ရသေ့တောင် မြို့နယ် အုပ်ချုပ်ရေးမှူးက ရိုင်းပျစွာ ပြော၍ ရိုဟင်ဂျာ မရေးရန် ခြိမ်းခြောက်
RB News
26.3.2014
ရသေ့တောင် ။ ။ ရခိုင်ပြည်နယ်၊ ရသေ့တောင်မြို့နယ် အုပ်ချုပ်ရေးမှူးသည် ကိုးတန်ကောက် ကျေးရွာ အုပ်စုသို့ သွားရောက်၍ ဒေသခံ ရိုဟင်ဂျာများနှင့် တွေ့ဆုံ၍ သန်းခေါင်စာရင်း ကောက်ရာတွင် ရိုဟင်ဂျာ မဖြည့်ရန် အလွန် ရိုင်းပျသည့် အသုံးအနှုန်းများ သုံး၍ ခြိမ်းခြောက် ခဲ့ကြောင်း သတင်း ရရှိပါသည်။
ယနေ့ မတ်လ ၂၆ ရက်နေ့တွင် ရသေ့တောင်မြို့နယ် အုပ်ချုပ်ရေးမှူး ဦးမျိုးသန်းထွန်းသည် ကိုးတန်ကောက် ကျေးရွာ အုပ်စု၊ ချိန်ခါလီ ရခိုင်ရွာသို့ သွားရောက်၍ အနီးပတ်ဝန်းကျင်ရှိ ဒေသခံ ရိုဟင်ဂျာ များကို ခေါ်ယူ တွေ့ဆုံ၍ အလွန်ရိုင်းပျ၊ ရင့်သီးစွာ ပြောဆိုပြီး သန်းခေါင်စာရင်းတွင် ရိုဟင်ဂျာ မရေးရန် ခြိမ်းခြောက် ခဲ့ကြောင်း ဒေသခံ တစ်ဦးက RB News သို့ပြောပါသည်။
“မြို့နယ် အုပ်ချုပ်ရေးမှူးက အလွန်ကို ရိုင်းပါတယ်။ ရာထူးကြီး ရထားရက်နဲ့ သုံးတဲ့ အသုံးအနှုန်းတွေက အရမ်းကို ရိုင်းပျ ရင့်သီးလွန်း ပါတယ်။ မင်းတို့ အားလုံးက ဘင်္ဂလီတွေဘဲ၊ ဘင်္ဂလီ ပြောရင် -ီး ဖြစ်လားလို့ ဆဲဆိုပြီး ခြိမ်းခြောက်ပါတယ်။ အခုမင်းတို့ ဒီဘ၀ရောက် နေတယ်။ ရိုဟင်ဂျာ ပြောရင် မင်းတို့ အခြေအနေ ဒီထက် ဆိုးလာလိမ့်မယ်။ ပြီးတော့ သန်းခေါင်စာရင်းမှာ မင်းတို့ ဘင်္ဂလီထည့်မယ်လို့ပြော ဆိုပြီး အတင်း အဓမ္မ ပြောခိုင်းတယ်။ ကျွန်တော်တို့လည်း ကျွန်တော်တို့ကို ရိုက်နှက် နှိပ်စက်မှာ စိုးလို့ အဲဒီနေရာက အမြန်ပြန်ရဖို့ အတွက် ပြီးစလွယ် ပြောလိုက် ရတယ်” ဟု ဒေသခံ တစ်ဦးက RB News သို့ပြောပါသည်။
အဆိုပါ ဒေသခံများသည် ၎င်းတို့ကို ခြိမ်းခြောက်လည်း ဂရုစိုက်မည် မဟုတ်ဘဲ၊ သန်းခေါင် စာရင်းတွင် ကုဒ်နံပါတ် ၉၁၄ နှင့် ရိုဟင်ဂျာကို ရေးမှသာ ကျန်သည့် မေးခွန်းများကို ဆက်လက် ဖြေဆိုရန် ဆုံးဖြတ် ထားကြသည်ဟု ပြောပါသည်။
