မောင်ဝံ့သ 

Rohingya Today

29.12.2018

မောင်တော ။ ။ ရခိုင်ပြည်နယ်၊ မောင်တောမြို့နယ် မီးသတ်တပ်ဖွဲ့က မောင်တောမြို့နယ်ရှိ ဆိုင်ခန်းတိုင်းတွင် မီးသတ်ဆေးဗူးများ မဖြစ်မနေတပ်ဆင်ထားရမည်ဟုဆိုကာ မီးသတ်ဂက်စ်ဗူးများကို အဆမတန်ဈေးနှုန်းဖြင့် လွန်ခဲ့သည့် ၁၀ ရက်ခန့်မှ စတင်၍ ရောင်းချလျက်ရှိပြီး ငွေကြေးမတတ်နိုင်၍ မ၀ယ်နိုင်ဟု ပြောဆိုသူများကို မီးသတ်တပ်ဖွဲ့ဝင်များက ဆူပူကြိမ်းမောင်းခြင်း၊ ပါးရိုက်ခြင်းများ ပြုလုပ်သည်။

ဒီဇင်ဘာလ (၂၆) ရက်နေ့ နေ့လည် ၂ နာရီခန့်အချိန်တွင် မောင်တောမြို့နယ် မီးသတ်ဦးစီးဌာနမှ ဦးစီးအရာရှိ ဦးထွန်းရွှေခိုင် ဦးဆောင်သည့် မီးသတ်တပ်ဖွဲ့ဝင်များသည် မြို့မတောင်ရပ်ကွက် သီရိမင်္ဂလာခန်းမ ရှေ့လိုင်းတန်းရှိ ဦးမူဆာ၏ ဆိုင်ကယ်ပြင်ဆိုင်သို့ ရောက်ရှိလာပြီး မီးသတ်ဂက်စ်ဗူးတစ်ဗူးကို ငွေကျပ် လေးသောင်းဖြင့် ၀ယ်ယူရန် ပြောဆိုခဲ့သည်။ ဆိုင်ရှင်ဖြစ်သူ ဦးမူဆာက ဆိုင်မှရရှိသော ၀င်ငွေဖြင့် မိသားစု စားဝတ်နေရေးအတွက် ဖြေရှင်းနေရကြောင်း၊ မီးသတ်ဂက်စ်ဗူး ၀ယ်ယူရန် ငွေမတတ်နိုင်ကြောင်း ကောင်းမွန်စွာ ပြောပြသော်လည်း မီးသတ်တပ်ဖွဲ့ဝင်များက ဆိုင်ထဲသို့ ၀င်ရောက်၍ ထိုင်ခုံများကို ခြေထောက်များဖြင့် ကန်ကျောက်ခြင်း၊ ဆူပူကြိမ်းမောင်းခြင်းများ ပြုလုပ်၍ မ၀ယ်မနေရဟု ဆိုကာ အတင်းအဓမ္မ ရောင်းချခဲ့ကြောင်း မြို့ခံတစ်ဦးက Rohingya Today သို့ပြောပါသည်။ 

အလားတူ ဆိုင်ကယ်ပြင်ဆိုင်မှ ဦးအစ္စမိုင်လ်ကိုလည်း ပါးရိုက်၍ အတင်းအဓမ္မ ရောင်းချခဲ့ကြောင်း အဆိုပါ မြို့ခံက ပြောပါသည်။ 

မီးသတ်တပ်ဖွဲ့က ငွေကျပ် လေးသောင်းမှ ငါးသောင်းဖြင့် အတင်းအဓမ္မ ရောင်းချ၍ တပ်ဆင်ခိုင်းနေသည့် 3KG မီးသတ်ဆေးဗူးတစ်ဗူး၏ ပြင်ပပေါက်ဈေးမှာ ငွေကျပ် ၁၆၀၀၀ မှ ၁၇၀၀၀ လောက်သာရှိသည်။ ဈေးဆိုင်ပိုင်ရှင်များက မိမိတို့၏ အစီအစဉ်ဖြင့် ပြင်ပဈေးကွက်မှ ၀ယ်ယူ၍ တပ်ဆင်မည်ဟု ပြောဆိုသော်လည်း မီးသတ်တပ်ဖွဲ့ဝင်များက အပြင်မှ ၀ယ်ယူ၍ တပ်ဆင်ခွင့် မရှိကြောင်း၊ ၎င်းတို့ထံမှ ၀ယ်ယူတပ်ဆင်ရမည်ဟု ပြောဆိုကာ ဈေးကြီးကြီးဖြင့် ၎င်းတို့ထံမှ အတင်းအဓမ္မ ၀ယ်ယူခိုင်းသည်ဟု ဈေးဆိုင်ပိုင်ရှင်များက ပြောပါသည်။

