နောက်ဆုံးသတင်း/ဆောင်းပါးများ

မြန်မာ့ လူ့သမိုင်းမှန်ကို သိစေချင်တယ်

ဌေးလွင်ဦး
RB News
11.7.2014

ရိုဟင်ဂျာ သမိုင်းနဲ့ ပတ်သက်ပြီး ကျွန်တော့ရဲ့ ဖေါ်ထုတ်မှု၊ တင်ပြမှု၊ သမိုင်း အထောက် အထား များကို ကမ္ဘာ့ ခေါင်းဆောင်များ၊ ကမ္ဘာ့ အသိုင်းအ၀ိုင်း များဆီ အရောက် ပို့ပေးမှုများ အတိုင်းအတာ တစ်ရပ်ထိ ပြီးခဲ့ပြီလို့ ခံယူကာ- သမိုင်း တင်ပြမှု များကို မှေးမှိန် ထားလျှက် - သမိုင်းဖုံး သမိုင်းဖျက် ရာဇ၀တ်မှုကိုသာ ဆက်တိုက်ကျူး လွန်နေတဲ့ ရာဇ၀တ်ကောင် များအား ကမ္ဘာ့ခုံရုံးပေါ်ကိုသာ အရောက်ပို့ရေး အချိန်ပေးထား ခဲ့ပါတယ်။

သို့သော်- လ၀က ၀န်ကြီး ဦးခင်ရီက မြန်မာ့ လူ့သမိုင်းနဲ့ ပတ်သက်ပြီး မျက်လုံးစုံမှိတ် ဆက်လက် ဇွတ်ငြင်း ဖုံး ကွယ်လျှက် မြန်မာ့ လူ့အသိုင်း အ၀ိုင်း ကြီးအား လှည့်စားရန် ထပ်မံကြိုးစား လာပြန်သောအခါ- မြန်မာ့ လူ့ အသိုင်းကြား သမိုင်းမှန်နဲ့ ပတ်သက်ပြီး မျက်လုံးလည် မသွားစေရန် တင်ပြစရာ ကျန်ရှိသည့် လက်ကျန် သမိုင်း အစအနများအား ဆက်လက် တင်ပြလိုပါတယ်။

ဦးခင်ရီ ပြောသလို- လူတွေဟာ မြေကြီးထဲက ထွက်လာခဲ့ခြင်း မဟုတ်ပါ။ အလားတူ မိုးပေါ်ကလည်း ကျ လာခြင်း မဟုတ်ပါ။ မြန်မာ့ လူ့အသိုင်း အ၀ိုင်း လက်ရှိ မြန်မာနိုင်ငံမှာ နေထိုင်တဲ့ လူသား အားလုံးဟာ မြန်မာနိုင်ငံရဲ့ မြောက်ပိုင်း (တရုတ်ပြည်ကြီး) ဘက်က ၀င်ရောက်လာ သူများနဲ့ အနောက်ပိုင်း အိန္ဒိယပြည်ကြီး ဘက်က ၀င်ရောက်လာ သူများသာ ဖြစ်ခဲ့ပါတယ်။ ဒီနေရာမှာ ၀င်ရောက် လာတဲ့ ခေတ်ကာလ၊ ခုနှစ်များကိုသာ ပိုင်းခြား လေ့လာရမှာ ဖြစ်ပါတယ်။

မြန်မာပြည် လို့ အခု သတ်မှတ် ထားတဲ့ ဧရိယာထဲကို အခုခေတ် သတ်မှတ်ထားတဲ့ တိုင်းရင်းသား အားလုံး ၀င်လာတဲ့ ကာလများကို စီစစ်ရင် အေဒီ ၂ ရာစုလောက်မှာ မွန်လူမျိုးများက အခုခေတ် ထိုင်းနိုင်ငံဘက်က ပတ်ပြီး ၀င်ရောက်လာ ခဲ့ပါတယ်။ သူတို့ မတိုင်မှီ မြန်မာနိုင်ငံ အောက်ပိုင်းနဲ့ အလယ်ပိုင်းမှာ အိန္ဒိယ မျိုးဆက် ယက္ခ (အသားမဲ) လူမျိုးများ နေထိုင် ခဲ့ပါတယ်။ မွန်တို့က ယက္ခများကို တိုက်ခိုက် မောင်းထုတ်ခဲ့ပြီး မွန်နိုင်ငံကို ထူထောင် ခဲ့ပါတယ်။ ၀င်လာတဲ့ မွန်နဲ့ ယက္ခ ပေါင်းတဲ့ ကပြားများကို တလိုင်း လို့ ခေါ်ပါတယ်။ (တလိုင်းခေါ်ခံရ သူများက မွန်အစစ် များထက် အသားရောင် ပိုမို ညိုညက်ပါတယ်။) မြန်မာနိုင်ငံ အောက်ဆုံးပိုင်းရဲ့ အထက်နား ဆီသို့ ကရင် လူမျိုးများ အခြေချ နေထိုင်ကြပါတယ်။ ၀င်ရောက်ခဲ့တဲ့ ခုနှစ်များက မွန်တို့ထက် စောနိုင်ပေမယ့် မှတ်တမ်းများမှာ လေ့လာနေဆဲပါ။

