ဗြိတိန် နိုင်ငံခြားရေးက မြန်မာ သံအမတ်ကြီးကို ဆင့်ခေါ်၍ ရိုဟင်ဂျာ အရေးအတွက် ပြောကြား
 |
| နိုင်ငံခြားရေးနှင့် ဓနသဟာယ ၀န်ကြီးဌာန ဒု-၀န်ကြီး Hugo Swire |
RB News
8.4.2014
လန်ဒန် ။ ။ ရခိုင်ပြည်နယ်တွင် အကြမ်းဖက်ခံရမှုကြောင့် ဒုက္ခသည် စခန်းသို့ ရောက်ရှိ နေသည့် ရိုဟင်ဂျာများကို ကူညီနေသည့် နိုင်ငံတကာ အန်ဂျီအို များကို လုပ်ကိုင်ခွင့် ပိတ်ပင်ထားခြင်းနှင့် ပတ်သက်၍ ဗြိတိန်နိုင်ငံ ဆိုင်ရာ မြန်မာသံ အမတ်ကြီးကို ဗြိတိန် နိုင်ငံခြားရေးရုံးက ဧပြီလ (၇) ရက်နေ့တွင် ဆင့်ခေါ်ပြီး ပြောဆိုခဲ့ကြောင်း ရိုက်တာ သတင်း တစ်ရပ်တွင် ရေးသား ဖော်ပြထားပါသည်။
လွန်ခဲ့သည့်လက ဂျာမဏီနိုင်ငံမှ အန်ဂျီအို ၀န်ထမ်း အမေရိကန် နိုင်ငံသူ အမျိုးသမီး တစ်ဦးက သာသနာ့အလံကို မဖွယ်မရာ ပြုလုပ်သည်ဟု မဟုတ်မမှန်သည့် သတင်းများ လွှင့်ထုတ်ပြီး အန်ဂျီအို ၀န်ထမ်းများ၏ အိမ်များ၊ ရုံးများ၊ ကားများ၊ စက်လှေများနှင့် ဂိုဒေါင်များကို ရခိုင်အစွန်းရောက် များက ဖျက်ဆီး ခဲ့ပြီးနောက် အန်ဂျီအို ၀န်ထမ်း အများစုကို ပြည်ထောင်စု အစိုးရက ရန်ကုန်မြို့သို့ ပြောင်းရွှေ့ စေခဲ့ပြီး၊ အန်ဂျီအိုများ လုပ်ကိုင်နေသည့် လူမှု အထောက် အကူပြု လုပ်ငန်းများ၊ လူသားချင်း စာနာ၍ ထောက်ပံ့သည့် လုပ်ငန်းများကို ရပ်ဆိုင်း ထားခဲ့သည်။
ဗြိတိန် နိုင်ငံခြားရေး ၀န်ကြီး ဌာနမှ ပြောရေး ဆိုခွင့် ရှိသူက မြန်မာ သံအမတ်ကြီးကို နိုင်ငံခြားရေးနှင့် ဓနသဟာယ ၀န်ကြီးဌာန ဒု-၀န်ကြီး Mr Hugo Swire က ဆင့်ခေါ်၍ ပြောကြား ခဲ့ခြင်း ဖြစ်ပြီး၊ ၎င်းတို့ အနေဖြင့် ရခိုင်ပြည်နယ်ရှိ ရိုဟင်ဂျာများနှင့် ပတ်သက်ပြီး ဆက်လက်၍ လေးနက်စွာ စိုးရိမ် ပူပန် နေဦးမည်ဟု ပြောဆိုခဲ့ကြောင်း ရိုက်တာ သတင်းတွင် ရေးသား ထားပါသည်။
ဒု-၀န်ကြီး Hugo Swire က မြန်မာ အစိုးရကို လူသားချင်း စာနာ၍ ထောက်ပံ့သည့် အထောက် အပံ့များ လိုအပ်သည့် လှုမှု အသိုင်းအ၀ိုင်း များကို အထောက် အပံ့များ ပြန်လည် ပေးအပ် နိုင်ရန် အမြန်ဆုံး ပြုလုပ်ပေးရန်နှင့် အထောက်အကူပြု ၀န်ထမ်းများ၏ လုံခြုံရေးကို သေချာ တာဝန်ယူ ဆောင်ရွက် ပေးရန် ပြောကြားခဲ့သည်။
Hugo Swire ၏ Twitter တွင်လည်း သန်းခေါင်စာရင်း ကောက်ယူခြင်းနှင့် ပတ်သက်၍ ဗြိတိန် အစိုးရက လေးနက်သည့် စိုးရိမ်ပူပန်မှုများ ရှိနေသည်ဟု ရေးသား ထားသည်။ သန်းခေါင်စာရင်း ကောက်ခံရန် ဗြိတိန် အစိုးရ စတာလင်ပေါင် ၁၀ သန်း လှူဒါန်းခဲ့ပြီး၊ မြန်မာအစိုးရက ရိုဟင်ဂျာကို ထည့်သွင်း ရေးသားခွင့်ပြုမည်ဟု ကတိပြုခဲ့ကြောင်း သိရှိရပါသည်။
