ကယ်ဆယ်ရေး လုပ်သားတွေ ပြန်လည် ဝင်ရောက်နိုင်ဖို့ အမေရိကန် တိုက်တွန်း

O’Laie Manzu
RB News
3.4.2014

ပြန်လည် နေရာချထားရေး စခန်းတွေမှာရှိတဲ့ ထောင်ပေါင်း များစွာသော ရိုဟင်ဂျာ မွတ်စလင် တွေဟာ အစာရေစာနဲ့ ကျန်းမာရေး စောင့်ရှောက်မှု အနည်းငယ်သာ ရရှိတဲ့ အတွက် ပဋိပက္ခ တွေကြောင့် ယိုယွင်းနေတဲ့ ရခိုင်ပြည်နယ် အတွင်း ကယ်ဆယ်ရေး လုပ်သားတွေ အပေါ် ခရီးသွားလာရေး တားမြစ်ချက် တွေကို ဖယ်ရှားပေးဖို့ အမေရိကန် အစိုးရက မြန်မာအစိုးရကို တောင်းဆို လိုက်ပါတယ်။

ဗုဒ္ဓဘာသာဝင် လူထုကြီးက ကယ်ဆယ်ရေးအဖွဲ့တွေရဲ့ နေအိမ်နဲ့ ရုံးတွေကို ပြီးခဲ့တဲ့ အပတ်က ဝိုင်းဝန်း တိုက်ခိုက် ကြတဲ့အတွက် သူတို့တွေ ထွက်ပြေး တိမ်းရှောင် ခဲ့ကြ ရပါတယ်။ အချို့ ဝန်ထမ်းတွေက အဲဒီ နေရာတွေကို ပြန်လည် ဝင်ရောက်နိုင်ဖို့ ကြိုးစားပေမယ့် သူတို့ကို ပိတ်ပင် တားဆီး ထားတယ်လို့ ပြောကြ ပါတယ်။

“ရခိုင်ပြည်နယ်မှာ အခက်အခဲ တွေနဲ့ ရင်ဆိုင် နေရသူတိုင်းကို ကူညီပေးတဲ့ ဝန်ဆောင်မှု လုပ်ငန်းတွေ ပြန်လည် လုပ်ကိုင်နိုင်ဖို့ အတွက် ကုလသမဂ္ဂနဲ့ လူသားချင်း စာနာ ထောက်ထားတဲ့ ကယ်ဆယ်ရေး အဖွဲ့တွေ အပေါ် ခရီးသွားလာရေး တားမြစ်ချက် တွေကို ဖယ်ရှား ပေးဖို့နဲ့ ခရီးသွားရာမှာ လိုအပ်သလို သင့်လျော်တဲ့ စီမံ ခွင့်ပြုချက်တွေ လုပ်ပေးဖို့ ကျွန်ုပ်တို့ အနေဖြင့် မြန်မာ အစိုးရကို တောင်းဆို ပါတယ်။” လို့ ဗုဒ္ဓဟူးနေ့က ထုတ်ပြန်တဲ့ အမေရိကန် အစိုးရရဲ့ ကြေညာချက်မှာ ဖော်ပြထား ပါတယ်။

အာဏာပိုင်တွေ အနေနဲ့ “လူသားချင်း စာနာထောက် ထားတဲ့ ဝန်ထမ်းတွေနဲ့ ပြည်သူတွေ အတွက် လုံခြုံ စိတ်ချစေရေးကို အဓိပ္ပါယ်ရှိရှိ လုပ်ဆောင် ပေးသင့်တယ်။” လို့လည်း ကြေညာချက်မှာ ရေးသားထား ပါတယ်။

မြန်မာအစိုးရရဲ့ ပြောရေးဆိုခွင့်ရှိသူ ဦးရဲထွဋ် ကိုတော့ သူတို့ရဲ့တုန့်ပြန်ချက် ရယူဖို့ ချက်ချင်း ဆက်သွယ်လို့ မရသေးပါဘူး။

