ဇီးပင်ချောင်းတွင် နေအိမ်များနှင့် ဆိုင်ခန်းများ ဖြိုဖျက်ခံရသည့် အပြင် အိမ်မွေးတိရိစ္ဆာန်များ လုယက်ခံရ

8.1.2017

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲမြို့၊ ဇီးပင်ချောင်း ကျေးရွာအုပ်စုသို့ နယ်ခြားစောင့်ရဲများ ၀င်ရောက်၍ နေအိမ်များနှင့် ဆိုင်ခန်းများ ဖြိုဖျက်ရန် သွားနေစဉ် ဒေသခံ အချို့၏ အိမ်မွေးတိရိစ္ဆာန်များ လုယက်သွားခဲ့ကြောင်း သတင်း ရရှိပါသည်။ 

ဇန်န၀ါရီလ (၇) ရက်နေ့ နံနက် ၁၁ နာရီ အချိန်တွင် တောင်ပြိုလက်ဝဲမြို့၊ ဇီးပင်ချောင်းကျေးရွာအုပ်စု၊ ချောင်းကုလားကျေးရွာနှင့် ချောင်းကုလား မြောက်ရွာသို့ ဇီးပင်ချောင်းကျေးရွာ အခြေစိုက် နယ်ခြားစောင့်ရဲတပ်ဖွဲ့မှ နယ်ခြားစောင့်ရဲ ၁၀ ဦး ၀င်ရောက်လာပြီး လူနေအိမ်များနှင့် ဆိုင်ခန်းများ ဖြိုဖျက်ရန် သွားနေစဉ် ဒေသခံ ရိုဟင်ဂျာ ရွာသား အချို့၏ အိမ်မွေးတိရိစ္ဆာန်များကို လုယက်ခဲ့ကြောင်း ဒေသခံတစ်ဦးက RB News သို့ပြောသည်။ 

ချောင်းကုလားမြောက်ရွာမှ ဦးနော်ဘီဟူဆောင်း (ဘ) ဦးအဒူလာကိမ်း၏ အိမ်မှ ခို (၄) ကောင်၊ ဦးမာဆောင်း (ဘ) ဦးအဒူလာကိမ်း၏ အိမ်မှ ခို (၂) ကောင်၊ ဦးဒိလ်မာမတ် (ဘ) ဦးကာမာလ်ဟူစိန်း၏ အိမ်မှ ကြက် (၃) ကောင်၊ ဦးရှာဘဲကူနာရ် (ဘ) ဦးမာမတ်ရှော်ဖီ၏ အိမ်မှ ခို (၈) ကောင်နှင့် ကြက် (၆) ကောင်၊ ဦးဟာရွန်ရော်ရှိတ် (ဘ) ဦးဖော်ဇော်လာကိမ်း၏ အိမ်မှာ ခို (၄) ကောင်နှင့် ကြက် (၃) ကောင်၊ ဦးနူမာလ်ဟာကိမ်း၏ အိမ်မှ ဘဲ (၃) ကောင်တို့ကို လုယက်သွားခဲ့သည့် အပြင် လူမျိုးရေးနှင့် ဘာသာရေး စော်ကား ပုတ်ခတ်သည့် စကားများဖြင့် ညစ်ညမ်းစွာ ဆဲဆို၍ ခြိမ်းခြောက်ခြင်းများ ပြုလုပ်ခဲ့သည်။ ထို့အပြင် သက်ဆိုင်ရာသို့ တိုင်တန်းလျှင် သေနတ်ဖြင့် ပစ်သတ်မည်ဟု ခြိမ်းခြောက်ခဲ့ကြောင်း အဆိုပါ ဒေသခံက ပြောပါသည်။ 

ထို့အပြင် ချောင်းကုလားရွာမှ ဦးမာမတ်အလီ (ဘ) ဦးကာမာလ်ဟူစိန်း၏ ဆိတ် (၁) ကောင်ကို နယ်ခြားစောင့်ရဲများက ၎င်းတို့နှင့် အတူ ပါလာသည့် ခွေးကောင် (၄) ကောင်ဖြင့် ကိုက်စေပြီး သတ်ဖြတ်၍ ယူဆောင် သွားခဲ့သည်။ 

ဇန်န၀ါရီလ (၇) ရက်နေ့တွင် ဖြိုဖျက်ခံရသည့် အိမ်များ၏ ပိုင်ရှင်များမှာ -- 

(၁) ဦးနူရ်အာမတ် (ဘ) ဦးအဒူဆလာမ် 

(၂) ဦးမာမတ်အာလောမ် (ဘ) ဦးရှော်ရီဟူဆောင်း

(၃) ဦးရှော်မုလုခ် (ဘ) ဦးအဒူရှကူရ် 

(၄) မော်လ၀ီဟာမီဒူလ္လာ (ဘ) ဦးအဒူရှကူရ်

(၅) ဦးအလီဇူဟာရ် (ဘ) ဦးအလီဟူစိန်း

(၆) ဦးဇာဖောရ် (ဘ) ဦးဆွေတူဆောင်း -- တို့ဖြစ်ကြသည်။ 

ဆိုင်ခန်း ဖျက်ခံရသည့် ဆိုင်ပိုင်ရှင်များမှာ -- 

(၁) ဦးရော်ရှီဒူလ္လာ (ဘ) ဦးမာမတ်ရှော်ဖီ

(၂) ဦးအာယာစ်အုလ္လာ (ဘ) ဦးအဒူရှကူရ် -- တို့ဖြစ်ကြသည်။

ဖြိုဖျက်ခံရသည့် နေအိမ်များနှင့် ဆိုင်ခန်းများမှာ ချောင်းကုလားရွာနှင့် ချောင်းကုလားမြောက်ရွာတို့တွင် ဆောက်လုပ်ထားသည့် နေအိမ်များ ဆိုင်ခန်းများ ဖြစ်ကြသည်။