အမှန်ကိုချစ်ပါ - အပိုင်း (၆)

ဌေးလွင်ဦး
RB News
5.8.2012

တိုင်းရင်းသား = ခွဲထွက်ခွင့်ရှိသူများ လို့ အဓိပ္ပါယ်ကို မပေးပါ။

ကမ္ဘာ့နိုင်ငံတိုင်းမှာ နိုင်ငံသား citizen တိုင်းရင်းသား Ehinic မူလဘူတ လူမျိုး Native ဆိုပြီး ခွဲခြား သတ် မှတ်ထားပါတယ်။ နိုင်ငံသား တစ်ဦးဟာ မိမိရဲ့ နိုင်ငံအတွင်းမှာ အခြားနိုင်ငံသားတိုင်း ခံစားရမယ့် အခွင့် အရေးများကို အပြည့်အ၀ ရရှိရပါမယ်။

တိုင်းရင်းသား ဆိုတာက ယဉ်ကျေးမှု ဓလေ့ရိုးရာနဲ့ အခြေခံဘုံတူညီချက် ရှိတဲ့ လူမျိုးနွယ်စုတစ်ခုကို သတ်မှတ် ခေါ်ဆိုပါတယ်။ တိုင်းရင်းသားတိုင်းက နိုင်ငံသား မဟုတ်ပါ။ ဥပမာ အီကော လူမျိုးစု ဆိုရင် မြန်မာ၊ ထိုင်း၊ လာအို၊ ဗီယက်နာမ်တို့မှာ တည်ရှိနေပါတယ်။ မြန်မာနိုင်ငံအတွင်းမှာ ရှိနေတဲ့ အီကော လူမျိုးတစ်ဦးဟာ မြန်မာ နိုင်ငံသား အခွင့်အရေးကို အပြည့်အ၀ ရရှိရပါမယ်။ အဲ့ဒီ အခွင့်အရေးနဲ့ တန်းတူ ထိုင်းနိုင်ငံသား အီကော လူမျိုး တစ်ဦးအနေနဲ့ ရရှိစေဘို့ မဖြစ်နိုင်ပါ။

တိုင်းရင်းသား ဆိုတဲ့ အဓိပ္ပါယ်နဲ့ ရပိုင်ခွင့်ကို မြန်မာအစိုးရ အဆက်ဆက် ဥပဒေ တိကျစွာ ပြဌာန်းပေးခြင်း မရှိ သေးပါ။ နိုင်ငံတစ်ကာမှာတော့ တိုင်းရင်းသားတို့ရဲ့ ရပိုင်ခွင့်က သက်ဆိုင်ရာ တိုင်းရင်းသားတို့ရဲ့ ဒေသနဲ့ အခြေခံ လူမျိုးများ ဖွံ့ဖြိုးရေး စီမံချက်တွေ အလျှောက် ရပိုင်ခွင့်တွေကို ပြဌာန်းပေးထားပါတယ်။ အိန္ဒိယနိုင်ငံကို ဥပမာ ပေးလိုပါတယ်။ ပညာရေး စနစ် ဆိုပါတော့- ကျောင်းသား အားလုံးရဲ့ ရာနှုန်း ၃၀ ကို ဆယ်တန်း အအောင်ပေး မယ် ဆိုရင် အဲ့ဒီ အထဲမှာ တိုင်းရင်းသားက ၁၀ ရာနှုန်း ပါဝင်ရမယ်လို့ ပြဌာန်းပေးထားတယ်။ ဒီတော့ ဒေသ တစ်ခုမှာ လူ အယောက် ၅၀၀ ၀င်ဖြေမယ်၊ ဆိုရင် ဆယ်တန်း အောင်သူက အယောက် ၉၀ ဖြစ်စေမယ်၊ အဲ့ဒီ အယောက် ၉၀ ထဲမှာ တိုင်းရင်းသားက အလိုလို ၃၀ အောင်ပြီး ဖြစ်တယ်။ ၀င်ဖြေတဲ့ အယောက် ၅၀၀ ထဲမှာ တိုင်းရင်းသားက ၃၀ ပဲဝင်ဖြေရင်လည်း အဲ့ဒီ ၃၀ ကို အအောင်ပေးရပါမယ်။ ကျန်တဲ့ လူတွေထဲကိုသာ အမှတ် နဲ့ ၀င်ပြိုင်စေပါတယ်။

တစ်ကယ်လို့ ၀င်ဖြေတဲ့ အထဲမှာ တိုင်းရင်းသား အယောက် ၁၀၀ ဖြစ်တယ် ဆိုရင် ၃၀ က အလိုလို အောင်ပြီး သား ဖြစ်ပြီး ကျန်တဲ့ ၇၀ က အမှတ်နဲ့ ၀င်ပြိုင်တဲ့ စာရင်းထဲမှာ ပါဝင်သွားပါတယ်။

ဒီလိုပဲ တက္ကသိုလ် ပညာရေးစနစ်မှာလည်း တက္ကသိုလ်တစ်ခုက ကျောင်းသား ၁၀၀ လက်ခံမယ် ဆိုရင် ၃၀ က တိုင်းရင်းသား အဖြစ် သတ်မှတ်ပေးထားပါတယ်။ ဆေးတက္ကသိုလ်၊ အင်ဂျင်နီယာ တက္ကသိုလ် အားလုံးမှာ သင့်တော်တဲ့ ရာနှုန်းကို ပြဌာန်းပေးထာပါတယ်။- ဒီလိုနဲ့ တိုင်းရင်းသားတွေက ပညာရေးမှာ မြင့်မားလာပါတော့ တယ်။ ဒါတွေက ဥပမာ အဖြစ် ပြောပြတာပါ။