“ရခိုင်လူမျိုးတွေရဲ့ ဆိုင်တွေကို ရောင်းနေတာ မကြားမိဘူး။ ကျွန်တော်တို့ကိုကျတော့ တမင် အနိုင်ကျင့်နေတာ၊ ယခင် စစ်အစိုးရလက်ထက်က ပုံစံအတိုင်း အနိုင်ကျင့် ရက်စက်နေတုန်းပဲ။ မ၀ယ်ရင် ဖမ်းခံရမယ်ဆိုတာမျိုး ခြိမ်းခြောက်တာတွေ ရှိတယ်။ အရောင်းအ၀ယ်လည်း မကောင်းတဲ့ အချိန်ဆိုတော့ ပိုပြီး ဒုက္ခရောက်တယ်” ဟု ဈေးဆိုင်ရှင်တစ်ဦးက ပြောပါသည်။ 

Rohingya Today

29.12.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် သပိတ်တောင်ကျေးရွာအုပ်စုတွင် ဆွဲ၊တင်၊စစ် စစ်ဆေးရာ၌ ကျေးရွာအုပ်ချုပ်ရေးမှူးနှင့် စစ်ဆေးရေးအဖွဲ့တို့ ပူးပေါင်း၍ ငွေကြေး အဆမတန် ကောက်ခံမှုကြောင့် ရိုဟင်ဂျာများ အခက်အခဲ ကြုံတွေ့လျက်ရှိသည်။ 

ဘူးသီးတောင်မြို့နယ် တောင်ပိုင်း သပိတ်တောင်ကျေးရွာအုပ်စုတွင် နယ်ခြားစောင့်ရဲတပ်ဖွဲ့မှ စစ်ဆေးရေးအဖွဲ့တစ်ဖွဲ့သည် ဒီဇင်ဘာလ (၂၆) ရက်နေ့မှစ၍ ဆွဲ၊တင်၊စစ် စစ်ဆေးရာ၌ စစ်ဆေးရေးအဖွဲ့ အတွက် ထမင်းစရိတ်ဟုဆိုကာ အိမ်ထောင်စုတစ်စုလျှင် ငွေကျပ် ၂၅၀၀/-၊ ကလေးမွေးတိုးတစ်ဦးကို အိမ်ထောင်စုလူဦးရေစာရင်းတွင် တင်ပေးရန် အုပ်ချုပ်ရေးမှူး၏ ထောက်ခံချက်အတွက် ငွေကျပ် ၅၀၀၀/- မှ ၁၀၀၀၀/- အထိ၊ ကျန်းမာရေး ထောက်ခံချက်အတွက် ငွေကျပ် ၁၀၀၀/-၊ စစ်ဆေးရေးအဖွဲ့အတွက် ငွေကျပ် ၁၀၀၀၀/- မှ ၁၅၀၀၀/-၊  စုစုပေါင်း ငွေကျပ် ၃၀၀၀၀/- ၀န်းကျင်အထိ ကျေးရွာအုပ်ချုပ်ရေးမှူး ဦးမောင်သာကျော်နှင့်အဖွဲ့၊ နယ်ခြားစောင့်ရဲတပ်ဖွဲ့တို့က ပူးပေါင်း၍ ကောက်ခံနေကြောင်း ဒေသခံများက Rohingya Today သို့ပြောပါသည်။ 

အပြောင်းအရွှေ့များအတွက် ပြုလုပ်ပေးရာတွင်လည်း နှစ်ခုစလုံး တစ်အုပ်စုအတွင်းမှ အိမ်ထောင်စုစာရင်း ဖြစ်မှသာ ပြုလုပ်ပေးနေပြီး အိမ်ထောင်စုစာရင်းတစ်ခုမှ နောက်တစ်ခုသို့ ပြောင်းရွှေ့ပေးရန် အုပ်ချုပ်ရေးမှူး၏ ထောက်ခံချက်အတွက် ငွေကျပ် ၁၀၀၀၀/- မှ ၂၀၀၀၀/- အထိ၊ လက်ထပ်စာချုပ်အတွက် ငွေကျပ် ၄၀၀၀၀/- မှ ၆၀၀၀၀/- ကျပ်အထိ၊ စစ်ဆေးရေးအဖွဲ့အတွက် ငွေကျပ် ၂၀၀၀၀/- မှ ၃၀၀၀၀/- ကျပ်အထိ၊ စုစုပေါင်း ငွေကျပ် တစ်သိန်းခန့် ကောက်ခံနေကြောင်း ရွာသားတစ်ဦးက ပြောသည်။

Rohingya Today

28.12.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်၊ ဦးလှဖေကျေးရွာအုပ်စုမှ တဖက်နိုင်ငံသို့ ထွက်ပြေး ခိုလှုံနေသူများ၏ အိမ်ခြံဝင်းထဲရှိ သစ်ပင်ကြီးများကို တပ်ရင်း ၅၅၁ မှ လာရောက် ခုတ်လှဲလျက်ရှိသည်။

