မောင်တော ပန်းတောပြင် တံတား ကင်းစခန်းမှ နယ်ခြားစောင့်ရဲများက ရိုဟင်ဂျာများကို NVC မပါလျှင် ဖြတ်သန်းခွင့်မပေး

RB News

4.7.2018

မောင်တော ။ ။ ရခိုင်ပြည်နယ်၊ မောင်တောမြို့နယ်၊ ပန်းတောပြင် တံတားရှိ နယ်ခြားစောင့်ရဲတပ်ဖွဲ့ ကင်းစခန်းမှ နယ်ခြားစောင့်ရဲများက လမ်းသွားလမ်းလာ ရိုဟင်ဂျာများကို NVC မပါဘဲ ဂိတ်မှ ကျော်ဖြတ်ခွင့် မပေးတော့ကြောင်း သတင်းရရှိပါသည်။ 

မောင်တောမြို့နယ် ပန်းတောပြင် တံတားရှိ နယ်ခြားစောင့်ရဲတပ်ဖွဲ့ ကင်းစခန်းမှ နယ်ခြားစောင့်ရဲများက လွန်ခဲ့သည့် သုံးရက်မှ စ၍ လမ်းသွားလမ်းလာ ရိုဟင်ဂျာများကို NVC ရှိမှသာ ကျော်ဖြတ်ခွင့်ပေးပြီး၊ ယခုကဲ့သို့ ပြုလုပ်နေခြင်းမှာ ကွပ်ကဲရေးမှူး အမိန့်အရ လုပ်ဆောင်နေခြင်း ဖြစ်သည်ဟု နယ်ခြားစောင့်ရဲများက ပြောကြောင်း ဒေသခံတစ်ဦးက RB News သို့ပြောသည်

“NVC ရှိမှ ဂိတ်​​ကျော်​ခွင့်​​ပေးတာ။ NVC မရှိရင်​ ဖြတ်​​ကျော်​ခွင့်​ လုံးဝ မ​ပေးဘူး။ ကွပ်​ကဲ​ရေးမှူး အမိန့်​အရ လုပ်​​နေတာ ဖြစ်​တယ်​လို့ နယ်ခြားစောင့်ရဲတွေက ပြောတယ်” ဟု အဆိုပါ ဒေသခံက ပြောသည်။ 

မောင်​​တော ​တောင်​ပိုင်းတွင်​ ရိုဟင်​ဂျာများ​နေထိုင်​ခဲ့သည့်​ ​ကျေးရွာ​ပေါင်း ၂၅ ရွာ​ကျော်​ရှိခဲ့သည့်​အနက်​ ယခုအခါ ​ကျေးရွာ​ သုံးရွာတွင်​ လူအနည်းငယ်​စီသာ ရှိသည်​။ ကျန်​​ကျေးရွာများကို လွန်ခဲ့သည့်နှစ်က နယ်​​မြေရှင်းလင်း​ရေးခေါင်းစဉ်တပ်၍ အာဏာပိုင်​များက မီးရှို့​ခဲ့ခြင်းကြောင့် ဒေသခံရိုဟင်ဂျာအများစုသည် အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေး ခိုလှုံနေရသည်။

မောင်​​တော ​တောင်​ပိုင်း၌ ကျန်​ရှိ​နေသည့်​ ရိုဟင်​ဂျာ​ကျေးရွာများမှာ ပန်း​တောပြင်​၊ ​ညောင်​​ချောင်းနှင့်​ ဒု​ညောင်​ပင်​ကြီး ​ကျေးရွာများဖြစ်​ကြပြီး ယခုအခါ အဆိုပါ ​ကျေးရွာသားများသည်​ ၎င်းတို့၏ရွာများထဲတွင် ပိတ်​မိ​နေသကဲ့သို့ ဖြစ်​​နေသည်။

