခန်း အပြင်ဘက်တွင် ထိုင်၍ အချင်းချင်း စကား ပြောခြင်း တို့ပြုလုပ်၍ အချိန်ဖြုန်း လျက်ရှိကြောင်း သိရှိ ရပါသည်။ ထိုကဲ့သို့ နေ့စဉ် ပြုလုပ် နေသည်ကို ကျောင်းအုပ်ကြီး ဖြစ်သူက သိရှိသော်လည်း ဆရာ/မ များကို ဟန့်တားခြင်း၊ စာသင်ကြား ပေးရန် ပြောဆိုခြင်း မရှိကြောင်း သိရှိ ရပါသည်။
ကျောင်းတွင် ပညာသင်ကြား နေသော ကျောင်းသား/သူ အများစု၏ မိဘ များမှာ လွန်စွာ ဆင်းရဲ သူများ ဖြစ်ပြီး၊ သားသမီးများ ပညာတတ် ဖြစ်ရန် အတွက် ကျောင်းသို့ အပ်နှံ ခဲ့သော်လည်း၊ ကျောင်းတွင် ဆရာ/မ များက ပညာ သင်ကြား မပေးသည့် အပြင်၊ ကျောင်းသား/သူ များအတွက် အထောက် အပံ့ ဖြစ်စေမည့် UNICEF မှ ထောက်ပံ့ကြေး များကို ဖြတ်စား ခံရသဖြင့် ကျောင်းအကျိုး တော်ဆောင် ကော်မတီက မိဘများမှ သားသမီး များကို ကျောင်းထားရန် စိတ်ဝင်စားမှု နည်းပါး လာမည်ကို စိုးရိမ်လျက် ရှိကြောင်း သတင်း ရရှိ ပါသည်။