ဒီဇင်ဘာလ (၂၆) ရက်နေ့တွင် နယ်ခြားစောင့်ရဲ ၂၀ ဦးနှင့် လ.၀.က ၀န်ထမ်း ၇ ဦးတို့သည် ဘူးသီးတောင်မြို့နယ် မြောက်ပိုင်း မိကျောင်းဈေးကျေးရွာအုပ်စုသို့ ရောက်ရှိလာပြီး ဒေသခံရိုဟင်ဂျာများအား ဆွဲ၊တင်၊စစ် စစ်ဆေးမှုများ ပြုလုပ်ရာတွင် ကျေးရွာအုပ်ချုပ်ရေးအဖွဲ့က မွေးတိုးစာရင်းသွင်းရန်နှင့် အိမ်ထောင်စုစာရင်း တစ်ခုမှ နောက်တစ်ခုသို့ ပြောင်းရွှေ့ပေးရန် ထောက်ခံသည့်အမှုတွဲ ထုတ်ပေးရန် ငွေအလွန်အကျွံ ကောက်ခံကြောင်း ဒေသခံများက Rohingya Today သို့ပြောပါသည်။ 

မိကျောင်းဈေးကျေးရွာမှ ရွာသားမြောက်မြားစွာသည် ၂၀၁၇ ခုနှစ် သြဂုတ်လ ဖြစ်စဉ် နောက်ပိုင်းတွင် အသက်အန္တရာယ်မှ လွတ်မြောက်ရန်အတွက် တဖက်နိုင်ငံသို့ ထွက်ပြေးခိုလှုံရန် နေရပ်စွန့်ခွာသွားခဲ့ရာ ယခုအခါ အိမ်ထောင်စု ၁၉၁ စုသာ ကျန်ရှိနေတော့သည်။ 

စစ်ဆေးရေးအဖွဲ့သည် လူအတိုးအလျှော့ ပြုလုပ်ရန်မရှိသည့် မိသားစုများကို အခြားစာရွက်စာတမ်းများ မလိုအပ်ဘဲ စစ်ဆေးပေးပြီး မွေးတိုးစာရင်းတင်သွင်းခြင်း၊ အကျဉ်းထောင်မှ လွတ်လာသူများနှင့် အိမ်ထောင်စုစာရင်းတစ်ခုမှ နောက်တစ်ခုသို့ ပြောင်းရွှေ့ပေးခြင်းတို့ကို ကျေးရွာအုပ်ချုပ်ရေးမှူး၏ ထောက်ခံစာ ရမှသာ ဆောင်ရွက်ပေးသည်။

ငွေကောက်ခံနေသူသည် မိကျောင်းဈေးကျေးရွာအုပ်ချုပ်ရေးမှူးနှင့် အလွန်ရင်းနှီးသည့် ဆရာဦးမိုဟမ္မဒ်တွာဟဲရ် (ဘ) ဦးအဘူဆယိဒ် (အသက် ၄၅ နှစ်) ဖြစ်ပြီး မွေးတိုး ထောက်ခံသည့် အမှုတွဲတစ်တွဲလျှင် ငွေကျပ် ၁၅၀၀၀/- နှင့် အပြောင်းအရွှေ့ ပြုလုပ်ပေးရန် ထောက်ခံသည့်အမှုတွဲတစ်တွဲလျှင် ငွေကျပ် ၂၅၀၀၀/- မှ ၄၀၀၀၀/- အထိ ကောက်ခံပြီး ပုံစံများ ဖြည့်စွက်ခဆိုကာ ငွေကျပ် ၃၀၀၀/- မှ ၅၀၀၀/- အထိ ထပ်မံပေးရသည်။ 

ပုံစံများကို ကိုယ်တိုင် ဖြည့်စွက်ခွင့်မရှိဘဲ ဦးမိုဟမ္မဒ်တွာဟဲရ်၏ သားကသာ ဖြည့်စွက်ပေးရပြီး တစ်စောင်လျှင် ငွေကျပ် ၃၀၀၀/- မှ ၅၀၀၀/- အထိ ပေးရသည်။

“အုပ်ချုပ်ရေးမှူးက ငါတို့အရင်နှစ်ကလို စစ်ဆေးရေးအဖွဲ့အတွက် ထမင်းစရိတ်နှင့် ဓါတ်ပုံရိုက်ခ ၂၀၀၀/- ကျပ်စီ မကောက်တော့ဘူး။ ဒီနှစ် အခမဲ့စစ်ဆေးခံလို့ရမယ် ဆိုပြီးတော့ အခုက မွေးတိုး၊ အပြောင်းအရွှေ့တွေ အတွက် ဒီလောက် ငွေများများ ကောက်ခံနေတာက အခမဲ့လုပ်ပေးနေတာလား၊ ပြီးတော့ ၂၇ ဦးပါတဲ့ စစ်ဆေးရေးအဖွဲ့တစ်ဖွဲ့လုံးကို ထမင်းကျွေးနေတာ၊ အဲဒီစရိတ်ကိုလည်း ရွာသားတွေ သက်သာအောင် အလှူရှင်တစ်ဦးက ပေးသွားမယ်လို့ ကတိပေးထားဆိုပြီးလည်း သတင်းတွေ ကြားနေရတယ်” ဟု ရွာသားတစ်ဦးက ပြောပါသည်။

