မောင်တော ဆရာဝန်ကြီးထံမှ ဆေးကုသမှု ခံယူသည့် ၁၀ တန်းကျောင်းသား တစ်ဦး သေဆုံး
 |
| မောင်နူရ်ဟာကီးမ် |
MYARF
RB News
17.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ်ရှိ မြို့နယ် ဆရာဝန်ကြီး ဒေါက်တော ကျော်မောင်မောင်သိန်း ထံမှ ဆေးကုသမှု ခံယူပြီး ၁၀ တန်းကျောင်းသား လူငယ် တစ်ဦး သေဆုံး ခဲ့ရကြောင်း သတင်း ရရှိပါသည်။
သြဂုတ်လ (၁၂) ရက်နေ့က မောင်တောမြို့နယ် ဘဂုံးနား ကျေးရွာ အုပ်စု ဖော်အီရာရွာမှ ၁၀ တန်း ကျောင်းသား တစ်ဦး ဖြစ်သည့် မောင်နူရ်ဟာကီးမ် (ဘ) ဦးနူရ်အာမတ်သည် ဖျားနာနေသောကြောင့် ကျောင်းမတက်မီ နံနက်ပိုင်းတွင် မြို့နယ် ဆရာဝန်ကြီး ဒေါက်တာ ကျော်မောင်မောင်သိန်း၏ ဆေးခန်းသို့ ဆေးကုသမှု ခံယူရန် သွားရောက်ခဲ့သည်။ ဆရာဝန်က ၎င်းအား အလုပ်အကိုင် မေးမြန်းခဲ့ရာ ၁၀ တန်းကျောင်းသားဟု ဖြေဆိုခဲ့သည်။ ထို့နောက် မောင်နူရ်ဟာကီးမ်နှင့် အတူ လိုက်ပါသွားသော ယောက်ဖ ဖြစ်သူကို ဆရာဝန်ကြီးက ဆေးခန်း အပြင်သို့ နှင်ထုတ်ပြီး မောင်နူရ်ဟာကီးမ်ကို ဆေးထိုး ပေးကာ ဆေးစာရေးပေးပြီး နောက် နှစ်ရက်ကြာမှ ပြန်လာရန် မှာကြားခဲ့သည်။
ဆရာဝန်ကြီးမှ ဆေးထိုးပြီးနောက် မောင်နူရ်ဟာကီးမ်၏ အခြေအနေမှာ ကောင်းမွန် မလာဘဲ ချက်ချင်းဆိုသလို ပိုမို ဆိုးရွား သွားခဲ့သည်။ ထို့ကြောင့် မောင်နူရ်ဟာကီးမ်သည် ကျောင်းသို့ မသွားခဲ့ဘဲ ၎င်း၏ နေအိမ်သို့ ပြန်သွားခဲ့သည်။ အိမ်သို့ ရောက်သည့်အခါ အသက်ရှုကျပ်ခြင်း၊ ခန္ဓာကိုယ်၊ ခြေ၊ လက် ကိုက်ခဲခြင်း၊ ဗိုက်အောင့်ခြင်း တို့ကို အလူးအလဲ ခံစားခံရသည်။ မောင်နူရ်ဟာကီးမ်က ဆရာဝန် ဆေးထိုးပြီးသည်နှင့် တပြိုင်နက် ၎င်း၏ အခြေအနေမှာ အလွန် ဆိုးရွား ခဲ့ကြောင်း၊ ၎င်းအနေဖြင့် အသက်ဆက်ရှင်ရန်ပင် မလွယ်ကူသည့် အခြေအနေမျိုး ခံစားနေရကြောင်း မိသားစုဝင်များကို ပြောခဲ့သည်ဟု ဒေသခံ တစ်ဦးက RB News သို့ပြောပါသည်။
မောင်နူရ်ဟာကီးမ်သည် ဒေါက်တာ ကျော်မောင်မောင်သိန်း၏ ညွန်ကြားချက် အတိုင်း သြဂုတ်လ (၁၄) ရက်နေ့တွင် ဆေးခန်းသို့ ပြန်လည် သွားနေစဉ် ပန်းတောပြင် ကျေးရွာနှင့် မြို့မ ကညင်တန်း ကျေးရွာကြားရှိ တံတားနား အရောက်တွင် ကွယ်လွန်သွားခဲ့ကြောင်း သိရှိရပါသည်။
၂၀၁၂ ခုနှစ် အကြမ်းဖက်မှုများ ဖြစ်ပွားပြီးနောက်ပိုင်းတွင် ဒေါက်တာ ကျော်မောင်မောင်သိန်းထံမှ ဆေးကုသမှု ခံယူခဲ့သည့် လူနာအချို့သည် မောင်နူရ်ဟာကီးမ် ကဲ့သို့ ပြင်းထန်သည့် ဝေဒနာ ခံစားရပြီး သေဆုံးခဲ့ရသည် များကို အာဏာပိုင်များက သိရှိသော်လည်း အရေးယူ ဆောင်ရွက် ပေးခြင်း၊ စုံစမ်း စစ်ဆေးခြင်း တစ်စုံတစ်ရာ ပြုလုပ်ခြင်း မရှိခဲ့ကြောင်း ဒေသခံများ၏ ပြောကြားချက်များ အရ သိရှိရပါသည်။