လူဦးရေ သန်းခြောက်ဆယ် အနက် ဗုဒ္ဓဘာသာဝင် အများစုနေတဲ့ မြန်မာနိုင်ငံဟာ ရာစုနှစ် ထက်ဝက်လောက် စစ်အုပ်ချုပ်မှု အောက်က မကြာသေးမှီကမှ ခေါင်းမော့ လာခဲ့တာပါ။ ပြည်သူ အစိုးရ လက်အောက်မှာ မျှော်လင့်ချက် ရောင်ခြည် သန်းလာတဲ့ ဒီမိုကရေစီ ပြုပြင် ပြောင်းလဲရေးဟာ အားရစရာ ကောင်းလှပြီး နိုင်ငံတကာ အလှူရှင်တွေ ဆီကနေ ဒေါ်လာသန်း ရာပေါင်း များစွာလည်း စီးဝင်လာခဲ့ ပါတယ်။ ဒါပေမယ့် ဘာသာရေး အစွန်းရောက် လှုပ်ရှားမှုတွေက ဒီတိုးတက်မှု တွေကို ခြိမ်းခြောက် တားဆီး နေသလို ပါဘဲ။

လွန်ခဲ့တဲ့ နှစ် နှစ်လောက်က ဘာသာရေးကို ခုတုန်း လုပ်တဲ့ ဗုဒ္ဓဘာသာ လူစုကြီးရဲ့ တိုက်ခိုက်မှု တွေကြောင့် လူ ၂၈၀ ဦးသေဆုံး ခဲ့ရပြီး ၁၄၀၀၀၀ အိုးအိမ်စွန့်ခွာ ခဲ့ကြ ရပါတယ်။

ဓါးစာခံ အများစုကတော့ ကုလသမဂ္ဂက ကမ္ဘာပေါ်မှာ ဘာသာရေးပေါ် အခြေခံပြီး ညှဉ်းပန်း နှိပ်စက်ခံ ရဆုံးသော လူမျိုးလို့ သက်မှတ်ထားတဲ့ ရိုဟင်ဂျာ မွတ်စလင်တွေဘဲ ဖြစ်ပါတယ်။ သူတို့ အများစု ကတော့ ရှေ့မျိုးဆက် များစွာကတည်းက ရောက်ရှိနေထိုင်ကြတဲ့ မိသားစုတွေ ကနေ ပေါက်ဖွားဆင်းသက် လာတာ ဖြစ်ပေမယ့် မြန်မာအစိုးရ ကတော့ သူတို့ကို ဘင်္ဂလားဒေ့ရှ် နိုင်ငံက တရားမဝင် ခိုးဝင်လာသူတွေလို့ သက်မှတ်ထားပါတယ်။

ဗုဒ္ဓဘာသာ အစွန်းရောက် တွေကတော့ လူသားချင်း စာနာထောက်ထားတဲ့ ကယ်ဆယ်ရေး အဖွဲ့တွေဟာ ရိုဟင်ဂျာ တွေရဲ့ အသက်ရှုပေါက်လို့ ရှု့မြင်ကြပြီး မကြာခဏ ဆန္ဒပြလေ့ ရှိပါတယ်။ တချို့ကတော့ ဖေ့စ်ဘွတ် လို ဆိုရှယ်မီဒီယာ တွေကနေလည်း ဝန်ထမ်းတွေ၊ အိမ်ရှင်တွေ၊ ကားသမားတွေကို ခြိမ်းခြောက် တတ်ကြပါတယ်။

ကယ်ဆယ်ရေး အဖွဲ့တွေအပေါ် ဖိအားကြီးထွား လာတဲ့အတွက် နိုဘယ်လ်ဆုရ အဖွဲ့ဖြစ်တဲ့ Doctors Without Borders ကို ရိုဟင်ဂျာတွေကို အလုပ်ခန့်တာနဲ့ ပတ်သက်ပြီး မြန်မာအစိုးရက ဖေဖော်ဝါရီလမှာ နှင်ထုတ် လိုက်ပါတယ်။ ဒီအဖွဲ့ဟာ မြန်မာနိုင်ငံရဲ့ ဒုတိယ အဆင်းရဲဆုံး ပြည်နယ် ဖြစ်တဲ့ ရခိုင်ပြည် တလျှောက်မှာ လူပေါင်း ခုနှစ်သိန်းကျော်ကို ဝန်ဆောင်မှု ပေးနေခဲ့တဲ့ အဖွဲ့လည်း ဖြစ်ပါတယ်။