တိုင်းရင်းသား ဖြစ်လို့ ခွဲထွက်ခွင့်ရစေလို့ ပြဌာန်းထားချက် မည်သည့်နိုင်ငံမှာမှ မရှိပါ။

အခု မြန်မာနိုင်ငံမှာ- ရိုဟင်ဂျာ အရေး ပေါ်လာတော့-၊ တိုင်းရင်းသား၊ တိုင်းရင်းသား ဆိုပြီး မိမိကိုယ်မိမိ ကြွေး ကြော်သူတွေ များလာပြီး တိုင်းရင်းသား ဆိုတဲ့ အဓိပ္ပါယ်ကို ခံစားချက် လွဲမှားနေကြောင်း ရှင်းရှင်းလင်းလင်း တွေ့နေရပါတယ်။ ဒီနေရာမှာ မြန်မာအစိုးရဘက်က တိုင်းရင်းသား ဆိုတာ ဘာလဲ ဘယ်လို အခွင့်အရေး ရှိသလဲ ဆိုတဲ့ ပြဌာန်းချက်ကို တိတိကျကျ မပြဌာန်းသေးပေမယ့်- မြန်မာနိုင်ငံသားတို့ရဲ့ “တိုင်ရင်းသား” အပေါ် ထားတဲ့ သဘောထားက နှစ်မျိုးကွဲနေတာကို တွေ့နိုင်ပါတယ်။

မြန်မာအစိုးရဘက်က တိုင်းရင်းသား ဆိုတာ မဖွံ့ဖြိုးသေးတဲ့ တောတွင်းနေ လူမျိုးစု တစ်မျိုး အဖြစ် ခံစားထင် မှတ်ပြီး ကမ္ဘာ့လှည့်ခရီးသည်များကို ပြသဘို့ တိုင်းရင်းသား ကျေးရွာတွေ တည်ဆောက်- တိရိစ္ဆာန် ဥယဉ်ပုံစံ သဘောထားခဲ့တယ်။ ကမ္ဘာသူ ကမ္ဘာသားတွေ မမြင်ဘူးတဲ့ ရှေးရိုးလူရိုင်းတွေလိုလို၊ နှစ်ပေါင်းများစွာက ဒဏ္ဍာရီလာ လူထူးဆန်းတွေလိုလို ဇတ်သွင်းနေခဲ့တယ်။

တိုင်းရင်းသား ဖြစ်တယ်လို့ ထပြီး အော်ဟစ်နေတဲ့ တိုင်းရင်းသား ကိုယ်စားပြု ခေါင်းဆောင်တွေ ဘက်ကလည်း တိုင်းရင်းသား ဆိုတာ ခွဲထွက်လိုရင် ခွဲထွက်ခွင့်ရှိတဲ့ အဆင့် လူမျိုးလို့ ခံစားနေတယ်။ ဒီခံစားချက်များက “ရိုဟင်ဂျာ” ကို “ရိုဟင်ဂျာ”လို့ သတ်မှတ်ပေးလိုက်ပြီး တိုင်းရင်းသား ပေးလိုက်ရင် သူတို့က ခွဲထွက်လိမ့်မယ် ဆိုတဲ့ ပြောစကားများက ပေါ်ပေါ်လွင်လွင်ကြီး သက်သေပြနေပါတယ်။

တစ်ကယ်လို့ တိုင်းရင်းသား ဆိုတာ ခွဲထွက်ခွင့်ရ လူမျိုးမဟုတ်ဘူး၊ တိုင်းရင်းသား ဆိုတာက မြေနေရာဒေသ တစ်ခုမှာ နှစ်ပေါင်းများစွာကတည်းက အခြေချနေထိုင်လာတဲ့ လူမျိုးစု လို့သာ အဓိပ္ပါယ်ကို ဆောင်ပြီး-၊ မြို့ပြသားတို့က သူတို့အပေါ်မှာ မတော်မတရားမလွှမ်းမိုး ခေါင်းပုံ မဖြတ်ရလေအောင် တစ်စုံတစ်ရာသော ဥပဒေအားဖြင့် ကာကွယ်ပေးရမယ့် လူမျိုးစုသာ ဖြစ်ပါတယ်- လို့ နားလည်မှု ရှိနေရင် မည်သည့် ကျေးလက် ဒေ သရှိ မိရိုးဖလာ လုပ်ကိုင်စားသောက်နေတဲ့ လူမျိုးကို မဆို ပေးလိုက်လို့ နိုင်ငံတော်အတွက် နစ်နာသွားခြင်း မရှိ ဘူး။

တိုင်းရင်းသား ဆိုရင် ခွဲထွက်လိုက ခွဲထွက်နိုင်သူများလို့ ခံစားနေရင်တော့- နိုင်ငံတစ်ခု၊ ပြည်ထောင်စု တစ်ခုမှာ မည်သူ့ကိုမှ တိုင်းရင်းသား အဖြစ် သတ်မှတ်ပေးလို့ မရနိုင်ပါ- ဆိုတဲ့အချက်ကို တိုင်းချစ်ပြည်ချစ် နိုင်ငံရေး သမားတိုင်း ဆင်ခြင်သင့်ပါတယ်။

ဆက်လက်ဖေါ်ပြပါမည်။