နောက်ဆုံးသတင်း/ဆောင်းပါးများ

မြန်မာခရီးစဉ် ဘာသာရေး လွတ်လပ်ခွင့် ဆွေးနွေးဖို့ ဝန်ကြီးကယ်ရီကို တိုက်တွန်း



1.8.2014

အမေရိကန် နိုင်ငံခြားရေး ၀န်ကြီး ဂျွန်ကယ်ရီ မြန်မာနိုင်ငံကို လာမယ့်လ သွားရောက်တဲ့ အခါမှာ မြန်မာ အစိုးရရဲ့ ဘာသာရေး လွတ်လပ်ခွင့် ချိုးဖောက်မှု တွေကို ဦးစားပေး ဆွေးနွေးဖို့ ဆိုပြီး အမေရိကန် အခြေစိုက်တဲ့ ဘာသာရေး ဆိုင်ရာ အဖွဲ့အစည်း အသင်းတွေ၊ လူ့အခွင့်အရေး အဖွဲ့အစည်းတွေက စုပြီး နိုင်ငံခြားရေး ဝန်ကြီး ကယ်ရီထံကို စာရေးသား တောင်းဆို ထားပါတယ်။

မြန်မာနိုင်ငံတွင်း ပြုပြင် ပြောင်းလဲမှုတွေ ရှိနေတယ် ဆိုပေမယ့် ဖွဲ့စည်းပုံ အခြေခံ ဥပဒေ ပြင်ဆင်ရေး အပါအ၀င် အတော်လေး စိုးရိမ် မကင်း ဖြစ်စရာ ကောင်းတဲ့ အခြေအနေ တွေထဲမှာ ဘာသာရေး အရ အကဲစပ်မှု တိုးမြင့် လာတာ ဖြစ်တယ်လို့ အဲဒီ အဖွဲ့ အစည်းတွေ စုပြီး မစ္စတာကယ်ရီထံ ပေးပို့တဲ့ စာထဲမှာ ပါရှိပါတယ်။

အဓိက အချက် ကတော့ ရခိုင်ပြည်နယ်တွင်း ရိုဟင်ဂျာ မူဆလင်တွေကို ပစ်မှတ်ထား အကြမ်းဖက်တာ တွေအပြင်၊ ပြီးခဲ့တဲ့ မိထ္ထီလာ၊ ဥက္ကံ၊ လားရှိုး၊ မန္တလေး မြို့တွေက ဘာသာရေး လူမျိုးရေး အကြမ်းဖက်မှု တွေကို ထောက်ပြ ဖော်ပြပါတယ်။ ဒါ့အပြင် ယုံကြည်မှု ဘာသာ အကူး အပြောင်း ဆိုင်ရာ တင်းကြပ်တဲ့ ဥပဒေကြမ်း တွေကိုလည်း အတည်ပြုနိုင်ဖို့ မြန်မာ အစိုးရက လွှတ်တော်ကို တင်ပြထားတယ် လို့ ထောက်ပြ ပါတယ်။

ဘာသာရေး လွတ်လပ်ခွင့် ဆိုင်ရာ အဖွဲ့ အစည်းတွေနဲ့ လူပုဂ္ဂိုလ် လက်မှတ် ၂၂ ခုပါဝင်တဲ့ အဲဒီ စာထဲမှာ မြန်မာ အစိုးရ အနေနဲ့ ဒီဥပဒေကြမ်း တင်သွင်းမှုကို ပယ်ဖျက်ပြီး ဘာသာရေး အကြမ်းဖက်မှုတွေ ဖြစ်စေတဲ့ အကြောင်းရပ် တွေကို အရေးယူ ကိုင်တွယ်နိုင်ဖို့ ဖိအားပေး သွားရေး မစ္စတာ ကယ်ရီကို တိုက်တွန်း ထားပါတယ်။

လက်မှတ်ထိုး ထားတဲ့ အထဲမှာ မြန်မာ့ အရေးကို တစိုက် မက်မက် ဆောင်ရွက်နေတဲ့ CSW ကမ္ဘာလုံး ဆိုင်ရာ ခရစ်ယာန် သွေးစည်း ညီညွတ်ရေး အဖွဲ့ဆိုတဲ့ လူ့အခွင့်အရေး အဖွဲ့အစည်းလည်း ပါဝင်ပါတယ်။ နိုင်ငံခြားရေး ၀န်ကြီးကယ်ရီဟာ အခုလာမယ့် သြဂုတ်လထဲမှာ မြန်မာနိုင်ငံမှာ ကျင်းပမယ့် အာဆီယံ ဒေသတွင်း အစည်းအဝေးကို တတ်ရောက်ဖို့ ရှိနေတာပါ။

ဝန်ကြီးကယ်ရီ အနေနဲ့ မြန်မာနိုင်ငံ ရောက်တဲ့ အခါမှာ လက်ရှိ မြန်မာနိုင်ငံ ပြုပြင် ပြောင်းလဲရေးမှာ ရှိနေတဲ့ စိန်ခေါ် အကဲစမ်းချက်တွေ ကို လေ့လာ စူးစမ်း သွားဖို့ ရှိတယ်လို့ တနေ့တုန်းကပဲ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေး ဝန်ကြီး Dineal Russel က ပြောခဲ့ပါတယ်။ သမ္မတ အိုဘားမား ဟာလည်း မြန်မာနိုင်ငံမှာ လာမယ့် နိုဝင်ဘာ ကျင်းပမယ့် အရှေ့အာရှ နိုင်ငံများ ထိပ်သီး အစည်း အဝေးကို တတ်ရောက်ဖို့ ရှိနေပါတယ်။

Comment ရေးရန်

Rohingya Exodus