အေဒီ ၃ ရာစုလောက်မှာ အခု ဗမာ လို့ ဖြစ်လာမယ့် တရုတ်ပြည် အနောက်မြောက်ပိုင်းက နန်ကျောင် လူမျိုး များ ၀င်ရောက်လာခဲ့ပါတယ်။ ရှေ့ဦးရောက်လာတဲ့ အဲ့ဒီ နန်ကျောင်လူမျိုးများဟာ မဏိပူရ ကုန်းမြင့် တစ်လျှောက် (ချင်းတောင်တန်း အပေါ်ယံ တစ်လျှောက်)က ဖြတ်လာခဲ့ပြီး ရခိုင်ဒေသ ဆီသို့ ၀င်ရောက်ခဲ့ ပါတယ်။

အခု ရခိုင်လို့ ခေါ်တဲ့ အရက္ခဒေသ (မွန်တို့ လုယူလိုက်တဲ့ ဒေသက ယက္ခ ဒေသ)မှာ နန်ကျောင်လူမျိုးများ မရောက်မှီကတည်းက တိုင်းပြည်ငယ် အဖြစ် တည်ရှိခဲ့ပြီး- မူလ Native လူမျိုးတွေ ရှိနေခဲ့ပါတယ်။ Native လူမျိုးများကို နီဂရစ်တို (အသားမဲ ယက္ခ) လို့ ခေါ်တွင်ခဲ့ပါတယ်။ ၀င်ရောက် လာတဲ့ နန်ကျောင် လူမျိုးများက မွန်ဂိုးလီးယား အနွယ် ဖြစ်လို့ ဒေသခံ Native များက မော့ဂ် လို့ ခေါ်တွင်ခဲ့ပါတယ်။ ဒီနေ့ထိလည်း ဘင်္ဂလားနယ်က ရခိုင်များကို မော့ဂ် လူမျိုးလို့ ခေါ်တွင်ဆဲပါ။

ဝင်ရောက်လာတဲ့ မော့ဂ်များဟာ အေဒီ ၇ ရာစု သို့မဟုတ် ၉ ရာစုလောက်မှာ အင်အားထွားလာပြီး Native တို့ရဲ့ ဝေသာလီပြည်ကို သြဇာလွှမ်းမိုးနိုင်ခဲ့ပါတယ်။ တစ်ပြိုင်နက်မှာ ဝေသာလီပြည်ဟာ ရေလမ်း ဆက်သွယ်မှုအရ အစ္စလာမ် သာသနာကို စတင်လက်ခံချိန် ဖြစ်ပြီး Native များက အစ္စလာမ် သာသနာကို စတင်သက်ဝင်ချိန် လည်း ဖြစ်ရပြန်ပါတယ်။ Native များကို အဲ့ဒီ အချိန်ကစ မဟာမေဒင် များလို့ ကမ္ဘာက မှတ်တမ်း စတင်ပြုပါ တော့တယ်။

အေဒီ ၁၁ ရာစုမှာ မြန်မာနိုင်ငံ အလယ်ပိုင်းဆီသို့ ရောက်လာတဲ့ နန်ကျောင်များက ပုဂံကို ဗဟိုပြု မြန်မာ အင်ပါယာအား စတင်ထူထောင်ခဲ့ပါတယ်။ စတင်ထူထောင်ချိန်ထိ ဝေသာလီပြည်က Native များရဲ့ ဘာသာ စာပေဟာ ပုဂံအင်ပါယာထဲထိ ရှိနေခဲ့ပါတယ်။ (စောလူးမင်း ကျောက်စာကို ကြည့်ပါ။)

