IS နှင့် RSO တို့ပူးပေါင်း၍ မောင်တော မြို့တွင် အကြမ်းဖက်မည်ဟု လုပ်ကြံ သတင်းများကို လွှင့်ထုတ်

မောင်တော ။ ။ ရခိုင်ပြည်နယ်၊ မောင်တော မြို့နယ်၊ ကညင်တန်း (မြို့မ) ကျေးရွာရှိ အ.ထ.က ကျောင်း အခြေစိုက် စစ်တပ် တပ်ရင်းမှ တပ်ရင်းမှူးနှင့် မောင်တော မြို့နယ် အုပ်ချုပ်ရေးမှူး တို့က IS နှင့် RSO တို့ ပူးပေါင်း၍ မောင်တော မြို့နယ်တွင် အကြမ်းဖက် ဆူပူအောင် ပြုလုပ်မည်ဟု စီစဉ်နေကြောင်း သတင်းရသည်ဟု ဆိုကာ ကျေးရွာ အုပ်ချုပ်ရေးမှူး များကို အစည်းအဝေး ခေါ်ယူ၍ ပြောကြားခဲ့ကြောင်း သတင်းရရှိပါသည်။

၂၀၁၆ ခုနှစ် ဇန်နဝါရီလ ၆ ရက်နေ့၊ နံနက် ၁၀ နာရီ အချိန်တွင် ကညင်တန်း (မြို့မ) ကျေးရွာရှိ အ.ထ.က ကျောင်း အခြေစိုက် တပ်ရင်း ၅၃၅ မှ တပ်ရင်းမှူး ဗိုလ်မှူး သူရိန်စိုးက ကျေးရွာအုပ်ချုပ်ရေးမှူး များကို အစည်းအဝေး ခေါ်ယူကာ မောင်တော မြို့နယ်တွင် IS နှင့် RSO တို့ ပူးပေါင်း၍ အကြမ်းဖက်ရန် စီစဉ်နေကြောင်း၊ သောကြာနေ့တွင် လက်ကမ်း စာစောင်များ ဖြန့်ဝေမည် ဟုလည်း သတင်း ရရှိကြောင်း၊ ထို့ကြောင့် ဗလီများတွင် လူမစုရန်နှင့် အမြဲ စောင့်ကြည့်ထားရန် ကျေးရွာ အုပ်ချုပ်ရေးမှူး များကို သတိပေး ပြောဆိုခဲ့သည်။

ထို့အပြင် တပ်ရင်းမှူး ဗိုလ်မှူး သူရိန်စိုးက မြို့ပေါ်နေ ရိုဟင်ဂျာ ပညာတတ် မျက်နှာဖုံး များကို IS, RSO တို့နှင့် အဆက်အသွယ် ရှိသည်ဟုဆိုကာ အချို့ကိုမှု အမည်တပ်၍ အစည်းအဝေးတွင် စွပ်စွဲ ပြောကြားခဲ့သည်။

ဆက်လက်၍ နေ့လည် ၁၂ နာရီအချိန်တွင် တပ်ရင်းမှူးက အုပ်ချုပ်ရေးမှူး များကို မြို့နယ် အုပ်ချုပ်ရေးမှူး ရုံးသို့ ခေါ်သွားခဲ့ပြီး တစ်ဖန် အစည်းအဝေး ပြုလုပ်ခဲ့သည်။ အစည်းအဝေးတွင် မြို့နယ်အုပ်ချုပ်ရေးမှူး ဦးလှမြင့် (ကိုယ်ပိုင်အမှတ် ပ/၃၉၆၆) ကလည်း တပ်ရင်းမှူး ပြောသကဲ့သို့ ပြောဆိုခဲ့သည်။

“အမှန်တကယ်တော့ ခြံစည်းရိုး အခိုင်အမာ ကာထားသလို ထူထပ်တဲ့ လုံခြုံရေး အစောင့်ချ ထားတဲ့ မောင်တော နယ်စပ်ကို ဖြတ်ပြီး ၀င်လာဖို့ ဆိုတာ ဘယ်လိုမှ မဖြစ်နိုင်ပါဘူး။ IS ဆိုတာ ဆီးရီးယား အခြေစိုက် အဖွဲ့ ဖြစ်ပြီး၊ မြန်မာနိုင်ငံ ထဲကို ၀င်လာစရာ ဘာအကြောင်းမှ မရှိဘူး။ ပြီးတော့ RSO ဆိုတာကလည်း အာဏာပိုင်တွေက ဒေသခံ ရိုဟင်ဂျာ တွေကို ဖမ်းဆီးနှိပ်စက်ဖို့ အကြောင်းပြလို့ ကောင်းတဲ့ စိတ်ကူးထဲက အဖွဲ့တစ်ဖွဲ့သာ ဖြစ်ပြီး၊ တကယ်တမ်း လက်တွေ့မှာ မရှိတဲ့ အဖွဲ့တစ်ဖွဲ့ ဖြစ်ပါတယ်” ဟု မြို့ပေါ်မှ ဒေသခံ တစ်ဦးက RB News သို့ပြောပါသည်။ 

ဤကဲ့သို့ မရှိသည့် RSO နှင့် ဆီးရီးယားမှ IS တို့က မောင်တောမြို့နယ်တွင် အကြမ်းဖက်ရန် စီစဉ်နေသည်ဟု သတင်းလွှင့်နေခြင်းမှာ မောင်တောမြို့နယ်၌ ဇန်န၀ါရီလ (၂) ရက်နေ့ ညပိုင်းတွင် ရခိုင့် တပ်မတော် (AA) နှင့် ဆက်နွယ် ပတ်သက် နေသည့် ရခိုင်များကို ဖမ်းဆီးရန် ကြိုးစားခဲ့ပြီး နောက်ပိုင်း ဒေသအာဏာပိုင်များကို အာရုံလွှဲရန် ရခိုင်များ၏ လုပ်ကြံ သတင်းပေးမှုသာ ဖြစ်နိုင်သည်ဟု ဒေသခံများက ပြောပါသည်။ 

မောင်တောမြို့နယ်တွင် ထိပ်တန်း ဒေသအာဏာပိုင် အများစုသည် ရခိုင်လူမျိုးများသာ ဖြစ်သည်။ ၎င်းတို့သည် အခြေအနေအရ အစိုးရ တာဝန်များကို ထမ်းဆောင်နေသော်လည်း ရခိုင်ပြည်နယ်မှ ဗမာနှင့် ရိုဟင်ဂျာများကို တိုက်ထုတ် နှင်ထုတ်၍ ပြည်ထောင်စုကြီးကို ဖြိုကွဲကာ သီးခြား ရခိုင့်နိုင်ငံတော်သစ်တစ်ရပ် တည်ထောင်ရန်သာ ၎င်းတို့ ကိုယ်စီ၏ နှလုံးသားထဲက တစ်ခုတည်းသော အိပ်မက်သာဖြစ်သည်။

သို့သော်လည်း ဗမာနှင့် ရခိုင်တို့၏ အာဏာလွန်ဆွဲပွဲတွင် အားအင်ချည့်နဲ့သည့် ရိုဟင်ဂျာများသည်သာ မြေစာပင် အဖြစ် ခံနေရပါသည်။