နောက်ဆုံးသတင်း/ဆောင်းပါးများ

အိမ်ထောင်စု စာရင်းရှိသူတိုင်း နိုင်ငံသားဖြစ်သည်ဟု လ.၀.က လ/ထ ညွန်မှူး ပြော



RB News
27.7.2014

မောင်တော ။ ။ တရားမ၀င် ခိုးဝင် ဘင်္ဂလီ ကာကွယ် တားဆီး နှိမ်နှင်းရေး အဖွဲ့ (မကဖ) အကြီးအကဲ၊ လ.၀.က လက်ထောက် ညွန်ကြားရေးမှူး ဦးအောင်ထွန်းဘော် ဦးဆောင်ပြီး ခရိုင်နှင့် မြို့နယ် လ.၀.က ဦးစီး အရာရှိများ၊ ခရိုင်နှင့် မြို့နယ် ရဲတပ်ဖွဲ့မှူးများ အပါအ၀င် ဌာနဆိုင်ရာ အကြီးအကဲများ၊ ကျေးရွာ အုပ်ချုပ်ရေးမှူး များနှင့် ရပ်မိရပ်ဖများ ပါဝင်သည့် အစည်းအဝေး တစ်ရပ်ကို ဇူလိုင်လ (၂၇) ရက်နေ့ နံနက် ၁၁ နာရီ အချိန်တွင် မောင်တောမြို့နယ် တောင်ပိုင်း အလယ်သံကျော် ကျေးရွာရှိ အထက်တန်းကျောင်းတွင် ကျင်းပခဲ့ကြောင်း သတင်းရရှိပါသည်။

လ.၀.က လက်ထောက် ညွန်ကြားရေးမှူး ဦးအောင်ထွန်းဘော်က မြန်မာနိုင်ငံတွင် အိမ်ထောင်စု စာရင်း ရှိသူတိုင်းသည် နိုင်ငံသားများ ဖြစ်ကြောင်း ဦးစွာ ပထမ ပြောကြားပြီးနောက် ရှောင်တခင် စစ်ဆေးမှုနှင့် ပတ်သက်၍ ပြောကြားခဲ့သည်။ ဇူလိုင်လ (၁၁) ရက်နေ့က ပထမ အကြိမ် စတင် စစ်ဆေးခဲ့သော်လည်း မောင်တော တောင်ပိုင်းမှ ဒေသခံ ပြည်သူများ ပါဝင်ခြင်း မရှိသည့် အတွက် စိတ်ပျက်မိကြောင်း၊ ယခု ဒုတိယ အကြိမ်ကို ဇူလိုင်လ ၂၈ ရက်နေ့မှာ ပြန်လည် စစ်ဆေးမည် ဖြစ်၍ အားလုံး ပူးပေါင်း ပါဝင်ရန် တိုက်တွန်းကြောင်းနှင့် ဒုတိယ အကြိမ်တွင် အစစ်ဆေး မခံသူများကို တတိယ အကြိမ် ပြန်လည် စစ်ဆေးမည် ဖြစ်ကြောင်း၊ တတိယ အကြိမ်တွင် အစစ်ဆေး မခံပါက ဥပဒေ အရ ထိထိရောက်ရောက် အရေးယူမည် ဖြစ်ကြောင်း ပြောကြားခဲ့သည်ဟု ဒေသခံ တစ်ဦးက RB News သို့ပြောပါသည်။

ထို့နောက် စစ်ဆေးရခြင်း ရည်ရွယ်ချက် များကို ရှင်းလင်းရာတွင် ဤစစ်ဆေးမှုသည် လူမျိုး၊ နိုင်ငံသား ဖြစ်မှု၊ မဖြစ်မှု တို့နှင့် လုံးဝ မသက်ဆိုင်ကြောင်း၊ လူဦးရေ စာရင်းကိုသာ နိုင်ငံတော်မှ သိရှိလိုကြောင်း၊ ဤဒေသမှ အခြားဒေသ (သို့မဟုတ်) နိုင်ငံများသို့ ပြောင်းရွှေ့သွားသူများ စာရင်း၊ နိုင်ငံခြားမှ ခိုးဝင်လာသူ ရှိ/မရှိ၊ အခြားမြို့ရွာများသို့ ပြောင်းရွှေ့သွားသူများ စာရင်း များကို သိရှိလို၍ ဖြစ်ကြောင်း၊ အဆိုပါ စာရင်းများနှင့် နိုင်ငံတော်မှ ဖွံ့ဖြိုးရေး စီမံကိန်းများ ဆောင်ရွက် ပေးနိုင်ရန် ဖြစ်ကြောင်း၊ ပြည်မတွင်လည်း အလားတူ စစ်ဆေးလေ့ ရှိကြောင်းနှင့် ရခိုင် အပါအ၀င် အခြားသော တိုင်းရင်းသား များကိုလည်း စစ်ဆေးမည် ဖြစ်ကြောင်း ပြောကြားခဲ့သည်။

၎င်းက နိဂုံးချုပ် ပြောကြားရာတွင် ရိုဟင်ဂျာ လူမျိုးဆိုသည်မှာ မြန်မာနိုင်ငံတွင် မရှိကြောင်း၊ သမ္မတ ကိုယ်တိုင် ပြောထားပြီး ဖြစ်ကြောင်း၊ နောင်လည်း လက်ခံမည် မဟုတ်ကြောင်း၊ တည်ဆဲ ဥပဒေကို လိုက်နာကြရန်နှင့် ဤ စစ်ဆေးမှုများတွင် အစစ်ဆေး မခံသူများကို ဒုက္ခသည် စခန်းသို့ ပို့ဆောင်မည် ဖြစ်ကြောင်း ခြိမ်းခြောက် ပြောဆိုမှုများ ပြုလုပ်ခဲ့ကြောင်း အဆိုပါဒေသခံက ပြောပါသည်။

ဒေသခံ တစ်ဦးက “သမ္မတကိုယ်တိုင်က မရှိဘူး ပြောတာနဲ့ လူတိုင်းက လက်ခံရမှာလား။ မေးခွန်း ထုတ်စရာပါ။ သမ္မတက ဥာဏ်ပညာ နည်းပါးသူ၊ ဗဟုသုတ ခေါင်ပါးသူ ဖြစ်နေရင်လည်း အားလုံးက သမ္မတက ခေါင်းညိတ်ဆိုတာနဲ့ ခေါင်းညိတ် ကြတာလား။ သမ္မတ ဦးသိန်းစိန် မဲလိုချင်တုန်းက ဒီမျက်နှာ မဟုတ်ဘူး။ မဲလိုချင်တုန်းက မောင်တောမှာ ဘာတွေ ပြောသွားသလဲ ဆိုတာ ပြန်မေးကြည့်ဖို့ လိုပါမယ်။ အခု လူဦးရေ စစ်ဆေးတာက သန်းခေါင်စာရင်းတုန်းက လူဦးရေ မစစ်ဆေးရလိုက်လို့ ခေါင်းစဉ် ပြောင်းပြီး စစ်ဆေးနေတယ်လို့ ယူဆပါတယ်။ ဒေသခံတွေ အချင်းချင်း ပူးပေါင်း ပါဝင်ဖို့ တိုက်တွန်းနေတာ ရှိသလို၊ ပွင့်လင်း မြင်သာမှု မရှိဘဲ၊ အတင်း အဓမ္မ ခြိမ်းခြောက် နေတာကြောင့် စိုးရိမ် နေတာလည်း ရှိတယ်” ဟု အဆိုပါ ဒေသခံက RB News သို့ပြောပါသည်။

Comment ရေးရန်

Rohingya Exodus