မင်းပြားမှ ရန်ကုန်သို့ သွားနေသည့် ရိုဟင်ဂျာ ၁၈ ဦးမှ ၁၁ ဦးအသတ်ခံရ
RB News
27.2.2014
မင်းပြား ။ ။ ရခိုင်ပြည်နယ်၊ မင်းပြားမြို့နယ်နှင့် မြောက်ဦးမြို့နယ် တို့မှ ရန်ကုန်မြို့သို့ လူကုန်ကူးသူ ပွဲစားများဖြင့် သွားနေသည့် ရိုဟင်ဂျာ ၁၈ ဦးမှ ၁၁ ဦး အသတ်ခံခဲ့ရကြောင်း သတင်းရရှိပါသည်။
ဖေဖော်ဝါရီ ၁၂ ရက်နေ့တွင် မင်းပြားမြို့နယ်နှင့် မြောက်ဦးမြို့နယ်တို့မှ ရိုဟင်ဂျာ ၁၈ ဦးတို့သည် ချင်းလူမျိုး လူကုန်ကူးသူ ပွဲစားနှစ်ဦးတို့နှင့်အတူ တောင်ပေါ်လမ်း အတိုင်း ရန်ကုန်မြို့သို့ ထွက်ခွာ ခဲ့ကြောင်း သိရှိရပါသည်။ ဖေဖော်ဝါရီလ ၁၄ ရက်နေ့တွင် အဆိုပါ ၁၈ ဦးတို့သည် လမ်းပြများ ဖြစ်သည့် ပွဲစားများနှင့် အတူ မင်းပြားမြို့နယ် အလွန် ကုန်ခါးချောင်း အနီးသို့ အရောက်တွင် ရခိုင် အကြမ်းဖက် သမားများနှင့် ထိပ်တိုက်တွေ့ခဲ့ပြီး ထွက်ပြေးကြရာ ၇ ဦးမှာ အသက်ပြေးမှ ထွက်ပြေး လွတ်မြောက်ခဲ့ပြီး ကျန်သည့် ၁၁ ဦး အသတ်ခံခဲ့ရကြောင်း အသက်ဘေးမှ လွတ်မြောက်လာသူများ၏ ပြောပြချက်များ အရသိရှိရကြောင်း ဒေသခံတစ်ဦးက RB News သို့ပြောသည်။
အသတ်ခံရသူ ၁၁ ဦးမှာ --
(၁) နော်ဇီရ်အာမတ် (ဘ) မော်လ၀ီဦးအဒူဂျလိလ် (အသက် ၁၈ နှစ်)
(၂) ကာလာချေ (ဘ) ဦးအဒူရာမန် (အသက် ၁၇ နှစ်)
(၃) မောင်ဘ (ဘ) ဦးအဒူရာဇတ် (အသက် ၂၅ နှစ်)
(၄) အဒူမာဘုဒ် (ဘ) ဦးဒူဒူအလီ (အသက် ၂၃ နှစ်)
(၅) ဇော်နာဘောဒ္ဒိန် (ဘ) ဦးဖော်ဇော်လ်ကရီးမ် (အသက် ၁၉ နှစ်)
(၆) အေနာမုလ်ဟောက် (ဘ) ဦးမိုဟာမတ်ဟမ်းဇာ (အသက် ၂၂ နှစ်)
(၇) အလီအာက်ဘာရ် (ဘ) ဦးမိုဟာမတ်အာက်ဘာရ် (အသက် ၂၅ နှစ်)
(၈) မိုဟာမတ်နူးရ် (ဘ) ဦးအဘူတာဟဲရ် (အသက် ၃၀ နှစ်)
(၉) အနိုဝါရ် (ဘ) ဦးနူးရ်ဟာဆန်း (အသက် ၂၀ နှစ်)
(၁၀) အုမာရ်ဖာရုခ် (ဘ) ဦးအဒူဂဖာရ် (အသက် ၂၄ နှစ်)
(၁၁) ၀ါဇီရာမန် (ဘ) ဦးအဒူဟာရှင်မ် (အသက် ၂၅ နှစ်) -- ဖြစ်သည်။
ရခိုင်ပြည်နယ်ရှိ ရိုဟင်ဂျာ လူမျိုးများမှာ အမိုးဖွင့် ထောင်ထဲတွင် နေရသကဲ့သို့ ဖြစ်နေလျက်ရှိရာ အလုပ်အကိုင် အခွင့်လမ်း မရှိဘဲ စားဝတ်နေရေး အတွက် နေ့စဉ် ဒုက္ခရောက် နေရသဖြင့် မိမိတို့ ရှိရာ ရောင်းချ၍ ကောင်းမွန်သည့် ဘ၀ ရရှိရန် စွန့်စွန့်စားစား ရေလမ်း ခရီး၊ ကုန်းလမ်း ခရီးများဖြင့် ထွက်ပြေးလျက် ရှိသော်လည်း အများစုမှာ လိုရာခရီး မရောက်ဘဲ လမ်းတွင် အသက်အန္တရာယ်ဖြင့် ရင်ဆိုင်ရပြီး၊ အသက်ပေါင်း များစွာ ဆုံးရှုံးနေရကြောင်း ဒေသခံများက ပြောပါသည်။