တပ်ရင်း ၃၅၂ က တပ်မင်းချောင်းရွာသား ကေဖားယဲသ်အုလ္လာ (ဘ) ဦးမိုဟမ္မဒ်တွာဟဲရ် (အသက် ၂၇ နှစ်) ထံမှ ငွေကျပ် ၁၈၀၀၀၀/- (တစ်သိန်းရှစ်သောင်းကျပ်) ယူ၍ ရိုဟင်ဂျာများပိုင်ဆိုင်သည့် လယ်မြေဧက ၂၀ ခန့်ရှိသည့် နေရာတွင် တစ်ဦးတည်း ရေလောင်းခွင့်ပေးထားပြီး၊ စိုက်ပျိုးသူများက အခြားပုံမှန်ဈေးနှုန်းဖြင့် ရေလောင်းပေးသည့် စက်များဖြင့် ရေလောင်းလျှင် ငွေညှစ်ခြင်းနှင့် စက်သိမ်းခြင်းများ ပြုလုပ်သည်။

တပ်မင်းချောင်းနှင့် ကပ်လျက်ရှိသည့် ကျောက်ဖြူတောင်ကျေးရွာအုပ်စုတွင် သာမာန်ရွာသားများက တစ်ဧကလျှင် ငွေကျပ် ၈၀၀၀/- မှ ၁၀၀၀၀/- ခန့်စီယူ၍ စက်ဖြင့် ရေလောင်းပေးလျက်ရှိသည်။

ထို့အပြင် တပ်ရင်း ၃၅၂ က ချောင်းမှ ရေသွယ်ယူသုံးစွဲခွင့်ဟုဆိုကာ (သွယ်ယူခြင်းရှိသည် ဖြစ်စေ၊ မရှိသည်ဖြစ်စေ) ရိုဟင်ဂျာပိုင် လယ်မြေများတွင် အာလူစိုက်ပျိုးသူများထံမှ နှစ်စဉ်တစ်ရာသီအတွက် အာလူး ၁၁၄ ပိဿာစီ ကောက်ခံလေ့ရှိပြီး ယခုနှစ်တွင်လည်း ကောက်ခံသွားမည်ဟု လွန်ခဲ့သည့် ၁၀ ရက်ခန့်က တပ်ရင်းမှ ရုံးစာရေး ဦးကျော်ဆွေလင်းက ဒေသခံများကို အသိပေးခဲ့သည်။

တပ်ပိုင်လယ်မြေများ ငှားရမ်းစိုက်ပျိုးသူများအနေဖြင့် တစ်ရာသီလျှင် တစ်ဧက ငှားရမ်းခ၊ ရေလောင်းခနှင့် ချောင်းမှ ရေသွယ်ယူသုံးစွဲခွင့် အပါအ၀င် စုစုပေါင်း အာလူး ၆၈၄ ပိဿာစီ ပေးရသည်။

“အာလူးစိုက်ခင်းတွေမှာ တစ်ရာသီလုံးအတွက် နှစ်ကြိမ်၊ သုံးကြိမ်လောက်ပဲ ရေလောင်းရတယ်၊ အခုလို တစ်ကြိမ်အတွက် တစ်ဧကကို ရေလောင်းခ နှစ်သောင်းစီပေးရတယ်၊ နှစ်ဆထက်မက အပိုဆိုရင်လည်း ပေးကိုပေးရတယ်။ ရာသီကုန်ရင်လည်း ဘာမှ အဓိပ္ပာယ်မရှိတဲ့ ချောင်းမှ ရေသွယ်ယူသုံးခွင့်ဆိုပြီး အာလူး ၅ မောင်း (၁၁၄ ပိဿာ) စီပေးရတော့ အခုလို မရပ်မနား အားစိုက် စိုက်ပျိုးပြီး နောက်ဆုံးမှာ အကျိုးအမြတ်မရဘဲ ပင်ပန်းခံရတာပဲ အဖတ်တင်တယ်” တပ်မင်းချောင်းမှ ရွာသားတစ်ဦး ပြောပါသည်။

တပ်မင်းချောင်းရွာမှ အာလူးစိုက်ခင်း

မောင်ဝံ့သ

Rohingya Today

26.12.2018

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် မဟာဓါတ်အားလိုင်း စီမံကိန်းဖြင့် ၂၄ နာရီ မီးရရှိစေရန် အကောင်အထည်ဖော်လျက်ရှိသော်လည်း မီတာရရှိရေးအတွက် ငွေကြေး မြောက်မြားစွာ ကုန်ကျလျက်ရှိသည်။ 

