ရခိုင်ပြည်က ပဟေဠိဆန်ဆန် သန်းခေါင်စာရင်း
ယျာထင် (MYARF)
RB News
3.4.2014
"သား .. ဘယ်လိုလဲ .. ဘယ်အချိန် ရောက်လာမယ်လို့ ကြားလဲ"
မနက် (၇) နာရီတိတိ အချိန်မှာ ရောက်လာမယ်လို့ ပြောတဲ့ သန်းခေါင်စာရင်း ကောက်ခံရေး အဖွဲ့က (၁၁) နာရီထိ ရောက်မလာခဲ့သော အခါ အဖေ ဖြစ်သူက သူ့ သားလေးကို အပြင်ထွက် စုံစမ်းခိုင်းလိုက်ခြင်းမှ သားလေးပြန်လာလျှင် အဖေဖြစ်သူက မေးလိုက်ခြင်းဖြစ်သည်။
"ဘုန်းကြီးကျောင်းထဲမှာ အစည်းအဝေး လုပ်နေလို့တဲ့ အဖေ .. အုပ်ချုပ်ရေးမှူး ကတော့ ရောက်လာမယ်လို့ ပြောတာပဲ…" သားလေးရဲ့ စကားကိုကြားကြားချင်းပဲ အဖေဖြစ်သူရဲ့ ဒေါသစိတ်က အထွတ်အထိပ်သို့ ရောက်ရှိလာပြီ ဖြစ်သော်လည်း ကြိတ်မှိတ်ခံထားလိုက်၏။
"သန်းခေါင်စာရင်း ကိစ္စကို ဘုန်းကြီးကျောင်းထဲမှာ ဘာဖြစ်လို့ စည်းဝေး ဆွေးနွေးနေရတာလဲ .. သေချာနေပြီ .. ဟိုတစ်နေ့တည်းက ထွက်လာတဲ့ ကောလဟာလ သတင်းစကားတွေက အမှန်ပေကိုး .. ရိုဟင်ဂျာလို့ ရေးခွင့် မပြုနိုင်ဘူးတဲ့ .. အာရ်ကာန်ဦး အစကတည်းက ရှိနေတဲ့ လူတွေကို မနေ့ တစ်နေ့ကဘဲ ခိုးဝင်လာသလိုလိုနဲ့ ပြောတာများ .. ဒီရခိုင်ပြည်နယ် အစိုးရကလည်းနော် .. တစ်နိုင်ငံလုံးမှာ တစ်မျိုး သူတို့ ဒီမှာ ကြံစည် လုပ်ဆောင်နေတာ တစ်မျိုး .. ဒီမြန်မာပြည်ကို သူတို့ ရခိုင်တွေ အုပ်ချုပ်နေတာ ကျနေတာပဲ .. တောက်"
အဖေဖြစ် သူ့ဘာသာသူ စိတ်ထဲပြောနေမိသည်။
"သား .. အဖေ သွားအနားယူ လိုက်တော့မယ် .. သူတို့ ရောက်လာရင်တော့ သားတစ်ခွန်းပဲ အရင် မေးလိုက် .. သန်းခေါင်စာရင်း ဥပဒေအတိုင်း လုပ်မလား .. ဒါမှမဟုတ် သူတို့ ရခိုင်တွေရဲ့ ကိုယ်တိုင် ဥပဒေ နဲ့ လုပ်မလား .. သန်းခေါင်စာရင်း ဥပဒေ အတိုင်း လုပ်မယ်ဆိုမှပဲ အဖေကို အိပ်ရာက နှိုးပေး မဟုတ်ရင်တော့ အကောက်မခံဘူးလို့ ဘဲ ပြောလိုက်တော့ .. ကြားလားသား…"
အဖေဖြစ်သူရဲ့ ပြတ်ပြတ်သားသား စကားကို ကြားလိုက်မိပြီးသည့်နောက် သားလေးရဲ့ မျက်လုံးမှ မျက်ရည်စက်တွေ စီးဆင်းလာနေသည်။ အာဏာရှင်ကြောင့် အတန်ကြာကြာ ဖြစ်တည်ခဲ့တဲ့ အကြောက်တရားတွေ အဖေ့ ရင်ထဲက နှလုံးသားထဲက လွင့်စင်သွား ပါပြီလား ဆိုတဲ့ အသိတရားက သားလေးကို အပျော် မျက်ရည်တွေ ယိုစေခဲ့တာ ဖြစ်၏။ ပါးပြင်ပေါ် စီးဆင်း လာနေသော အပျော် မျက်ရည်စက် တွေကို လက်ဖဝါးနှင့် အပြုံးမပျက် သုတ်နေရင်း သားလေးက အဖေဖြစ်သူကို ခေါင်းညိတ် ပြလိုက်သောအခါ အဖေဖြစ်သူလည်း အခန်းထဲဝင်ပြီး အနားယူ နေလိုက်တော့သည်။ ဖိနှိပ်ခံရလေ ခန္ဓာကိုယ်ထဲ သတ္တိသွေးတိုးလာလေပဲ ဆိုတာ သားအဖ နှစ်ယောက် ကိုယ်တွေ့ ကြုံ၍ သိရှိ ရပါတော့သည်။
