အစိမ်းနုရောင် ကဒ်ပြား ယူရန် ဓါတ်ပုံ အရိုက်မခံသူ များကို သေနတ်ဖြင့် ပစ်မည်ဟု ခြိမ်းခြောက်

ဇူလိုင်လ (၂၆) ရက်နေ့ နံနက် ၈ နာရီ အချိန်တွင် မောင်တော မြို့နယ် တောင်ပိုင်း၊ အမှတ် (၈) နယ်မြေ၊ အင်းဒင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်း အမှတ် (၁၈) မှ ရဲမှူးငြိမ်းချမ်းအေးနှင့် မ.က.ဖ ဦးစီးတို့က အင်းဒင်ရွာမှ ရပ်မိရပ်ဖ များကို စခန်းသို့ ဆင့်ခေါ်ပြီး နိုင်ငံသား စီစစ်ခံရမည့်သူ၏ သက်သေခံ ကတ်ပြား (အစိမ်းနုရောင် ကတ်ပြား) လက်ခံရန်၊ ရွာသားများကိုလည်း အစိမ်းနုရောင် ကတ်ပြား လက်ခံလာအောင် စည်းရုံးပေးရန် ပြောကြားရာ ရပ်မိရပ်ဖ များက ချက်ချင်း လက်မခံဘဲ ရွာသူရွာသား များနှင့် တိုင်ပင်ရမည်ဟု ဖြေကြားခဲ့သည်။ 

ထို့နောက် ရဲမှူးငြိမ်းချမ်းအေးက ရပ်မိရပ်ဖ များနှင့် အတူ ဒုရဲအုပ် တစ်ဦး အပါအ၀င် နယ်ခြားစောင့် ရဲများနှင့် မ.က.ဖ (၁၅) ဦးကို အင်းဒင်တောင်ရွာသို့ စေလွှတ်ခဲ့သည်။ နယ်ခြားစောင့် ရဲများနှင့် မ.က.ဖ များက အင်းဒင်တောင်ရွာရှိ အာရဗီ စာသင်ကျောင်းတွင် နေရာယူခဲ့သည်။ ထို့နောက် ကျေးရွာ အုပ်ချုပ်ရေးမှူးက ရွာဆော်မှ တစ်ဆင့် ရွာသားများကို ဆွေးနွေးရန်ဟု လိမ်လည်၍ ခေါ်သဖြင့် ရွာသားအချို့ အာရဗီ စာသင်ကျောင်းသို့ ရောက်ရှိလာခဲ့သည်။ ရွာသားများ ရောက်ရှိလာည်နှင့် နယ်ခြားစောင့် ရဲများက ဖမ်းဆီးပြီး “မင်းတို့ အစိမ်းကဒ် မဖြစ်မနေ လျှောက်ရမယ်၊ အဲဒါကြောင့် အိမ်ထောင်စု စာရင်းနဲ့ အတူ မိသားစုကိုပါ အခု ချက်ချင်း ခေါ်လာခဲ့” ဟုဆိုကာ နယ်ခြားစောင့် ရဲတစ်ဦးစီနှင့် အတူ စေလွှတ်ခဲ့သည်။ နယ်ခြားစောင့် ရဲများနှင့် အတူ လာရောက်နေသည်ကို မိသားစု အချို့က သိရှိသွားပြီး နေအိမ်များမှ ထွက်ပြေး သွားခဲ့သည်။ နယ်ခြားစောင့်ရဲ တစ်ဦးစီနှင့် အတူ နေအိမ်များသို့ ရောက်ရှိလာသူများက နယ်ခြားစောင့် ရဲများကို အိမ်ရှေ့တွင် ထား၍ နောက်ဖေးပေါက်မှ ထွက်ပြေးသွားခဲ့သည်။ အများစု ထွက်ပြေးနိုင်ခဲ့သော်လည်း ရွာသား (၃) ဦးမှာ ထွက်မပြေးနိုင်၍ နယ်ခြားစောင့် ရဲများ၏ ဖမ်းဆီးခြင်းကို ထပ်မံခံခဲ့ရသည်။ 

ထို့နောက် အဆိုပါ ရွာသား (၃) ဦးကို နယ်ခြားစောင့် ရဲတပ်ဖွဲ့ဝင် များနှင့် မ.က.ဖ များ နေရာယူထားသည့် အာရဗီ ကျောင်းသို့ ခေါ်ဆောင်လာပြီး ထွက်ပြေးရန် ကြိုးစားခဲ့သည်ဟု ဆိုကာ လူမဆန်စွာ ရိုက်နှက်ခဲ့သည်။ ရိုက်နှက်ခံရသူ များမှာ -- 

(၁) ဦးနူရ်အစ္စလာမ် (ဘ) ဦးနော်ဘီဟူစိန်း (အသက် ၆၂ နှစ်)
(၂) ဦးကော်ရီမူလ္လာ (ဘ) ဦးနောဇူမျာ (အသက် ၄၇ နှစ်)

(၃) ဦးဂျမာလ်ဟူစိန်း (ဘ) ဦးဂျော်လာအူဒင် -- တို့ဖြစ်သည်။ 

ဦးနူရ်အစ္စလာမ်သည် ဖမ်းဆီးခံရသော်လည်း ၎င်း၏ မိသားစုမှာ ထွက်ပြေး လွတ်မြောက် သွားခဲ့သဖြင့် ၎င်းတစ်ဦးသာ ဓါတ်ပုံ ရိုက်ခံခဲ့ရသည်။ သို့သော်လည်း ၎င်း၏ အိမ်ထောင်စု စာရင်းကို သိမ်းဆည်း သွားကြောင်း ဒေသခံတစ်ဦးက RB News သို့ပြောသည်။ ဦးကော်ရီမူလ္လာသည် ၎င်း၏ ဇနီးနှင့်ပါ ဖမ်းဆီးခံရသဖြင့် နှစ်ဦးလုံး ဓါတ်ပုံ ရိုက်ခံခဲ့ရသည်။ 

ထို့နောက် နယ်ခြားစောင့် ရဲများက ဇူလိုင်လ (၂၇) ရက်နေ့တွင် လာရောက် ဓါတ်ပုံ ရိုက်လျှင် အရိုက်မခံပါက ညအချိန်တွင် အိမ်ထဲသို့ ၀င်ရောက် ဖမ်းဆီး ထောင်ချမည်၊ ထွက်ပြေးသူများကို သေနတ်ဖြင့် ပစ်ခတ်မည်ဟု ခြိမ်းခြောက် ခဲ့သည်။ ထိုသို့ ခြိမ်းခြောက်မှုကြောင့် ရွာသူရွာသား များသည် နေအိမ်တွင် မနေဘဲ တိမ်းရှောင် နေခဲ့ကြောင်း အဆိုပါ ဒေသခံက ပြောပါသည်။ 

ဇူလိုင်လ (၂၇) ရက်နေ့တွင် နယ်ခြားစောင့် ရဲများ ထပ်မံ၍ ရောက်ရှိလာခဲ့သော်လည်း ရွာသူရွာသားများက သွားရောက်၍ ဓါတ်ပုံ အရိုက်ခံခြင်း မရှိခဲ့ကြောင်း သိရသည်။ ရွာသူရွာသားများ ရောက်ရှိလာခြင်း မရှိသောကြောင့် နယ်ခြားစောင့် ရဲများနှင့် မ.က.ဖ များက အမျိုးမျိုး ခြိမ်းခြောက် ပြောဆို၍ ညနေပိုင်းထိ စောင့်ဆိုင်း၍ ပြန်လည် ထွက်ခွာ သွားကြောင်း သိရှိရပါသည်။