ပြီးခဲ့တဲ့ အပါတ်ကလည်း ရာချီရှိတဲ့ ဗုဒ္ဓဘာသာဝင် တွေက ပြည်နယ်မြို့တော် စစ်တွေမြို့မှာ ရှိတဲ့ ကုလသမဂ္ဂ ရုံးတွေ၊ OXFAM, Save the Children, Solidarities International နဲ့ အခြားရုံးတွေ၊ နေအိမ်တွေကို နှစ်ရက်ကြာ တိုက်ခိုက်ကြလို့ ကယ်ဆယ်ရေး လုပ်သား ၁၀၀၀ ကျော် ထွက်ပြေးတိမ်းရှောင် ခဲ့ရပါတယ်။

တချို့ကတော့ အဲဒီ နေရာတွေကို ပြန်သွား ခွင့်တောင်းခံခဲ့ပေမယ့် ခရီးသွားလာခွင့် တွေကို ပယ်ချ လိုက်တယ်လို့ ဂျာမန် ဆေးဝါး ဆိုင်ရာ အဖွဲ့ဖြစ်တဲ့ Malteser International အဖွဲ့ရဲ့ နိုင်ငံတွင်း တာဝန်ခံ Johannes Kaltenbach ကပြောပါတယ်။ ဒါဟာ “ကယ်ဆယ်ရေး အဖွဲ့တွေ အတွက် တကယ့်ကို စိုးရိမ်စရာဘဲ” လို့လည်းပြောပါတယ်။

ပြီးခဲ့တဲ့ အပတ်က တိုက်ခိုက်မှု တွေဟာ အစာရေစာတွေ၊ ကျန်းမာရေး ဝန်ဆောင်မှုတွေနဲ့ အကာအကွယ်တွေ အတွက် စိုးရိမ်စရာ ဖြစ်နေပြီး အသက် ကယ်ဆယ်ရေး အကူအညီ တွေအပေါ် အနှောက်အယှက် ဖြစ်စေတယ်လို့ ကုလသမဂ္ဂ က ဆိုပါတယ်။

မြန်မာနိုင်ငံ ဆိုင်ရာ လူသားချင်း စာနာ ထောက်ထားမှု ကယ်ဆယ်ရေး တာဝန်ခံ Renata Dessallien က ဗုဒ္ဓဟူးနေ့မှာ ပြည်နယ်နဲ့ ပြည်ထောင်စု အစိုးရ အရာရှိတွေနဲ့ တွေ့ဆုံပြီးတဲ့နောက် “ပြီးခဲ့တဲ့ အပတ်က စစ်တွေမှာ ဖြစ်ပျက် ခဲ့တာဟာ အပြည်ပြည် ဆိုင်ရာ အဖွဲ့တွေကို တိုက်ခိုက်ရုံ တင်မဟုတ်ဘူး။ ရခိုင်ပြည်နယ်မှာ ရှိတဲ့ လူသားချင်း စာနာတဲ့ လုပ်ဆောင်ချက်ကြီး တစ်ခုလုံးကို တိုက်ခိုက် လိုက်သလိုဘဲ”လို့ ပြောပါတယ်။

အခြေအနေ တွေကတော့ တစ်ရက်ထက် တစ်ရက် ပိုမို စိတ်ပျက်စရာ ကောင်းလောက်အောင် ပါဘဲ… လို့ သူမ နဲ့ အခြားသူတွေ ပြောကြ ပါတယ်။

Robin McDowell ရေးသားပြီး Associated Press မှာဖော်ပြခဲ့တဲ့ US Urges Return of Aid Workers to Myanmar State သတင်းဆောင်းပါးကို O’Laie Manzu မှာ ဆီလျော်အောင် ဘာသာပြန် ထားပါသည်။