မောင်တော သ၀န်းချောင်းမှ ဒေသခံ (၄) ဦး ငွေညှစ်ခံရ
RB News
20.7.2016
မောင်တော ။ ။ ရခိုင်ပြည်နယ် မောင်တောမြို့နယ် တောင်ပိုင်း၊ အင်းဒင် ကျေးရွာ အခြေစိုက် စစ်တပ်မှ စခန်းတာဝန်ခံ ဗိုလ်ကြီး အဆင့်ရှိသူက ၎င်း၏ တပည့်ဖြစ်သူ သ၀န်းချောင်းရွာသား ဦးဘထူး (ဘ) ဦးဖော်ဇော်လော့ခ် မှတဆင့် သ၀န်းချောင်း ရွာသား (၄) ဦးကို ဇူလိုင်လ (၁၃) ရက်နေ့တွင် စခန်းသို့ လာရောက်ရန် ဆင့်ခေါ်စာ ပို့ခဲ့သည်။
ဆင့်ခေါ်စာကို လိုက်လံ ဝေငှသူ ဦးဘထူးက ခေါ်ခံရသူများကို စခန်းသို့ မသွားလိုလျှင် မိမိထံ ငွေပေးနိုင်ကြောင်း၊ အကယ်၍ စခန်းသို့ သွားပါက ဘင်္ဂလား ဆင်းမ်ကဒ်သုံးနေသည်ဟု လုပ်ကြံ စွပ်စွဲကာ ညှဉ်းပန်း နှိပ်စက်မည်မှာ သေချာကြောင်း၊ ပြောဆိုသဖြင့် ဆင့်ခေါ်ခံရသူများက ကြောက်ရွံ၍ ဦးဘထူး တောင်းသည့် အတိုင်း ငွေပေးခဲ့ရကြောင်း ဒေသခံတစ်ဦးက RB News သို့ပြောသည်။
ငွေညှစ်ခံရသူ (၄) ဦးမှာ --
(၁) ဦးအဒူလ်ဟာမိတ် (ဘ) ဦးအဒူဂေါ်ဖော်ရ် (အသက် ၃၈ နှစ်) - ညှစ်ခံရသည့် ငွေကျပ် နှစ်သိန်းငါးသောင်း
(၂) ဦးဂျော်မိလ် (ဘ) ဦးဘော်ဒူရ်အုလ္လာ (အသက်၂၃ နှစ်) - ညှစ်ခံရသည့် ငွေကျပ် နှစ်သိန်းငါးသောင်း
(၃) ဦးရော်ဟီမူလ္လာ - ညှစ်ခံရသည့် ငွေကျပ် နှစ်သိန်းငါးသောင်း
(၄) ဦးမော်ဆီအူလ္လာ - ညှစ်ခံရသည့် ငွေကျပ် နှစ်သိန်းငါးသောင်း -- တို့ဖြစ်သည်။
