MSF ရုံးကို အကြမ်းဖက်နိုင်သည်ဟု ဒေသခံများက ခန့်မှန်းနေကြ
Hla
RB News
23.2.2014
စစ်တွေ ။ ။ ရခိုင်ပြည်နယ်၊ စစ်တွေမြို့တွင် ဟော်လန်နိုင်ငံမှ AZG ဟုခေါ်သည့် နယ်စည်းမထား ဆရာဝန်များ အဖွဲ့ MSF အားထွက်သွားရန် ရခိုင်အစွန်းရောက် များက စတုတ္တအကြိမ်မြောက် ဆန္ဒပြခဲ့ပြီးနောက် ဒေသခံများက MSF ရုံးကို အကြမ်းဖက်နိုင်သည့် အနေအထားတွင် ရှိနေသည်ဟု ခန့်မှန်းနေကြကြောင်း သတင်းရရှိပါသည်။
MSF သည် ရခိုင်ပြည်နယ်တွင် အခြေစိုက်၍ လူမျိုး၊ ဘာသာ မခွဲခြားဘဲ အခမဲ့ ကျန်းမာရေး ၀န်ဆောင်မှုများ ပေးနေသည်မှာ နှစ်ပေါင်း နှစ်ဆယ်ကျော် ရှိနေပြီ ဖြစ်သည်။ အိပ်ခ်ျအိုင်ဗွီ / အေအိုင်ဒီအက်စ်နှင့် တီဘီရောဂါများ အတွက်လည်း ကျန်းမာရေး စောင့်ရှောက်မှုများ အခမဲ့ ပြုလုပ်ပေးနေသည့် အန်ဂျီအို အဖွဲ့အစည်း တစ်ခုဖြစ်သည်။ နှစ်စဉ် နှစ်တိုင်း လူနာ ငါးသိန်းခန့် အထိ ကုသပေးလျက်ရှိပြီး၊ ၂၀၀၅ ခုနှစ်မှ စ၍ ရခိုင်ပြည်နယ်တွင်း ငှက်ဖျား ရောဂါသည် ၁၂ သိန်းကျော်ကို ကုသပေးခဲ့သည်။
ယနေ့ ဖေဖော်ဝါရီလ ၂၃ ရက်နေ့တွင် စစ်တွေမြို့ ကျောင်းတက်လမ်း ရပ်ကွက်ရှိ MSF ရုံးရှေ့တွင် ရခိုင်အစွန်းရောက် ၃၀၀ ကျော် စုဝေး၍ MSF အဖွဲ့ကို ရခိုင်ပြည်နယ်မှ အမြန်ဆုံး ထွက်ခွာသွားရန် စတုတ္တအကြိမ်မြောက် စုရုံး ဆန္ဒပြခဲ့သည်။ အဆိုပါ ဆန္ဒပြပွဲသို့ ထိုင်းနယ်စပ် အခြေစိုက် ရခိုင်တပ်မတော် (Arakan Army) မှ စစ်ဦးစီးချုပ် ဗိုလ်မှူးကြီး မင်းဇံဝေလည်း တက်ရောက် ပါဝင်ခဲ့ကြောင်း ရခိုင်သတင်းဌာန များမှ ရေးသား ဖော်ပြခဲ့သည်။
ရခိုင်အရေး ကျွမ်းကျင်သူများက ယခုကဲ့သို့ ဆန္ဒပြနေခြင်းမှာ နေပြည်တော် အစိုးရ၏ ကြိုးကိုင်မှုကြောင့်သာ ဖြစ်ပြီး၊ ဆန္ဒပြသူများကိုလည်း နေ့စား အဖြစ် တစ်ဦးကို ငွေကျပ် ၃၀၀၀ စီပေးအပ်ကြောင်း ဒေသခံများမှ RB News သို့ပြောပါသည်။ MSF သည် နိုင်ငံတော်အစိုးရမှ မဖြည့်ဆည်း ပေးနိုင်သည့် ကျန်းမာရေး ကဏ္ဍကို စေတနာဖြင့် လာရောက်၍ ဖြည့်ဆည်း ပေးနေခြင်းသာ ဖြစ်ပြီး၊ လွန်ခဲ့သော နှစ်ပေါင်း နှစ်ဆယ်ထိ မည်သည့် ပြဿနာ တစ်စုံတစ်ရာမှ မရှိခဲ့သော်လည်း၊ လွန်ခဲ့သည့်လက မောင်တောမြို့နယ် ဒုချီရားတန်းတွင် ဖြစ်ပွားခဲ့သည့် ပြဿနာတွင် MSF မှ ဒဏ်ရာရရှိသူ ၂၂ ဦးကို ဆေးကုသ ပေးခဲ့မှုကို ထုတ်ဖော် ပြောကြားခဲ့ခြင်းကြောင့် နေပြည်တော် အစိုးရမှ ယခုကဲ့သို့ ကြိုးကိုင်၍ ရခိုင်ပြည်နယ် အတွင်းမှ မောင်းထုတ်ရန် စီစဉ်နေခြင်း ဖြစ်သည်။ မြန်မာနိုင်ငံတွင် နိုင်ငံတော် အစိုးရမှ လွတ်လပ်စွာ ဆန္ဒဖော်ထုတ်ခွင့် ပေးထားသော်လည်း နေပြည်တော် အစိုးရ၏ သဘော အလိုမကျသည့် သပိတ်စခန်းများ၊ ဆန္ဒဖော်ထုတ်မှုများကို အစိုးရ ကိုယ်တိုင် ကန့်သတ်လေ့ရှိသည်။ ရခိုင်ပြည်နယ်တွင် မင်းမဲ့စရိုက် ဆန်ဆန် ပြုလုပ်သော်ငြားလည်း အစိုးရကိုယ်တိုင် ပါဝင်ပတ်သက် နေမှုကြောင့် ယခုကဲ့သို့ နိုင်ငံတကာ ရှေ့မှောက်တွင် မျက်နှာငယ် စရာများကိုလည်း ခွင့်ပြုထားခြင်း ဖြစ်သည်။ ယခုကဲ့သို့ ဖြစ်ပေါ်နေသည် များကို နေပြည်တော် အစိုးရက မထိန်းသိမ်းဘဲ လွှတ်ထားမည် ဆိုပါက MSF ရုံးကို အကြမ်းဖက်မည့် အနေအထားတွင် ရှိနေကြောင်း ဒေသခံများက ဆိုသည်။
ယခုကဲ့သို့ ဆန္ဒပြမှုများနှင့် ပတ်သက်၍ MSF တာဝန်ခံများက ကြုံတွေ့နေရသည့် အတွက် စိတ်မကောင်း ဖြစ်မိသော်လည်း အစိုးရ အနေဖြင့် ၎င်းတို့ကို ကျန်းမာရေး စောင့်ရှောက်မှုများ အတွက် လိုအပ်နေသရွေ့ ရခိုင်ပြည်နယ်တွင်းမှ ထွက်ခွာသွားမည် မဟုတ်ကြောင်း သတင်း မီဒီယာများကို ပြောကြားခဲ့သည်။
