“ကျွန်တော် ရိုဟင်ဂျာ”
ကျွန်တော်တို့ကို တစ်ဖက်နိုင်ငံက ခိုးဝင်လာတဲ့ ဘင်္ဂါလီလို့ မဟုတ်မတရား စွပ်စွဲ ဝါဒဖြန့်မှု တစ်ရပ် လွန်ခဲ့တဲ့ ၃ နှစ်နီးပါးကစပြီး ပေါ်ပေါက်ခဲ့တာ လူတိုင်းအသိပါ။ အမှန်က ကျွန်တော်တို့တတွေ လွန်ခဲ့တဲ့ နှစ်ပေါင်း ရာချီကတည်းက ရခိုင်မြေမှာ ဘိုးစဉ်ဘောင်ဆက်နေလာ ခဲ့ကြတဲ့ မြန်မာနိုင်ငံရဲ့ တိုင်းရင်းသား လူမျိုးစုတစ်စုပါ။ ဘာသာအယူဝါဒ ကွဲပြားခြားနားခြင်းကြောင့် မြန်မာနိုင်ငံရဲ့ အာဏာရှင်ကြီး ဦးနေဝင်း လက်ထက်က စလို့ နည်းမျိုးစုံနဲ့ ဖိနှိပ်ချုပ်ချယ်ပြီး မြန်မာနိုင်ငံက ထွက်ပြေးသွားအောင် လုပ်ခဲ့တဲ့ မဟာ စီမံကိန်းတစ်ခုရဲ့ သားကောင်တွေပါ။ အာဏာရှင်ခေတ် အဆက်ဆက်မှာ ကျွန်တော်တို့ ခွဲခြား ဆက်ဆံခံရတာတွေ၊ အနှိမ်ခံရတာတွေ၊ စော်ကားခံရတာတွေကို နောက်ကြောင်းပြန် မပြောလိုပါဘူး။
အခုမျက်မှောက်အချိန် ဒီမိုကရေစီ အသွင်ကူးပြောင်းရေးကာလမှာ ဒီမိုကရေစီနှင့် လူ့အခွင့်အရေး၊ ဟိုအခွင့်အရေး၊ ဒီအခွင့်အရေး စသည်ဖြင့် အခွင့်အရေးမျိုးစုံအတွက် လူကြားကောင်းအောင် ဟိတ်ဟန်ထုတ်နေတဲ့ နိုင်ငံရေးသမား လက်သစ်တချို့ကတောင် ကျွန်တော်တို့ရဲ့သမိုင်း၊ ကျွန်တော်တို့ရဲ့ဘဝ၊ ဒုက္ခတွေကို ဘာမှမသိနားမလည်၊ နားလည်သိရှိအောင်လည်း မကြိုးစားဘဲနဲ့ သူတို့ကပါ ရိုဟင်ဂျာမရှိဘူး။ ခိုးဝင်ဘင်္ဂါလီတွေပဲဖြစ်တယ်လို့ ပြောနေကြတဲ့အတွက် ဒီဆောင်းပါးရေးရင်း ဓာတ်ပုံပါထည့်လိုက်တာ။ ကိုယ့်ကိုယ်ကို ထင်ပေါ်အောင်လုပ်တာကို ကျွန်တော်မနှစ်မြို့ပါ။ လိုအပ်လို့သာ ကျွန်တော်နဲ့ ဇနီးရဲ့ဓာတ်ပုံကို ထည့်ရခြင်းဖြစ်ကြောင်း ရှင်းပြလိုပါတယ်။
ဒီဆောင်းပါးရဲ့အဖွင့်မှာ အင်္ဂလိပ်လိုရေးထားတဲ့စာပုဒ်က ကျွန်တော်ဖတ်ဖူးတဲ့ Political Thought Since World War II စာအုပ်က Hans Kelsen ရေးတဲ့ Foundations of Democracy (ဒီမိုကရေစီအခြေခံမူများ) ဆောင်းပါးမှာ အတွေးအခေါ်ပညာရှင် Schumpeter ရဲ့ ဖော်ပြချက်ဖြစ်ပါတယ်။ အဲဒီဒဿနကို သိတဲ့နေ့ကစလို့ တစ်ပါးသူတွေရဲ့ ခံစားချက်တွေကို ကျွန်တော်အမြဲတစေ ကိုယ်ချင်းစာစိတ်နဲ့ နားထောင်လေ့ရှိပါတယ်။ ကူညီစရာရှိရင်လည်း ကူညီလာခဲ့ပါတယ်။ ဥပေက္ခာမပြုတော့ပါဘူး။ လူယဉ်ကျေးဆိုတာ တစ်ပါးသူရဲ့ မှန်ကန်တဲ့ခံစားချက်တွေကို ကူညီထောက်ခံပေးတယ်ဆိုတဲ့ Schumpeter အဆိုအတိုင်း နေထိုင်လာခဲ့ပါတယ်။
