နောက်ဆုံးသတင်း/ဆောင်းပါးများ

ရခိုင်များကို နောက်ထပ် မီးရှို့မှုများ မလုပ်ရန် နပခ တိုင်းမှူး သတိပေး



RB News
18.3.2014

မောင်တော ။ ။ ရခိုင်ပြည်နယ်၊ မောင်တောမြို့နယ်သို့ ရောက်ရှိနေသည့် အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်သည် မောင်တောမြို့နယ်တွင် နေ့စဉ် ရက်ဆက် ဖြစ်ပွားခဲ့သည့် မီးရှို့မှုများနှင့် ပတ်သက်၍ ရခိုင်လူမျိုးများကို နောက်နောင် ထပ်၍ ပြုလုပ်ပါက အရေးယူမည်ဟု သတိပေး ပြောကြားခဲ့ကြောင်း သတင်း ရရှိပါသည်။

အနောက်ပိုင်းတိုင်း စစ်ဌာနချုပ် (နပခ) တိုင်းမှူး ဗိုလ်မှူးချုပ် ကိုကိုနိုင်သည် ယနေ့ နံနက်ပိုင်းတွင် မိုင်တိုင် အမှတ် ၅၈ ကိုလေ့လာ ကြည့်ရှု စစ်ဆေးပြီး၊ နံနက် ၁၀ နာရီတွင် ကြိမ်ချောင်း ကျေးရွာ အုပ်စုမှ တဆင့် ငါးခူရ ကျေးရွာရှိ နယ်စပ် ခြံစည်းရိုး တလျှောက် စစ်ဆေး ခဲ့ကြောင်း ဒေသခံ တစ်ဦးက RB News သို့ပြောပါသည်။

ထိုမှတဆင့် ခြံပြင်ကျေးရွာ အုပ်စု ရခိုင်ရွာရှိ ဘုန်းကြီးကျောင်းသို့ ရောက်ရှိခဲ့ရာ ရွာသူ ရွာသားများက သန်းခေါင်စာရင်းတွင် ရိုဟင်ဂျာ ထည့်ခွင့်ပြုရန် အော်ဟစ်၍ ကြိုဆိုခဲ့ကြောင်း သိရှိရပါသည်။ ထို့နောက် မတ်လ ၁၇ ရက်နေ့မှ စ၍ တပ်မတော် စစ်ဆေးရုံမှ ဆေးမှူး ၃ ဦးတို့က နှလုံးရောဂါနှင့် မျက်ကန်း ဝေဒနာရှင်များကို ဆေးဝါး ကုသပေးနေသည် များကို ကြည့်ရှု စစ်ဆေးပြီး၊ ရခိုင်ရွာသားများကို ရခိုင်လူမျိုးများ၏ လုပ်ရပ်များကြောင့် နိုင်ငံတကာ ရှေ့မှောက်တွင် မြန်မာနိုင်ငံ မျက်နှာ ငယ်နေရကြောင်း၊ ယခုတလော ဖြစ်ပွားနေသည့် မီးရှို့မှုများသည် ရခိုင်လူမျိုး များကြောင့် ဖြစ်ပွားနေခြင်း ဖြစ်သည်ကို မိမိတို့ သိရှိကြောင်း၊ နောက်နောင် ဤကဲ့သို့ မဖြစ်ပွားရန် လိုအပ်ကြောင်း၊ နောက်နောင် ဖြစ်ပွားလာမည် ဆိုပါက မည်သူ့ကိုမှ ခွင့်လွှတ်မည် မဟုတ်ကြောင်း သတိပေး ပြောကြားခဲ့သည်ဟု ဒေသခံ တစ်ဦးက RB News သို့ပြောပါသည်။

တိုင်းမှူး ဗိုလ်မှူးချုပ် ကိုကိုနိုင်သည် ခြံပြင် ကျေးရွာ ဥက္ကဌဟောင်း ဦးဘသန်းလှိုင်၏ ဖခင် အတွက် ဆွမ်းကပ် လှူဒါန်းပွဲသို့ ရခိုင်ရွာသား များနှင့်အတူ တက်ရောက်၍ ပြန်လည် ထွက်ခွာသွားကြောင်း သတင်း ရရှိပါသည်။

Comment ရေးရန်

Rohingya Exodus