သြစတြေးလျနိုင်ငံမှ ရခိုင်ပြည်နယ်အတွက် ဒေါ်လာတစ်သန်း ကူညီမည်

သြစတြေးလျနိုင်ငံအနေဖြင့်မြန်မာနိုင်ငံ၏လူမျိုးရေးပဋိပက္ခကိုဘက်ပေါင်းစုံကိုငြိမ်းချမ်းစွာဖြေရှင်း၍အဖြေရှာရန်တောင်းဆိုကြောင်းဝန်ကြီးမစ္စတာကားမှပြောသည်။ 

ယခုအရေးပေါ်ထောက်ပံ့မည့်အစီအစဉ်တွင်အ၀တ်အထည်များ၊ ခြင်ဆေးများ၊ အိပ်ရာအသုံးအဆောင် များနှင့်ဆပ်ပြာများကို ဒုက္ခသည် ၁၄၀၀၀ အတွက်ထောက်ပံ့မည်ဖြစ်သည်။ မိသားစုများကိုလည်း စိုက်ပျိုးရေးလုပ်ငန်းများပြန်လည်လုပ်ကိုင်ရန်အတွက်မျိုးစေ့များ၊ ဓါတ်မြေသြဇာများကိုလည်းထောက်ပံ့မည် ဖြစ်သည်။ ငွေကြေးကို CARE Australia မှစီမံခန့်ခွဲမည်၍လူမျိုးမခွဲခြားဘဲဒုက္ခသည်ဖြစ်နေသူ များကိုကူညီထောက်ပံ့သွားမည်ဖြစ် ကြောင်းမစ္စတာကားကပြောသည်။

“ဒါကသြစတြေးလျတွေလုပ်တဲ့အလုပ်ပါ။ စစ်ပွဲတွေအပြီး၊ လူမျိုးရေးပဋိပက္ခအပြီးနဲ့သဘာဝဘေးအန္တရာယ် အပြီးမှထောက် ပံ့တာကူညီတာဖြစ်ပါတယ်” ဟုဝန်ကြီးကပြောသည်။ “ကျွန်တော်ကိုယ်တိုင်မြန်မာနိုင်ငံမြှာ ဖစ်ပွားနေတဲ့လူမျိုးရေးပဋိပက္ခ အတွက်သမ္မတသိန်းစိန်ကိုဇွန်လမှာတိုက်ရိုက်ပြောခဲ့တယ်။ ပြီးတော့ ကျွန်တော်တို့ရဲ့သံအမတ်ကြီးကိုလည်း မြန်မာအစိုးရကို ပြောဖို့ညွန်ကြားခဲ့တယ်” ဟု၎င်းကဆက် လက်ပြော သည်။

ရန်ကုန်မြို့တွင်ရှိသောသြစတြေးလျအစိုးရ၀န်ထမ်းများမှရခိုင်ပြည်နယ်တွင်ဖြစ်ပွားခဲ့သောအရေးအခင်းနှင့်ပတ်သက်၍ အမြဲတစေစောင့်ကြည့်လျက်ရှိသည်ဟုသိရသည်။ ယခုဒေါ်လာတစ်သန်းသည်အခြေခံလိုအပ် ချက်များ၊ အ၀တ်အထည် များနှင့်စောင်များအတွက်ဖြစ်ပြီး၊ ထပ်မံ၍ ဒေါ်လာ ၇.၇ သန်းကိုလည်း CARE Australia မှစီမံခန့်ခွဲ၍ မိသားစုများအတွက် စိုက်ပျိုးရေးလုပ်ငန်းများလုပ်ကိုင်ရန်အရင်းအနှီးများ၊ လိုအပ်သည့်ပစ္စည်းများကိုကူညီ၍ ပိုမိုကောင်းမွန်သောစိုက်ပျိုးရေးလုပ်ငန်းများရခိုင်ပြည်နယ်တွင်ဖြစ် ထွန်းအောင်လုပ်ဆောင်သွားမည်ဟုသိရသည်။

သြစတြေးလျနိုင်ငံမှလည်းနိုင်ငံတကာသို့ရခိုင်ပြည်နယ်တွင်အိုးမဲ့အိမ်မဲ့ဖြစ်သွားသည့်ဒုက္ခသည်များကိုကူညီရန်တိုက်တွန်း လိုက်ကြောင်းသတင်းရရှိပါသည်။