အခုတော့ မြန်မာ့ဒီမိုကရေစီ အသွင်ကူးပြောင်းရေးကာလရဲ့ လူစွာကျယ်ကြီးတွေ၊ ဟီးရိုး သူရဲကောင်းလုပ်ချင်ကြသူတွေနှင့်တကွ မီဒီယာလွတ်လပ်မှုအတွက် တစာစာအော်နေကြသူ အများစုကတောင် အာဏာရှင်ဦးနေဝင်း၊ ဗိုလ်ခင်ညွန့်တို့ လုပ်ခဲ့တဲ့ လူ့အခွင့်အရေးဂရုမစိုက်တဲ့ (ရိုဟင်ဂျာ)မရှိဘူးလို့ လိုက်အော်နေကြတာ တွေ့ရပါတယ်။
မြန်မာနိုင်ငံမှာ ရိုဟင်ဂျာလူမျိုးဆိုတာ အမှန်တကယ်ရှိခဲ့ပါတယ်။ ရှိနေဆဲပါဆိုတာကို လိုရင်းတိုရှင်း ကျွန်တော်ရှင်းပါရစေ။ ရခိုင်မင်းအဆက်ဆက်က ရခိုင်ပြည်နယ်မှာရှိတဲ့ အစ္စလာမ်ဘာသာဝင်များကို မည်ကဲ့သို့ ခေါ်ဝေါ်သုံးစွဲခဲ့သည်မသိ။ ရခိုင်မင်းပိုင်နက် နယ်မြေအတွင်း (ယခု ရခိုင်ပြည်နယ် မြောက်ပိုင်းနှင့် တောင်ပိုင်း ရမ်းဗြဲကျွန်း) ၌ အစ္စလာမ်ဘာသာဝင်များရှိသည့် သမိုင်းအထောက်အထား အမြောက်အမြားရှိရာ၌ ရခိုင်ဘုရင် မင်းစောမွန်လက်ထက် မြောက်ဦးမြို့တွင် ၁၄ ရာစုက တည်ဆောက်ခဲ့တဲ့ ဆင်ဒီခန်း Sindi Khan ဗလီက အထင်အရှားပါပဲ။ ရိုဟင်ဂျာသမိုင်းအမွေအနှစ်တွေကို အစတုံး ဖျောက်ဖျက်ချင်တဲ့ အာဏာရှင်ဗိုလ်ခင်ညွန့်အမိန့်နှင့် အနောက်ပိုင်းတိုင်းမှူး ဗိုလ်ချုပ်ဝင်းမြင့်တို့ ၁၉၉၃ ခုနှစ်မှာ ဖြိုဖျက်လိုက်ပြီး အနီးပတ်ဝန်းကျင်က ရိုဟင်ဂျာရွာတွေကိုပါ မောင်တောကို ပြောင်းရွှေ့စေခဲ့တာပါ။ အဲလိုပဲ မင်းပြားမြို့နယ်က ဓမ္ဘလေရွာဆိုတာလည်း ရှေးရခိုင်မင်းတွေလက်ထက်တည်းက ရှိလာခဲ့ကြတာပါ။
အင်္ဂလိပ်မြန်မာ ပထမစစ်ပွဲပြီးလို့ ရန္တာပိုစာချုပ်အရ ရခိုင်ဒေသကို အင်္ဂလိပ်ကရယူပြီး စစ်တွေမြို့တည်တော့ ရခိုင်မင်းနေပြည်တော်ကလူတွေ စစ်တွေကို ပြောင်းရွှေ့လာနေကြတယ်။ အဲဒီကာလမတိုင်ခင် စစ်တွေကျွန်း (အခု စစ်တွေ ကျေးလက်ဒေသ) မှာ ရွာကြီး ၁၁ ရွာ ရှိတယ်လို့ အင်္ဂလိပ်မဟာမင်းကြီး ချားလ်စ်ပက်တန်ရဲ့ ၁၈၂၆ ခု အစီရင်ခံစာမှာ ဖော်ပြထားတော့ ကျွန်တော့်အဖေဘက်က မျိုးရိုးတွေ နေလာခဲ့ကြတဲ့ ဘုမေရွာဟောင်းလည်း ပါဝင်ပါတယ်။ အဲဒီရွာမှာ ကျွန်တော့်အဖေဘက်က မျိုးရိုးတွေ စစ်တွေကျွန်းကို ပေါ်တူဂီတပ်မှူးအုပ်ချုပ်တဲ့ လွန်ခဲ့တဲ့ နှစ်ပေါင်း ၃ဝဝ (သုံးရာကျော်)လောက်ကတည်းက နေလာခဲ့ကြတာပါ။ ကျွန်တော့်အဖေက ၁၉၂ဝ ခုနှစ်မှာ မွေးပြီး ၁၉၃၇ ခုနှစ်မှာ အလယ်တန်းဆရာဖြစ်အောင်တယ်။ အသက် ၉၅ နှစ် ၂ဝ၁၄ ခုနှစ်၊ ဖေဖော်ဝါရီလ ၁၅ ရက်နေ့မှာ ကွယ်လွန်ခဲ့ပါတယ်။ ခေတ်ပညာတတ် နိုင်ငံရေးသမား ဗဟုသုတကြွယ်ဝသူဖြစ်လို့ ရခိုင်သမိုင်း၊ စစ်တွေမြို့ခံမိသားစု တစ်ခုချင်းရဲ့ မျိုးရိုးဇစ်မြစ်ကိုပါ သိခဲ့ရပါတယ်။ အဲလောက်ထိ စစ်တွေမြို့ခံ လွန်ခဲ့တဲ့နှစ်ပေါင်း (၃ဝဝ) သုံးရာကတည်းက နေလာခဲ့တဲ့ မျိုးဆက်တွေပါ။
ဒီအစ္စလာမ်ဘာသာ ကိုးကွယ်မှုကြောင့် ခိုးဝင်ဘင်္ဂါလီလို့ မဟုတ်မတရား စွပ်စွဲခံရပြီး နိုင်ငံသားစိစစ်ရေးကတ်ပြား မရရှိသေးတာ၊ သွားလာခွင့် ကန့်သတ်တားမြစ်ခံနေရတာ ဒီမိုကရေစီလားလို့ ပွင့်လင်းလူ့အဖွဲ့အစည်း (၈၈ မျိုးဆက်)က ဦးကိုကိုကြီးကို မေးပါရစေ။ မင်းကိုနိုင်ရဲ့ ပြောဆိုမှုတွေက ယထာဘူတကျတဲ့အတွက် (ရခိုင်ကိစ္စကို သမိုင်းနှင့်ချီပြီး သုံးသပ်ဖို့လိုတယ်လို့ မင်းကိုနိုင်ပြောခဲ့လို့) သူ့ကို မရည်ညွှန်းတာပါ။ ဦးကိုကိုကြီးကတော့ ကျွန်တော်တို့ ရခိုင်ပြည်နယ်က အစ္စလာမ်ဘာသာဝင်တွေကို လူမျိုးရေးအရ မုန်းတီးတဲ့သဘော သူ့စကားတွေ မီဒီယာမှာ တွေ့ရလို့ပါ။ အဲဒါကြောင့်ပဲ ဒီဆောင်းပါးရဲ့အစမှာ ဒီမိုကရေစီရဲ့ အခြေခံအုတ်မြစ်များမှာ ပညာရှင် Schumpeter ရဲ့ လူယဉ်ကျေးနှင့် လူရိုင်း ကွဲပြားစေတဲ့ အင်္ဂလိပ်စာသားကို ဖော်ပြပေးလိုက်တာပါ။
ဒီတော့ မြန်မာနိုင်ငံရဲ့ ၁၉၈၂ ခုနှစ် နိုင်ငံသားဥပဒေအရပဲ ကျွန်တော်တို့ တိုင်းရင်းသားဖြစ်နိုင်ရဲ့သားနဲ့ ကျွန်တော်တို့ကို ခွဲခြားဆက်ဆံတာ ဒီမိုကရေစီလား။ လူ့အခွင့်အရေး ဆုံးရှုံးခံရတာ မဟုတ်လား။ ဒါပေမဲ့ ၁၉၈၂ ခုနှစ် နိုင်ငံသားဥပဒေရဲ့ အားနည်းချက်က ဘာလဲဆိုရင် ယခုလက်ရှိ မြန်မာနိုင်ငံရဲ့ နယ်နိမိတ်ပိုင်နက်အတွင်းမှာ ၁၈၂၃ ခုနှစ် မတိုင်ခင်ကတည်းက နေထိုင်လာခဲ့ကြသူတွေက (တိုင်းရင်းသားလူမျိုး) ဖြစ်တယ်လို့ ဆိုထားပေမယ့် လူတစ်ဦးတစ်ယောက်အနေနဲ့ လွန်ခဲ့တဲ့ နှစ်ပေါင်း ၂ဝဝ (၁၈၂၃)ခုနှစ် မတိုင်ခင်ကတည်းက နေလာခဲ့တာကို ဘယ်လိုသက်သေပြနိုင်မှာလည်းဆိုတာကို လူကြီးမင်းများ စဉ်းစားကြည့်ကြပေတော့။