ကျန်စစ်သားမင်း လက်ထက်မှာမှ နန်ကျောင်လူမျိုးများ ထူထောင်တဲ့ အင်ပါယာအား လျှင်မြန်ဖြတ်လတ်ပြီး သန်မာသော လူမျိုးများ တည်ထောင်ရာ အင်ပါယာ အဖြစ် ကင်ပွန်းတပ်ကာ လူမျိုးအမည်အား "မြန်-မာ" လို့ ခေါ်တွင်စေခဲ့တာ ဖြစ်ပြီး မွန်တို့က "မီရ် မာ" လို့ ခေါ်တွင်ခဲ့ပါတယ်။

ဗြိတိသျှ သုတေသီများက လူမျိုးရင်းမြစ် အမည်ကို လိုက်လံတဲ့ ကာလ ရောက်မှ တရုတ်တို့ တိုက်ထုတ်လိုက် တဲ့ နန်ကျောင် လူမျိုးများကို အင်္ဂလိပ်အခေါ် Burma နဲ့ Tibet ဒေသမှာ လူစုကွဲပြီး တွေ့ရလို့ Tibetan Burmese (တီဘက်တို ဘာမီး) လူမျိုး အဖြစ် အမည် သတ်မှတ်ခဲ့တာပါ။ (တိဘက်ကုန်းမြင့်က မြန်မာပြည် ထဲ ကို ဆင်းလာတဲ့ လူမျိုးလို့ အဓိပ္ပါယ် မပေးပါ။- တိဘက် ဒေသနှင့် မြန်မာ ဒေသ တွင် တွေ့ရသော လူမျိုးလို့ အမည် ပေးခြင်းသာ ဖြစ်ပါတယ်။)

အေဒီ ၁၁ ရာစု ပထမ မြန်မာနိုင်ငံ အင်ပါယာ အတွင်း ရခိုင် (အရက္ခဒေသ)ရဲ့ မြောက်ပိုင်း မပါဝင်ခဲ့ပါ။ ဘုရင့် နောင်လက်ထက် အာသံ မဏိပူရ်ရမှ - လာအို ယိုးဒယိုး သို့ သိမ်းပိုက် အုပ်ချုပ်စဉ်ကလည်း အရက္ခဒေသ ရဲ့ မြောက်ပိုင်း မပါဝင်ခဲ့ပါ။ ရခိုင်တောင်ပိုင်း တောင်ကုတ်၊ သံတွဲ၊ ဂွ နယ်နိမိတ်တို့သည်သာ ဗမာ အင်ပါယာထဲမှာ ရှိနေခဲ့ပါတယ်။ (ပုဂံခေတ် မြန်မာ့မြေပုံ၊ ဘုရင့်နောင်ခေတ် မြန်မာ့ မြေပုံများကို ပြန်ကြည့်ပါ။)

ကုန်းဘောင်ခေတ် ဘိုးတော်ဘုရား လက်ထတ်မှာမှာ ရခိုင်ဒေသ တစ်ခုလုံး ဗမာ့လက်အောက်သို့ ၄၅ နှစ်ကြာ ကျရောက်ခဲ့ရခြင်းသာ ဖြစ်ပါတယ်။ ၄၅ နှစ်လွန်သော အင်္ဂလိပ် လက်အောက်သို့ ကျရောက်သွားခြင်းသာ ဖြစ်ပါတယ်။

ဗမာများ ဘိုးတော်ဘုရား လက်ထက်မှာ ရခိုင်ကို သိမ်းပိုက်စဉ် ရခိုင်ပြည်ရှိ လူဦးရေ၏ သုံးပုံ နှစ်ပုံသည် စစ်တကောင်း ဒေသသို့ ထွက်ပြေး ခိုလှုံရကြောင်း Henry G. Bell မှတ်တမ်းတင်တဲ့ An Account of Burma Empire II page 2 တွင် အတိအကျ မှတ်တမ်းတင်ထားပါတယ်။ ဗမာ လက်မှ အင်္ဂလိပ်တို့က ရခိုင်ဒေသကို ပြန်ယူတဲ့အခါမှာ မူလ ရခိုင်ဇာတိ စစ်တကောင်းရောက် စစ်ပြေးဒုက္ခသည်များ ရခိုင်ထဲသို့ ပြန်လာခဲ့ခြင်းဟာ သူ့ အိမ်ကို သူပြန်လာခြင်းသာ ဖြစ်ပါတယ်။ ပြန်လာသူများ ထဲမှာ ဗုဒ္ဓဘာသာ၊ ဟိန္ဒူ၊ အစ္စလာမ် အားလုံး ပါဝင်မှာ က သဘာဝ တရားပါ။

