ဘာသာရေး ဖိနှိပ်မှု ရပ်ရန် မြန်မာကို ဘန်ကီမွန်း တောင်းဆို
 |
| ရခိုင်ပြည် မြောက်ပိုင်းရှိ မွတ်စလင်များကို နိုင်ငံသားဖြစ်ခွင့် ပေးရန် ကမ္ဘာ့ကုလသမဂ္ဂ အတွင်းရေးမှူးချုပ်က တိုက်တွန်းခဲ့သည် (ဓာတ်ပုံ – ဂျေပိုင် / ဧရာဝတီ) |
ဧရာဝတီ
11.7.2013
11.7.2013
မြန်မာ နိုင်ငံသည် အများ အမြင်တွင် ယုံကြည် လေးစား ခံရသည့် နိုင်ငံ တခု ဖြစ်ချင် ပါက ဗုဒ္ဓ ဘာသာဝင် များက လူနည်းစု မူဆလင် များအပေါ် ဖိနှိပ် တိုက်ခိုက် နေမှု များကို ရပ်တန့် ပစ်ရမည်ဟု ကမ္ဘာ့ ကုလ သမဂ္ဂ အတွင်းရေး မှူးချုပ်က သတိပေး ပြောဆို လိုက်သည်။
“မြန်မာ အာဏာ ပိုင်တွေ ဖက်ကနေ ရိုဟင်ဂျာ မွတ်စလင် တွေရဲ့ နိုင်ငံသား ဖြစ်ခွင့် တောင်းဆို မှုတွေ အ ပါ အ၀င် လူနည်းစု အသိုင်း အ၀ိုင်းရဲ့တရားဝင် မှုကို အသိ အမှတ် ပြုပေးဖို့ လိုအပ် တာတွေ ဆောင် ရွက် သွားနိုင်ဖို့ အရေးကြီး ပါတယ်” ဟု မစ္စတာ ဘန်ကီမွန်းက ဗုဒ္ဓဟူးနေ့တွင် ပြောကြား လိုက်သည်။
ဗုဒ္ဓဟူးနေ့ ညနေက ကျင်းပ ခဲ့သည့် သြစတြေးလျ၊ တရုတ်၊ ပြင်သစ်၊ အိန္ဒိယ၊ အင်ဒိုနီးရှား၊ ဂျပန်၊ နော်ဝေ၊ ရုရှား၊ စင်္ကာပူ၊ ထိုင်း၊ ဗြိတိန်၊ အမေရိကန်၊ ဗီယက်နမ် နှင့် ဥရောပ သမဂ္ဂ၏ လက်ရှိ ဥက္ကဌ တာဝန်ယူ ထား သည့် လစ်သူ ယေးနီးယား နိုင်ငံ များမှ သံအမတ် ကြီးများ တက်ရောက် ကြသည့် “မြန်မာ့ မိတ်ဆွေ များ အဖွဲ့” ၏ အစည်း အဝေးတွင် မစ္စတာ ဘန်ကီမွန်းက “အန္တရာယ် ကြီးသော သွေးကွဲမှု”ကို ခိုင်ခိုင် မာမာ ဖြင့် အရေးပေါ် မကိုင်တွယ် ခဲ့လျှင် “ရှိပြီးသား တင်းမာမှု များဟာ ပေါက်ကွဲ ထွက်လာဖို့ လှုံ့ဆော် လာနိုင် တယ်၊ ဒါဟာ ပြုပြင် ပြောင်းလဲ ရေးကို ဖျက်ဆီး ပစ်လိမ့်မယ်၊ မလိုလား အပ်တဲ့ ဒေသတွင်း လက် တုံ့ ပြန် မှုတွေ ကိုလည်း ပေါ်ပေါက် စေနိုင်တယ်”ဟု ပြောဆို ခဲ့သည်။
ယင်းမိန့်ခွန်း သည် သေချာ ပြင်ဆင် ဖတ်ကြားခြင်း ဖြစ်ပြီး မြန်မာပြည် ပြုပြင် ပြောင်းလဲ ရေးများ စတင် ပြီး နောက် ပိုင်း အပြင်း ထန်ဆုံး သုံးနှုန်း ဝေဖန် ခဲ့ခြင်း ဖြစ်သည်။
၁၉၈၂ ခုနှစ် မြန်မာ နိုင်ငံ နိုင်ငံသား ဥပဒေသည် လူဦးရေ ၈ သိန်းခန့် ရှိမည့် “ရိုဟင်ဂျာ”ဟု ၎င်းတို့ ကိုယ်ကို ခေါ်ဆိုသော ရခိုင်ပြည် မြောက်ပိုင်းရှိ မွတ်စလင် များကို နိုင်ငံသား ဖြစ်ခွင့် ကန့်သတ် ထားသည်။ လွန်ခဲ့သော နှစ်က ဖြစ်ပွား ခဲ့သည့် ဆူပူမှု အဓိကရုဏ်း များကြောင့် လူပေါင်း ရာနှင့်ချီ သေဆုံး ခဲ့ပြီး တစ်သိန်း လေးသောင်း ခန့် အိုးမဲ့ အိမ်မဲ့ ဖြစ်ခဲ့ ရသည်။