စစ်တွေမြို့ ဈေးဟောင်း မောလိတ်ရပ်ကွက်ဆိုတာ အင်္ဂလိပ်အစိုးရက ၁၈၂၇ ခုနှစ်မှာ စစ်တွေမြို့တည်တော့ ကျွန်တော့်အမေဘက်က ဘိုးဘွားတွေက မင်းပြားမြို့နယ်၊ ဆတ်ကျာရွာကနေ ပြောင်းလာခဲ့ကြသလို၊ ယောက္ခထီး ဦးသာအောင်ရဲ့ ဘိုးဘွားတွေက မြောက်ဦးမြို့နယ်၊ ဗူးတစ်လုံးရွာက ပြောင်းရွှေ့လာခဲ့ကြတယ်။ ယောက္ခမဒေါ်နုနုရဲ့ အမေဘက်က ဘိုးဘွားတွေကတော့ မြောက်ဦးမြို့နယ်၊ ဘောင်းဒွတ်က ပြောင်းရွှေ့လာခဲ့ကြတာပါ။ အဲလို ရခိုင်မင်းနေပြည်တော် အနီးတစ်ဝိုက်က ပြောင်းလာကြပြီး ရွာတည်ခဲ့ကြလို့ ရွာနာမည်ကိုတောင်မှ (ရိုဟင်ဂျာရွာ)လို့ ဒီနေ့အထိ ခေါ်နေကြဆဲပါ။ ရိုဟင်ဂျာမရှိဘူးလို့ ပြောနေကြသူတွေ စဉ်းစားကြဖို့ပါ။
ဘာပဲဖြစ်ဖြစ် ဒီနေ့ ကျွန်တော်တို့လူမျိုးတွေရဲ့နာမည်ကို ရိုဟင်ဂျာလို့ သတ်မှတ်ခြင်းဟာ နိုင်ငံတကာ လူ့အခွင့်အရေး စံချိန်စံညွှန်းတွေအရ ကိုယ့်ကိုယ်ကိုသတ်မှတ်ခြင်း (Self Identification) ဖြစ်ပါတယ်။ ကျွန်တော်တို့ရဲ့ လူမျိုးအမည်ကို တစ်ပါးသူက အတင်းအဓမ္မ သတ်မှတ်ပိုင်ခွင့် မရှိပါဘူး။ မြန်မာနိုင်ငံမှာ တိုင်းရင်းသားတွေရဲ့ အခွင့်အရေးက သာမန်နိုင်ငံသားတွေထက် အခွင့်အရေးပိုရှိတာကြောင့် ကျွန်တော်တို့ကို ဘင်္ဂါလီလို့ သတ်မှတ်ခြင်းဖြင့် နိုင်ငံခြားသားတွေအဖြစ် ပုံသွင်းဖို့ ကြိုးစားခြင်းသာဖြစ်ပါတယ်။
ဒါကြောင့် တိုင်းရင်းသားလူမျိုးစစ်စစ်ဖြစ်တဲ့ ကျွန်တော်တို့သည် ပြည်ထောင်စုသမ္မတမြန်မာနိုင်ငံတော်အပေါ် ထာဝရသစ္စာရှိစွာဖြင့် ကျန်တိုင်းရင်းသားလူမျိုးတွေနှင့်အတူ ပြည်ထောင်စုအကျိုးအတွက် တို့တာဝန်အရေးသုံးပါးကို ဦးထိပ်ပန်ဆင်လျက်ရှိပါကြောင်း ရေးသားရင်း ခေတ်ဟောင်းအမွေဆိုးများကို ပယ်ဖျောက်ကြပါစို့လို့ တိုက်တွန်းလိုပါသည်။
ဦးအောင်ခင် (စစ်တွေ)
သာအောင်သတင်းစုံဂျာနယ်၊ အတွဲ ၁၊ အမှတ် ၁၊ စာမျက်နှာ ၁ဝ မှ ကူးယူဖော်ပြသည်။
