နောက်ဆုံးသတင်း/ဆောင်းပါးများ

‌ဓါးပြသဖွယ် စစ်သားများ နွားကျောင်းသည့် ကလေးများ ဖမ်း၍​ ငွေညှစ်


RB News 
27.4.2013

မောင်တော ။ ။ မောင်တော မြို့နယ် တောင်ပိုင်း မောရ၀တီ ကျေးရွာတွင် လုံခြုံရေး တာဝန်ယူ ထားသော စစ်တပ်မှ ဗိုလ်စိန်ဝင်း ဦးဆောင်သော အဖွဲ့သည် ကြာသပတေးနေ့ (ဧပြီလ ၂၅) နံနက် ၁၁ နာရီ ခန့်တွင် ချိန်ခါလီ ကျေးရွာတွင် နေထိုင်သော ဦးဆယာဒုလ္လာ (ဘ) ဦးဖဇာလ် ကရီးမ်၏ နေအိမ်သို့ ၀င်ရောက်ပြီး ဦးဆယာဒုလ္လာ အား ၎င်း၏ မိဘ များရှေ့တွင် လူမဆန်စွာ ရိုက်နှက် ခဲ့သည်။ 

ဦးဆယာဒုလ္လာ အား ဖမ်းဝရမ်း မပြဘဲ ၀ရမ်းပြေးဟု မဟုတ်မမှန် စွပ်စွဲ၍ ဖမ်းဆီး ခေါ်ဆောင် သွားရန် ကြိုး စား ခဲ့သည်။ ဦးဆယာဒုလ္လာမှ အချုပ်ခန်း ထဲတွင် ညှင်းပန်း နှိပ်စက် ခံရမည့် အရေးကို တွေးပြီး ဗိုလ်ကြီး စိန်ဝင်း တောင်းသော ငွေကျပ် ၁၆ သိန်း ပေးခဲ့ ရကြောင်း ဒေသခံ တစ်ဦးမှ RB News သို့ ပြောပါသည်။ 

ယင်းနေ့ တွင်ပင် ဗိုလ်ကြီးစိန်ဝင်း ဦးဆောင်သော အပေါင်း အပါ ၄ ဦးမှ သောင်းပညာ ကျေးရွာ အုပ်စု၊ ၀ါး ချ ကျေးရွာတွင် မိမိတို့၏ အိမ်မွေး နွားများ ကျောင်းနေသော ကလေးငယ် နှစ်ဦးကို နွားများကို နတလ ရွာတွင် ကျောင်းနေ သည်ဟု ပြောဆိုပြီး ဖမ်းဆီး ခေါ်ဆောင် သွားခဲ့သည်။ 

“ကလေးငယ် နှစ်ယောက်လုံးက နွားကျောင်း နေတာ နတလ ရွာနဲ့ နီးတယ်။ အဲဒါကို နတလ ရွာထဲ ကို နွား ကျောင်းနေတယ် ဆိုပြီး ဖမ်းသွားတယ်။ ကလေးတွေရဲ့ မိဘတွေက ဆင်းရဲလွန်း ပါတယ်။ ဒါပေ မယ့် ဖမ်းသွားတဲ့ ကလေးတွေ မတရား နှိပ်စက်ခံ ရမှာကို စိုးရိမ်ပြီး ကလေး နှစ်ယောက်လုံး အတွက် တစ်ယောက် ကို ၅ သောင်းစီ ငွေ တစ်သိန်း ပေးပြီး ညနေ ၅ နာရီ ပြန်ရွေး လာခဲ့ ရတယ်” ဟု ရွာသား တစ်ဦးမှ RB News သို့ ပြောပါသည်။ 

ဖမ်းဆီး ခံရသော ကလေးငယ် နှစ်ဦးမှာ -- 

(၁) မာမွတ်ခါန် (ဘ) ဦးခိုက်ရ် ဟူစိန်း (အသက် ၉ နှစ်) 
(၂) အေနာမ် (ဘ) ဦးလတိဖ် (အသက် ၁၀ နှစ်) -- တို့ ဖြစ်ပါသည်။ 

ရခိုင် ပြည်နယ် အ၀န်းရှိ နစက၊ စစ်တပ်နှင့် အာဏာပိုင် များသည် အစိုးရ ၀န်ထမ်း များနှင့် မတူဘဲ ဓါးပြများ ထက်ပင် ပို၍ ဆိုးရွား နေကြောင်း အဆိုပါ ရွာသားမှ ပြောသည်။

Comment ရေးရန်

Rohingya Exodus