မြန်မာ နိုင်ငံသည် စစ်တပ်က အာဏာ သိမ်းယူပြီး စစ်အုပ်ချုပ်ရေး စနစ် ကျင့်သုံး ခဲ့သည့် နှစ် ၅၀ ကြာ ကာ လ အတွင်း ဖယ်ကျဉ် ခံခဲ့ ရသည်။ သို့သော်လည်း ပြီးခဲ့သည့် နှစ် အနည်းငယ် အတွင်းတွင် နိုင်ငံရေး အ ကျဉ်း သား အမြောက် အများကို ပြန်လွှတ် ပေးခြင်း၊ နေအိမ် အကျယ်ချုပ် ကျခံ နေရ သည့် ဒေါ်အောင် ဆန်းစုကြည်ကို ပြန် လွှတ်ပေးခြင်း နှင့် ပြုပြင်ပြောင်း လဲရေးများ စတင်လာခဲ့ခြင်း တို့ ကြောင့် နိုင်ငံတ ကာ အသိုင်းအ၀ိုင်းက သတိ ရှိရှိဖြင့် ကြိုဆို ခဲ့ကြသည်။ အမေရိကန်သမ္မတဘားရက် အိုဘားမား က လည်း မြန် မာ နိုင်ငံ ၏ အကောင်း ဖက်သို့ ဦးတည် လာသော ပြောင်းလဲ မှုကို အသိ အမှတ် ပြုသည့် အနေ ဖြင့် ယ မန်နှစ် သူ၏ အာရှ ခရီးစဉ် အတွင်း မြန်မာ နိုင်ငံသို့ လာရောက် လည်ပတ် ခဲ့သည်။
မြန်မာ နိုင်ငံသည် လူနည်းစု တို့၏ အခွင့် အရေးကို ကာကွယ် ပေးခြင်း မရှိပါက ဒီမိုက ရေစီ နိုင်ငံများ အသိုင်း အ၀ိုင်းသို့ ပြန်လည် ဆက်သွယ် နိုင်လိမ့်မည် မဟုတ် ဟုလည်း ကုလ သမဂ္ဂရှိ မွတ်စလင် သံအ မတ်ကြီး များက ပြောသည်။
“မြန်မာ နိုင်ငံဟာ ကမ္ဘာနဲ့ အတူ ပျားရည် ဆမ်းခရီး ထွက်နေ ပါပြီ။ ဒါပေမယ့် သူ့ရဲ့ ပျားရည် ဆမ်း ခရီးက မူဆလင် ဒုက္ခသည် အလောင်း တွေပေါ်မှာ တည်ဆောက် ထားတာ တခုပဲ ပြဿနာ ရှိပါတယ်” ဟု ကုလ သမဂ္ဂ ဆိုင်ရာ ဆော်ဒီ အာရေး ဗီးယားနိုင်ငံ သံအမတ်ကြီး Abdullah al-Mouallemi က သတင်းထောက် များကို ပြောဆို လိုက်သည်။
ကုလ သမဂ္ဂ ဆိုင်ရာ ဂျဘူးတီ နိုင်ငံ သံအမတ် လည်းဖြစ်၊ အစ္စလာမ္မစ် ပူးပေါင်း ဆောင်ရွက် ရေးအဖွဲ့ ဥက္ကဌ လည်းဖြစ်သူ Roble Olhaye ကလည်း ရခိုင်ပြည် မြောက်ပိုင်းနေ မွတ်စလင် များကို ဆန့်ကျင် တိုက်ခိုက် မှုတွေကို “လူမျိုးတုံး သန့်စင်ရေး” ဟု ခေါ်ဝေါ် လိုက်သည်။
ဆော်ဒီ သံအမတ် ကြီးနှင့် အတူ သတင်းစာ ရှင်းလင်း ပွဲတွင် “ကုလ သမဂ္ဂကို ကျနော်တို့ တောင်းဆို ချင်တာ ကတော့ ကမ္ဘာရဲ့ ပူပန် နေရမှု တွေကို ရှင်းရှင်း လင်းလင်း ဆက်ပြီးပြော ပြနေ ပေးဖို့ ပါပဲ” ဟု Olhaye ကဆိုသည်။ မွတ်ဆလင် နိုင်ငံများ အနေဖြင့် ကုလ သမဂ္ဂ လုံခြုံရေး ကောင်စီ အဖွဲ့ဝင် နိုင်ငံ များ နှင့် တွေ့ဆုံကာ မြန်မာ နိုင်ငံနှင့် ပတ်သက်၍ ဆွေးနွေး သွားမည် ဖြစ်သည် ဟုလည်း သူက ဆိုသည်။
ထို့ပြင် Olhaye နှင့် Mouallemi တို့က ကုလ သမဂ္ဂ ခေါင်းဆောင် များကလည်း မြန်မာ နိုင်ငံရှိ မွတ်ဆလင် များဖက်မှ ပိုမို၍ ကာကွယ် ပြောကြား ပေးသွား မည်ဟု ကတိ ပြုခဲ့ ကြကြောင်း ပြောဆိုသည်။
