သရက်အုပ်သို့ ပြောင်းရွှေ့လာသည့် နယ်ခြားစောင့် ဒုရဲအုပ် တစ်ဦးက ဒေသခံများထံမှ လုယက်
Rohingya Eye
RB News
4.3.2015
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း သရက်အုပ် (မင်္ဂလာ) ကျေးရွာ အုပ်စု၊ န.တ.လ ရွာအခြေစိုက် နယ်ခြားစောင့် ရဲတပ်ဖွဲ့ ကင်းစခန်းသို့ ပြောင်းရွှေ့လာသည့် ဒုရဲအုပ် တစ်ဦးက ဒေသခံများ၏ ပစ္စည်းများ လုယက်ခြင်း၊ ငွေညှစ်ခြင်းများ ပြုလုပ်လျက် ရှိကြောင်း သတင်း ရရှိပါသည်။
မောင်တောမြို့နယ် မြောက်ပိုင်း သရက်အုပ် (မင်္ဂလာ) ကျေးရွာ အုပ်စု၊ န.တ.လ ရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းသို့ ဖေဖော်ဝါရီလတွင် ပြောင်းရွှေ့လာသည့် ဒုရဲအုပ် တစ်ဦးက ပြောင်းရွှေ့လာသည့်နေ့မှ စ၍ ထမ်းဖြင့် ကွမ်း၊ ဟင်းသီးဟင်းရွက် ရောင်းသူများက ကင်းစခန်းကို ဖြတ်ကျော်သည့် အကြိမ်တိုင်းတွင် ပစ္စည်းများ လုယက်လျက် ရှိကြောင်း ဒေသခံများက RB News သို့ပြောသည်။
ဖေဖော်ဝါရီလ (၂၄ ) ရက်နေ့တွင် ပုဇွန်ကန်မှ ပုဇွန်များ သယ်ယူလာသည့် ဦးအာဘူကာလာမ် (ဘ) ဦးဆွေယောဒ်ဟူစိန်းသည် ပုဇွန် (၁၅) သိုက်ဖြင့် အဆိုပါ ကင်းစခန်းမှ ဖြတ်ကျော်လာစဉ် နယ်ခြားစောင့် ရဲတပ်ဖွဲ့ ကင်းစခန်းမှူးက ငွေကြေး တောင်းခံရာ ငွေမပေးနိုင်သဖြင့် ပုဇွန်များကို လုယက် သိမ်းဆည်းခဲ့သည်။ အဆိုပါ ဖြစ်ရပ်ကို လုယက်ခံရသူက ကျေးရွာ အုပ်ချုပ်ရေးမှူးကို အကြောင်းကြားသည့် အခါ ကျေးရွာ အုပ်ချုပ်ရေးမှူးက နယ်ခြားစောင့် ရဲကင်းစခန်းသို့ သွားရောက်၍ ဖြောင်းဖြ ပြောဆိုမှုကြောင့် ကံကောင်း ထောက်မစွာဖြင့် ပုဇွန်များ ပြန်လည် ရရှိခဲ့သည်။
ထိုကဲ့သို့ ပုဇွန်များ သယ်ယူ၍ ကင်းစခန်းရှေ့မှ ဖြတ်သန်းသွားသူ များထံမှ မကြာခဏ လုယက်လျက် ရှိသည်ဟု ဒေသခံများက ဆိုသည်။ ထို့အပြင် ထင်း၊ သစ်သားများကို တွန်းလှည်းဖြင့် ကယ်ရီလုပ်နေသူများ ထံမှ လှည်းတစ်စီးလျှင် ငွေကျပ် ၆ ထောင်ကျပ်စီ မပေးမနေရ ညှစ်ယူလျက် ရှိသည်။
နယ်ခြားစောင့် ရဲတပ်ဖွဲ့၏ လုယက်မှု၊ ငွေညှစ်မှုများကို သရက်အုပ် ရွာသားများ အပြင်၊ ရွက်ညိုတောင်၊ ဒါးကြီးစား၊ မျောတောင်၊ သူဦးလာ ရွာသားများလည်း သရက်အုပ် ဈေးသို့ ဈေးရောင်းရန် လာရောက်တိုင်း ကြုံတွေ့လျက် ရှိသည်။ အဆိုပါ ကင်းစခန်းမှူးသည် ညပိုင်း အချိန်တွင် ရွာများထဲသို့ ၀င်ရောက်၍ ပစ္စည်းများ ၀ယ်ယူ၍ ငွေပေးချင်သည့် အခါတွင် ပေးပြီး၊ ငွေမပေးသည့် အခါတွင် ဆိုင်ရှင်များက ကျသင့်ငွေတောင်းပါက လက်ထိပ်ကိုပြကာ ခြိမ်းခြောက်သည်ဟု ဒေသခံ ရွာသားများက ပြောပါသည်။ ယခင် တာဝန်ကျခဲ့သည့် ကင်းစခန်းမှူးက ယခုကဲ့သို့ လုယက်ခြင်း၊ ငွေညှစ်ခြင်းများ မပြုလုပ်ခဲ့ကြောင်း ဒေသခံများက ဆိုသည်။
