ရသေ့တောင် ကျောက်တန်း နယ်မြေမှ ရိုဟင်ဂျာများ အပေါ် ပိတ်ဆို့မှုများ ပြန်လည် စတင်

17.9.2016

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ် မယူမြစ် အရှေ့ဘက်ကမ်း ကျောက်တန်း နယ်မြေအတွင်းရှိသည့် (၁) အာကာတောင် ကျေးရွာ၊ ရက်ခုန်းတိုင် ကျေးရွာအုပ်စု​ (၂) ကံဆိပ်ကျေးရွာ၊ အုတ်ဖို ကျေးရွာအုပ်စု (၃) ဆင်ခုန်းတိုင် ကျေးရွာ တို့မှ ဒေသခံ ရိုဟင်ဂျာများသည် လယ်ယာ စိုက်ပျိုးရေး၊ ကျွဲ၊နွား၊ဆိတ် မွေးမြူရေး၊ ကျွဲ၊နွား အရောင်းအ၀ယ် လုပ်ငန်းတို့ဖြင့် အဓိက အသက်မွေးဝမ်းကျောင်း ပြုကြသည်။ 

၂၀၁၂ ခုနှစ်တွင် ရခိုင်လူမျိုးများ၏ ဖိနှိပ်ခြင်း၊ စီးပွားရေးအရ ပိတ်ဆို့ခြင်းများကို ခံခဲ့ရသည်။ ၂၀၁၄ ခုနှစ်မှ စ၍ ယခုနှစ် စက်တင်ဘာလ (၁၁) ရက်နေ့ထိ ရိုဟင်ဂျာလူမျိုးများနှင့် ရခိုင်လူမျိုးများ အကြား ဆက်ဆံရေး ပြန်လည် ကောင်းမွန်လာခဲ့သည်။ 

သို့သော်လည်း စက်တင်ဘာလ (၁၁) ရက်နေ့မှ စ၍ ရသေ့တောင်မြို့နယ်၊ ကျောက်တန်း နယ်မြေမှ ရခိုင်လူမျိုးများက ရိုဟင်ဂျာလူမျိုး များကို စီးပွားရေး ပိတ်ဆို့ခြင်း၊ ရခိုင်ရွာများနှင့် နီးစပ်သော လယ်ယာမြေ များတွင် လယ်ယာ စိုက်ပျိုးရေး လုပ်ငန်းများ လုပ်ကိုင်ခွင့် မပေးတော့ခြင်းများ ခံနေရသည်ဟု ဒေသခံများက RB News သို့ပြောပါသည်။ 

၂၀၁၂ ခုနှစ်ကဲ့သို့ ပိတ်ဆို့မှုများ ထပ်မံ ဖြစ်ပေါ်လာခြင်းကြောင့် ဒေသခံ ရိုဟင်ဂျာများက စိုးရိမ်လျက် ရှိနေကြသည်ဟု ဆိုသည်။