ပန်း​တောပြင်​​ကျေးရွာသည်​ ​မောင်​​တောမြို့နှင့်​ တစ်​မိုင်​ခန့်​သာ ​ဝေး​ပြီး ရွာသားအများစုသည်​ မြို့​ပေါ်တွင် အ​ရောင်းအဝယ်​ ပြုလုပ်​၍ အသက်​​မွေးဝမ်း​ကျောင်း ပြုနေသူများဖြစ်ကြသည်။ ယခုအခါ အဆိုပါ တံတားကင်းစခန်းမှ နယ်​ခြား​စောင့်​ရဲများက အသွားအလာ ကန့်​သတ်​လိုက်​မှု​ကြောင့်​ ​ကျေးရွာသားများ အလွန်​တရာ ဒုက္ခ​ရောက်​​နေသည်ဟု ​ဒေသခံတစ်​ဦးက ​ပြောပါသည်​။ 

“NVC ကိုင်​တာ မကိုင်​တာက ဒီနယ်​ခြား​စောင့်​ရဲ​တွေနဲ့ ဘာမှ​တော့ ဆိုင်​တာ မဟုတ်​ဘူး။ ဒါက လူ​တွေကို တမင်​သက်သက် ဒုက္ခ​ပေး​နေတာ။ ကျွန်တော်တို့က မြို့​ပေါ် အ​ရောင်းအဝယ်​ သွားလုပ်​​နေရသူ​တွေ ဖြစ်​​တယ်​။ အခုကျ သူတို့က သွားခွင့်​မ​ပေး​တော့ အ​တော်​​လေး ဒုက္ခ​ရောက်​​နေကြတာ​ပေါ့​ဗျာ။ ရွာထဲ ပိတ်​မိ​ထားသလို ဖြစ်​​နေတယ်​” ဟုဆိုသည်။

ထို့အပြင် မြို့ပေါ်သွား၍ ​ကျောင်းတက်​​နေရသည့်​ ​ကျောင်းသား​ကျောင်းသူများသည်​လည်း လမ်းတွင် လူအသွားအလာ နည်းပါး​နေမှု​ကြောင်း မြို့​ပေါ်သို့ မသွားမဝံ့ဖြစ်​​​နေ​ကြောင်း ​ကျောင်းသားမိဘ တစ်​ဦးက ပြောသည်။

“သာမန်​လူ​တွေကို အသွားအလာကန့်​သတ်​လိုက်​​တော့ လမ်းမှာက လူသူမရှိဘူး ဖြစ်​​နေတယ်​။ အဲ့​တော့ က​လေး​တွေက ဒီစခန်းကို ဖြတ်​ပြီး မသွားဝံ့ဘူး ဖြစ်နေတယ်။ ​ကြောက်​တာ​ပေါ့​ဗျာ။ က​လေး​တွေကို လိုက်​ပို့ဖို့ သွားတဲ့ မိဘ​တွေကို ဂိတ်​​ကျော်​ခွင့်​မ​ပေးဘူး​လေ” ဟု ၎င်းကဆိုသည်။

အဆိုပါ ကင်းစခန်းက နယ်​ခြား​စောင့်​ရဲများသည်​ ကင်းစခန်းကို ဖြတ်​​ကျော်​သွားလာသည့်​ CNG ယာဉ်​များမှ တစ်​ကြိမ်​လျှင်​ ​ငွေကျပ်​ငါးရာစီ၊ ​ယာဉ်​ကြီးဆိုလျှင်​ ​ငွေကျပ်​ ၁၀၀၀ စီ ကောက်​ခံ​နေ​သည့်​အပြင်​ ​မော်​တော်​ဆိုင်​ကယ်​ဖြင့်​ သွားသည့်​ လမ်းသွားလမ်းလာများကိုလည်း ဆိုင်​ကယ်​​ပေါ်က ဆင်းပြီး တွန်း၍သွားခိုင်း​နေ​ကြောင်း သိရှိရပါသည်​။ 

ပန်း​တောပြင်​ တံတားစခန်းမှ နယ်​ခြား​စောင့်​ရဲများ၏ ​ဒေသခံပြည်​သူများအ​ပေါ် မ​တော်​မတရား ပြုလုပ်​​နေ​သည်များကို တာဝန်​ရှိ ကွပ်​ကဲ​ရေးမှူးက ဟန့်​တားအ​ရေးယူ​ပေးရန် ​ဒေသခံများက လိုလား​နေကြသည်။