မောင်တောမြို့နယ်တွင် မဟာဓါတ်အားလိုင်း စီမံကိန်းဖြင့် ၂၄ နာရီ မီးရရှိစေရန် ဓါတ်တိုင်များ စိုက်ထူလျက်ရှိရာ ယခင်ရှိခဲ့သည့် ဓါတ်တိုင်မှာ ကိုက် ၁၀၀ အကွာအဝေးရှိ မီတာဘောက် ပိုင်ရှင်က ဓါတ်တိုင် အသစ်စိုက်ထူရန်အတွက် ငွေကျပ် ၅ သိန်း ပေးရကြောင်း ဒေသခံများက Rohingya Today သို့ ပြောပါသည်။ 

“မြို့မတောင်ရပ်ကွက် ဥက္ကဌဟောင်း ဦးဘော်ရှော်ရ်တို့ရဲ့ ၀န်းကျင်မှာ ဓါတ်တိုင် ၅ တိုင်အတွက် ၂၅ သိန်း၊ ဖေဇီရွာ အနောက်တောင်ဘက် ၀န်းကျင်ကနေ ငွေကျပ် သိန်း ၆၀ ကောက်ပြီးပြီ။ အခြားရပ်ကွက်တွေမှာလည်း အလားတူ ကောက်နေတုန်းပဲ” ဟု မြို့ခံတစ်ဦးက ပြောသည်။ 

ပြည်ထောင်စုအစိုးရ၏ ဘတ်ဂျက်ဖြင့် အကောင်အထည်ဖော်နေသော စီမံကိန်းတွင် အောက်ခြေ၀န်ထမ်းများက ဓါတ်တိုင်စိုက်ထူရန် ငွေကောက်ခံ၍ ငွေရှာနေခြင်းဖြစ်သည်ဟု ဒေသခံများက ဝေဖန်ပြောဆိုနေကြသည်။ 

မီတာဘောက်များကို အစိုးရဈေးနှုန်း ငွေကျပ် ၇၅၀၀၀/- (ခုနှစ်သောင်းငါးထောင်ကျပ်) သတ်မှတ်ထားသော်လည်း ငွေကျပ် ငါးသောင်း လာဘ်ငွေပေးနိုင်သူများကိုသာ ရွေးချယ်၍ တပ်ဆင်ပေးလျက်ရှိပြီး၊ သာမာန်လျှောက်ထားသူများကို ယခုအချိန် တပ်ဆင်ပေးခြင်း မရှိသေးကြောင်း သိရသည်။

မီတာဘောက် တပ်ဆင်ရာတွင် တပ်ဆင်ခ ငွေကျပ် ၂၅၀၀၀/-၊ ရုံးအတွက် ရန်ပုံငွေ တစ်သောင်းကျပ်၊ မီတာဘောက် အခွံအတွက် ငွေကျပ် ၂၅၀၀၀/- တို့အပြင် ၀ါယာကြိုးများကိုလည်း ပြင်ပပေါက်ဈေးထက် ဈေးပိုပေး၍ ၀ယ်ယူနေရသည်ဟု ဒေသခံများက ပြောပါသည်။ 

“နိုင်ငံတော်အစိုးရက ၂၄ နာရီ လျှပ်စစ်မီးရရှိရေးအတွက် စီမံချက်နဲ့ အကောင်အထည်ဖော်နေတာကို အောက်ခြေ၀န်ထမ်းတွေက အခွင့်ကောင်းယူပြီး မတရားသဖြင့် ငွေရှာနေတယ်။ ဒါမျိုးတွေကို အစိုးရက ထိထိရောက်ရောက် အရေးယူပေးဖို့ ဒေသခံတွေ အားလုံးကိုယ်စား တောင်းဆိုပါတယ်” ဟု မြို့ခံ နောက်တစ်ဦးက ပြောသည်။ 

မောင်ဝံ့သ

Rohingya Today

25.12.2018

မောင်တော ။ ။ ရခိုင်ပြည်နယ်၊ မောင်တောမြို့နယ်၊ မြို့မအရှေ့ရပ်ကွက် ဗဟိုကျောင်းတိုက်တောင်ဘက်တွင် တည်ရှိသော အသိုင်းအ၀ိုင်းနှစ်ခုကြား တည်ငြိမ်အေးချမ်းမှု ပျက်ပြားအောင် ဒေသခံရခိုင်မိသားစုတစ်စုက ရည်ရွယ်ချက်ရှိရှိဖြင့် လုပ်ဆောင်လျက်ရှိသည်။

မောင်တောမြို့နယ်၊ မြို့မအရှေ့ရပ်ကွက် ဗဟိုကျောင်းတိုက် တောင်ဘက်တွင် တည်ရှိသော ရခိုင်ရွာသည် ရိုဟင်ဂျာရွာနှင့် ကပ်လျက် တည်ရှိပြီး၊ ယင်းရွာမှ ကြက်ရောင်းဝယ်ရေးလုပ်ငန်း လုပ်ကိုင်သူ ဦးမောင်ဖြူနှင့် ၎င်း၏ သားဖြစ်သူတို့သည် ၂၀၁၂ ခုနှစ် ပဋိပက္ခကာလတွင် အနီးတစ်ဝိုက်ရှိ ရိုဟင်ဂျာနေအိမမ်များကို မီးရှို့ခြင်း၊ လုယက်ခြင်းများကို အဓိက လုပ်ဆောင်ခဲ့သူတစ်ဦးလည်း ဖြစ်သည်။ 

၂၀၁၂ ခုနှစ် ပဋိပက္ခကာလအတွင်းတွင် ရခိုင်အိမ်များနှင့် ကပ်လျက်ရှိသည့် ရိုဟင်ဂျာများသည် ရိုဟင်ဂျာရွာများသို့ ထွက်ပြေး၍ ယာယီခိုလှုံခဲ့သည်။ ထိုကာလအတွင်းတွင် ဦးမောင်ဖြူသည် ၎င်း၏ အိမ်နှင့် ကပ်လျက်ရှိသည့် ဦးအဘူယျာ (အသက် ၂၇ နှစ်) ၏ အိမ်ခြံဝင်းအတွင်းသို့ အတင်းအဓမ္မ ၀င်ရောက်၍ အိမ်ဆောက် နေထိုင်ခဲ့သည်။ အိမ်ရှင်ဖြစ်သူက အကြိမ်ကြိမ် ကန့်ကွက်ခဲ့သော်လည်း အမျိုးမျိုး ခြိမ်းခြောက်နေသောကြောင့် ၆ နှစ်ကျော်ကြာသွားသော်လည်း ယခုအချိန်ထိ ၀င်ရောက်၍ နေထိုင်နိုင်ခြင်း မရှိသေးကြောင်း ရွာသားတစ်ဦးက Rohingya Today သို့ပြောပါသည်။ 

ဦးမောင်ဖြူ၏ မျက်နှာချင်းဆိုင်ဘက်ခြမ်းတွင် ရှိသည့် မော်လ၀ီဟိုင်ဘီအုလ္လာ (အသက် ၅၄ နှစ်) ၏ အိမ်ခြံရှိပြီး၊ ယင်းခြံဝင်းကို မော်လ၀ီဟိုင်ဘီအုလ္လာက ၂၀၁၂ ခုနှစ်မှစ၍ ခြံစည်းရိုးကာနိုင်ခဲ့ခြင်း မရှိသောကြောင့် ယခုနှစ် နိုဝင်ဘာလ (၂၃) ရက်နေ့တွင် မြို့နယ်အုပ်ချုပ်ရေးမှူးရုံးသို့ ငွေကျပ် ၃၂၀၀၀၀/- (သုံးသိန်းနှစ်သောင်း) ပေး၍ ခြံစည်းရိုးကာရံရန် ခွင့်ပြုမိန့်ရယူခဲ့သည်။ နိုဝင်ဘာလ (၂၄) ရက်နေ့တွင် မော်လ၀ီဟိုင်ဘီအုလ္လာသည် အိမ်ခြံစည်းရိုးကာနေစဉ် ဦးမောင်ဖြူနှင့် သားများ ရောက်ရှိလာပြီး နည်းမျိုးစုံဖြင့် ခြိမ်းခြောက်၍ ခြံစည်းရိုးကာရံခွင့် မပေးခဲ့ကြောင်း ဒေသခံများက ပြောပါသည်။ 

ရခိုင်ရွာနှင့် ရိုဟင်ဂျာရွာတို့ ကပ်လျက်ရှိသော်လည်း မိသားစုများသဖွယ် ရင်းနှီးခင်မင်စွာ နေထိုင်နေသည့် ရွာများဖြစ်ကြပြီး၊ ဦးမောင်ဖြူနှင့် သားများ၏ လုပ်ရပ်များသည် အသိုင်းအ၀ိုင်းနှစ်ခုကြား တည်ငြိမ်မှု ပျက်ပြားအောင် တမင်ရည်ရွယ်ချက်ရှိရှိဖြင့် လုပ်ဆောင်နေခြင်း ဖြစ်သည်ဟု ဒေသခံများကဆိုသည်။ 

မောင်တောမြို့နယ် မြောက်ပိုင်း အထက်ပြူးမကျေးရွာအုပ်စုတွင် ဒီဇင်ဘာလ (၁၇) ရက်နေ့ တစ်ရက်အတွက် တိုက်ခိုက်မှုနှစ်ခု ဖြစ်ပွားခဲ့ပြီး မာရမာကြီး နှစ်ဦး ဒဏ်ရာများဖြင့် ထွက်ပြေးလွတ်မြောက်နိုင်ခဲ့သော်လည်း ရခိုင်လူမျိုး နှစ်ဦး ပျောက်ဆုံးသွားခဲ့ပြီး နောက်ပိုင်းတွင် ၎င်းတို့၏ ရုပ်အလောင်းများ တွေ့ရှိခဲ့သည်။ 

