ဥဒေါင်း ကျေးရွာ အုပ်ချုပ်ရေးမှူးက ဒေသခံများ ထံမှ ငွေသိန်းချီ ညှစ်
Rohingya Eye
RB News
9.7.2016
မောင်တော ။ ။ ရခိုင်ပြည်နယ်၊ မောင်တော မြို့နယ် အတွင်းရှိ န.တ.လ ရွာသားများ ရှိသည့် ကျေးရွာများတွင် န.တ.လ ရွာသား များကိုသာ ကျေးရွာ အုပ်ချုပ်ရေးမှူး အဖြစ် တင်မြှောက်ပြီး ရပ်ကွက် / ကျေးရွာ အုပ်ချုပ်ရေးမှူး ရွေးကောက် တင်မြှောက်ရေး ဥပဒေနှင့် အညီ တင်မြှောက်ခြင်း မရှိကြောင်း သိရှိရသည်။
တင်မြှောက်ခံရသည့် ကျေးရွာ အုပ်ချုပ်ရေးမှူး များသည် နိုင်ငံတော်မှ လစာယူ၍ ဒေသခံ ရိုဟင်ဂျာများကို ခြိမ်းခြောက်ခြင်း၊ ညှဉ်းပန်း နှိပ်စက်ခြင်းနှင့် မလျော်သြဇာ သုံးပြီး ငွေညှစ်ခြင်းများ မကြာခဏ ပြုလုပ်လျက် ရှိသည်ဟု ဒေသခံများက RB News သို့ပြောသည်။
ထိုကဲ့သို့ ပြုလုပ်နေခြင်း များကို မြို့နယ် အုပ်ချုပ်ရေးမှူး ဦးလှမြင့် ထံ တိုင်ကြားလျှင်လည်း ဦးလှမြင့်က “မင်းတို့ ဒီနိုင်ငံက မဟုတ်ဘူး၊ မင်းတို့ ဘင်္ဂလီတွေ၊ ဒီမှာ ဘာမှ မရှိဘူး” စသည်ဖြင့် လူမျိုးရေး ခွဲခြားမှုနှင့် အခြားနိုင်ငံသားဟု မတရားသဖြင့် စွပ်စွဲခြင်းများ ပြုလုပ်သောကြောင့် ဒေသခံ ရိုဟင်ဂျာများက တိုင်ကြားရန်ပြင် မ၀ံ့ရဲတော့ကြောင်း ဒေသခံများက ပြောပါသည်။ ထို့ကြောင့် ကျေးရွာ အုပ်ချုပ်ရေးမှူးများက ပြောင်ပြောင်တင်းတင်း ဥပဒေမဲ့ လုပ်ရပ်များကို ဆက်လက် ကျူးလွန်လျက် ရှိသည်ဟု ၎င်းတို့က ဆိုသည်။
လွန်ခဲ့သည့်လ ဇွန်လ (၇) ရက်နေ့မှ (၂၄) ရက်နေ့ အတွင်း မောင်တောမြို့နယ် တောင်ပိုင်း ဥဒေါင်း ကျေးရွာမှ အုပ်ချုပ်ရေးမှူး ဦးတင်မောင်သည် ခြိမ်းခြောက် ညှဉ်းပန်း နှိပ်စက်မှုများ ပြုလုပ်ပြီး အောက်ပါ ရွာသားများ ထံမှ ငွေညှစ်ခဲ့သည်။
(၁) ပြည်ပသို့ သတင်းပို့နေသည်ဟု မဟုတ်မမှန် လုပ်ကြံ စွပ်စွဲ၍ မောင်အာချောတ်အုလ္လာ (ဘ) ဦးဖော်ဇော်လ်ကော်ရိမ်း (အသက် ၁၄ နှစ်) ထံမှ ငွေကျပ် (၇) သိန်းနှင့် မောင်အီဆုပ် (ဘ) ဦးကော်ရီမုလ္လာ (အသက် ၁၃ နှစ်) ထံမှ ငွေကျပ် (၆) သိန်း ညှစ်ယူခဲ့သည်။
(၂) အိမ်ပြုပြင်သည်ကို အကြောင်းမကြားဟု စွပ်စွဲကာ ဦးအဗ်ဒူလ္လာ (ဘ) ဦးဘော်ဆိရ်အာမတ် (အသက် ၃၅ နှစ်) ထံမှ ငွေကျပ် တစ်သိန်း ခြောက်သောင်း ညှစ်ယူခဲ့သည်။
(၃) ဧည့်စာရင်း တိုင်ကြားခြင်း မရှိဘဲ အိမ်တွင် ဧည့်သည် ထားသည်ဟု စွပ်စွဲကာ ဦးဆော်လီမူလ္လာ (ဘ) ဦးဟိုက်ရ်မူလူခ် ထံမှ ငွေကျပ် တစ်သိန်းနှင့် ဦးနူရ်မာလ်ဟာကိမ်း (ဘ) ဦးချစ်မောင် ထံမှ ငွေကျပ် (၄) သိန်း ညှစ်ယူခဲ့သည်။
(၄) ဆိုင်ကယ်တိမ်းမှောက်သည်ကို အကြောင်းပြ၍ ဦးရာမောတ်အုလ္လာ (ဘ) ဦးလာလ်မျာ (အသက် ၃၀ နှစ်) နှင့် အေနာမ်အုလ္လာ (ဘ) ဦးလာလ်မျာ (အသက် ၁၈ နှစ်) တို့ထံမှ ငွေကျပ် (၃) သိန်း ညှစ်ယူခဲ့သည်။
(၅) ဇနီးမောင်နှံ နှစ်ဦး စကားများ ရန်ဖြစ်သည်ကို အကြောင်းပြု၍ ဦးနူရ်မာမတ် (ဘ) ဦးဆော်ယာဒ် (အသက် ၃၀ နှစ်) ထံမှ ငွေကျပ် (၃) သိန်း ညှစ်ယူခဲ့သည်။
အဆိုပါ ကျေးရွာ အုပ်ချုပ်ရေးမှူး ဦးတင်မောင်သည် ရပ်ကွက် / ကျေးရွာ အုပ်ချုပ်ရေးမှူး ရွေးကောက် တင်မြှောက်ခြင်း ဥပဒေနှင့် အညီ တင်မြှောက် ခံထားရသူ မဟုတ်ကြောင်း ဒေသခံများက ပြောပါသည်။ ထို့အပြင် ဥပဒေမဲ့ ငွေညှစ်ခြင်းများ နေ့စဉ် ရက်ဆက် ပြုလုပ်နေသဖြင့် အထက် အာဏာပိုင်များက စုံစမ်း စစ်ဆေးပြီး အရေးယူပေးပါရန် ဒေသခံများက RB News မှ တဆင့် တောင်းဆိုသည်ဟု ပြောပါသည်။