ဦးခင်ရီ ပြောသလို လာခဲ့တဲ့ နိုင်ငံ ရှိမှာပဲ ဆိုတဲ့ စကားက သဘာဝကျ ပါတယ်။ အမှန်ကို လက်ခံရဲတဲ့ နှလုံးသား ရှိရင် ပြောတာပါ။ အရက္ခဒေသက Native တွေဟာ ရိုဟင်ဂျာ များ ဖြစ်ကြောင်းနဲ့ မော့ဂ် ခေါ် နန်ကျောင် (ရှေး ဦး မြန်မာလူမျိုး)များဟာလည်း အေဒီ ၃ ရာစုလောက်ကစ ရခိုင်ဒေသမှ စတင်အခြေချခဲ့ကြောင်း သမိုင်း အထောက်အထား ခိုင်ခိုင်မာမာ ရှိနေပါတယ်။

ဦးခင်ရီ ပြောလိုတဲ့ ဘင်္ဂလား နိုင်ငံ ဆိုတဲ့ စကားလုံးကို အလွန်အင်မတန် ပညာမဲ့သူများသာ လက်ခံနိုင်ကောင်း ပါတယ်။ ဘင်္ဂလားနယ် ဆိုတာ ဂင်္ဂါမြစ် အနောက်ဘက် အခြမ်းသာ ဖြစ်ပြီး- မူလ ရခိုင်တို့ ပိုင်ဆိုင်ရာ စစ်တကောင်းနယ်ကို ဘင်္ဂလားနိုင်ငံက ရယူလျှက် ဘင်္ဂလား နိုင်ငံထဲမှာ သွတ်သပ်သွင်းခဲ့တာ ၁၉၇၀ ပြည့်နှစ် လောက်မှာပါ။ သူတို့ကို သူတို့ ဘာလီ (ပါဠိ) စကားပြော လူမျိုး ဖြစ်လို့ ဘာလီ လို့ ပြောဆိုနေခဲ့တဲ့ အခြေခံလူထုဟာ စစ်ဖိနပ်အောက်မှာ ဘာလီကို အသံပြောင်းကာ ဘင်္ဂလီ လို့ မသေအသက် ဆက်နေခဲ့ရခြင်း အား အခွင့်ကောင်းယူပြီး- ရိုဟင်ဂျာခေါ် (ဘာလီ- ပါဠိ) စကားပြော လူမျိုးအား ဘင်္ဂလီ အဖြစ် ပုံသွင်းနေခြင်း ဟာ အိမ်မြှောင်ကို အမြီးဖြတ်ပြီး ပိုးဟပ် ဖြစ်တယ်လို့ ဖေါ်ပြနေခြင်းမျှသာ ဖြစ်ပါတယ်။

ဘင်္ဂလားနဲ့ မြန်မာ ဟာ မူလ ရခိုင်နိုင်ငံတော်အား တစ်ယောက်တစ်ဝက် ဖြတ်ယူလျှက် နှစ်ဘက်ညှပ် ဖိနှိပ်ခံ ထားရတဲ့ ရိုဟင်ဂျာ လူမျိုးများရဲ့ ဘ၀ အား မြန်မာနိုင်ငံသားများ အနေနဲ့ အမှန်အတိုင်း နားလည်လာစေဘို့သာ ရည်ရွယ်ပါတယ်။

အခြားတစ်ဘက်မှာ ရိုဟင်ဂျာ ကို ရိုဟင်ဂျာ အဖြစ် လက်မခံဘဲ တင်းခံနေခြင်းများ အားလုံးက ဗဟိုအစိုးရရဲ့ လူမျိုးတုံး သုတ်သင်ရှင်းလင်းမှု မူတစ်ရပ်သာ ဖြစ်ပြီး-၊ ဒီအမှုအတွက် လက်ရှိ ဗမာ အစိုးရဟာ ကမ္ဘာ့ ခုံရုံးပေါ် မှာ ရှင်းကို ရှင်းရမယ့် ကိစ္စရပ် ဖြစ်ကြောင်း ထပ်မံ အတည်ပြု ပြောကြားပါရစေ။


မုဟမ္မဒ်တွာဟေရ် (ဌေးလွင်ဦး)
ဦးဆောင်လှုပ်ရှားမှု တာဝန်ခံ
Civil Rights Movement

Comment ရေးရန်

Rohingya Exodus