တိုက်ခိုက်မှု ဖြစ်ပွားခဲ့သည့် နေရာ၏ အနီးအနားတွင် ရခိုင်ကျေးရွာများသာရှိကြပြီး ရိုဟင်ဂျာကျေးရွာများ မရှိသော်လည်း အခင်းဖြစ်ရာနှင့် ၈ မိုင်ခန့် ကွာဝေးသည့် ရေတွင်းပြင်ကျေးရွာမှ ရိုဟင်ဂျာများက ပြုလုပ်ခဲ့သည်ဟု မဟုတ်မမှန် စွပ်စွဲပြောဆိုကာ လောင်းဒုံမှ ကျောင်းဆရာမတစ်ဦး၏ ခင်ပွန်းက ဦးဆောင်၍ ပြူးမ၊ ငါးခူရ၊ ကံပြင်၊ ငါးခူရရွာသစ်၊ ကြိမ်ချောင်း၊ လောင်းဒုံ၊ မင်းကြီး စသည့်အနီးအနားရှိ ရခိုင်ကျေးရွာများမှ ရခိုင်ရွာသားများကို စည်းရုံး၍ ရာနှင့်ချီရှိသည့် ရခိုင်လူမျိုးအုပ်စုတစ်စုက ဒီဇင်ဘာလ (၁၈) ရက်နေ့ နေ့လည် ၃း၃၀ နာရီခန့်အချိန်တွင် ရေတွင်းပြင်ကျေးရွာအုပ်စုရှိ ရိုဟင်ဂျာများကို တိုက်ခိုက်ရန် လာနေစဉ် ဇီးပင်ချောင်းရှိ နယ်ခြားစောင့်ရဲတပ်ဖွဲ့ နယ်မြေစခန်းမှ ခွင့်မပြုခဲ့သဖြင့် လှည့်ပြန်သွားခဲ့ရသည်။ 

ဒီဇင်ဘာလ (၁၉) ရက်နေ့တွင် တပ်မတော်ကာကွယ်ရေးဦးစီးချုပ်ရုံးက အထက်ပြူးမရွာတွင် ဒေသခံ ၄ ဦး တိုက်ခိုက်ခံရပြီးနောက် လုံခြုံရေးတပ်ဖွဲ့ဝင်များက နယ်မြေရှင်းလင်းရေး လုပ်နေသည်ဟု သတင်းထုတ်ပြန်ခဲ့သည်။ ဒီဇင်ဘာလ (၂၀) ရက်နေ့ မွန်းလွှဲ ၁ နာရီခန့်အချိန်တွင် နယ်ခြားစောင့်ရဲတပ်ဖွဲ့နှင့် စစ်တပ် အင်အား ၁၅၀ ၀န်းကျင် ရေတွင်းပြင်ကျေးရွာသို့ ရောက်ရှိလာပြီး ရွာကို ၀န်းရံကာ အသက် ၃၀ နှစ်ခန့် အရွယ် ငွေကြေး ချမ်းသာသည့် ဦးမိုဟာမတ်အလီ၏ နေအိမ်ကို ပစ်မှတ်ထား၍ စစ်ဆေးခဲ့သည်။ စစ်ဆေးသူများက ဦးမိုဟာမတ်အလီကို မတွေ့သဖြင့် အိမ်တွင် ရှာဖွေတွေ့ရှိသည့် ရွှေ၊ ငွေများနှင့်အတူ ၎င်း၏ ဇနီး၊ သားနှစ်ဦးနှင့် ဇနီး၏ မောင်ဖြစ်သူ လေးဦးကို ဖမ်းဆီးခေါ်ဆောင်သွားခဲ့သည်။ 

မောင်တောမြို့နယ် မြောက်ပိုင်းတွင် ရိုဟင်ဂျာကျေးရွာ မြောက်မြားစွာရှိခဲ့သော်လည်း ယခုအခါ ဆယ်ဂဏန်းခန့် ရွာများတွင် ရိုဟင်ဂျာအနည်းငယ်စီ ကျန်ရှိနေပြီး၊ ကျေးရွာအများစုမှ ဒေသခံရိုဟင်ဂျာများကို ၂၀၁၆ ခုနှစ် အောက်တိုဘာလနှင့် ၂၀၁၇ ခုနှစ် သြဂုတ်လ ဖြစ်စဉ်များ နောက်ပိုင်း မြန်မာစစ်တပ် အင်အား အလွန်အကျွံသုံး၍ သတ်ဖြတ်ခြင်း၊ မုဒိမ်းကျင့်ခြင်းများကြောင့် ခုနှစ်သိန်းခွဲခန့် ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေကြရသည်။ 

ယခုအခါ ရေတွင်းပြင်ရွာ၏ အနီးအနားရှိ ရခိုင်ကျေးရွာများမှ ရခိုင်ရွာသားများက “ရေတွင်းပြင်ရွာသားတွေကို တွေ့ရင် သတ်ပစ်ရမယ်” ဟု အချင်းချင်းကြား ပြောဆိုမှုများ ရှိနေသောကြောင့် လုံခြုံရေးတပ်ဖွဲ့ဝင် အချို့က ၎င်းတို့နှင့် ရင်းနှီးကျွမ်းဝင်သည့် ရိုဟင်ဂျာများကို သတိဝီရိယနှင့် နေရန် ပြောဆိုသတိပေးထားသည်။ 

“အခုလို ကြားနေရတာတွေကြောင့် ကျွန်တော်တို့ ရွာအပြင် မထွက်နိုင်တော့ဘူး။ ကျန်းမာရေးပိုင်းမှာ ကိုယ်ဝန်ဆောင်တွေ မီးဖွားဖို့၊ ဆေးခန်းပုံမှန် ပြရမယ့်သူတွေ မပြနိုင်တာ စတာတွေနဲ့ စားသောက်ဖို့ ဈေးဝယ်တာတွေပါ တော်တော်လေး အခက်အခဲ ဖြစ်နေတယ်။ ရွာထဲကနေ ရွာပြင်မထွက်နိုင်တော့ဘူးဆိုရင် အခက်အခဲတွေကတော့ ပြောလို့မကုန်အောင် ကြုံတွေ့ရတယ်” ဟု ရေတွင်းပြင်ရွာသားတစ်ဦးက Rohingya Today သို့ပြောပါသည်။ 

မောင်တောမြို့နယ် မြောက်ပိုင်း ရေတွင်းပြင်ရွာမှ မြို့ပေါ်သို့သွားရန် ပြူးမ၊ ငါးခူရ၊ လောင်းဒုံ၊ ဖားဝပ်ချောင်း၊ အောင်မင်္ဂလာ၊ မောင်နှမ၊ သီဟိုဠ်ကျွန်း စသည့် ရခိုင်ရွာများကို ဖြတ်သန်း၍ သွားရသည်။

ဘူးသီးတောင်မြို့နယ် ကင်းတောင်ကျေးရွာအုပ်စုမှ ၀ါးလုပ်ငန်းရှင် ဦးဖိုးခင် (ဘ) ဦးအီလီယာစ် (အသက် ၄၅ နှစ်) သည် တပ်ရင်း ၅၅၁ ၏ လက်ကိုင်တုတ်ဖြစ်ပြီး၊ ဒီဇင်ဘာလ (၂၃) ရက်နေ့က ၀ါးခုတ်သမား ခေါင်းဆောင် ဦးမိုဟမ္မဒ်အာမီးန် (ဘ) ဦးဟာဖီးဇ်အဟ်မဒ် (အသက် ၃၀ နှစ်) နှင့် ပူးပေါင်း၍ လုပ်ငန်းလုပ်နေသည့် ၀ါးလုပ်ငန်းရှင် ဦးရော်ဖိတ် (ဘ) ဦးအာမီရ်အလီ (အသက် ၃၀ နှစ်) ကို ခေါ်ဆောင်၍ တပ်ရင်းမှူးအမည်ကို အသုံးပြုကာ ၎င်းကဲ့သို့ ၀ါးရောင်းကိုယ်စားလှယ် လစဉ်ကြေး သွင်းရမည်၊ မသွင်းပါက အရေးယူခံရမည်ဟု ခြိမ်းခြောက်၍ ငွေကျပ် နှစ်သိန်း ညှစ်ယူခဲ့ကြောင်း ဒေသခံများက Rohingya Today သို့ပြောပါသည်။

ထို့အပြင် တပ်ရင်း ၅၅၁ မှ ဒုတပ်ကြပ်ဝင်းလှသည် ၎င်း၏ အခြားလက်ကိုင်တုတ်များ ဖြစ်ကြသည့် ဖုံညိုလိပ်ကျေးရွာအုပ်စုမှ အီမာန်ဟူစိန်း (ဘ) ဦးအာယုဘ်အလီနှင့် နူရ်အာလောမ် (ဘ) ဦးရရှိဒ်အဟ်မဒ် တို့နှင့် ပူးပေါင်း၍ ဖရုံချောင်းကျေးရွာအုပ်စု၊ ဒိုးတန်းကျေးရွာမှ လက်ခွဲသစ်ရောင်းချသူ ဦးအစ္စမိုင်လ် (ဘ) ဦးနော်ဇူမျာ (အသက် ၃၀ နှစ်) ကို ခြိမ်းခြောက်၍ ငွေကျပ် တစ်သိန်း ညှစ်ယူခဲ့သည်။ 

ဦးဖိုးခင် ဆိုသူသည် ၀ါးလုပ်ငန်းရှင် တစ်ဦးဖြစ်ပြီး နေ့စဉ်ဆိုသလို အခြားဝါးရောင်းချသူများကို အမျိုးမျိုး စွပ်စွဲခြင်း၊ ဆဲဆိုခြင်း၊ နည်းအမျိုးမျိုးဖြင့် ခြိမ်းခြောက်၍ ငွေညှစ်လျက်ရှိသည်။