လူဦးရေ စစ်ဆေးမှုတွင် ပါဝင် စစ်ဆေးခံရန် တိုက်တွန်းမှုကို ပြည်သူများက လက်မခံ
Rohingya Eye
RB News
12.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ်တွင် နယ်ခြားစောင့် ရဲတပ်ဖွဲ့နှင့် မ.က.ဖ တို့ပူးပေါင်း၍ စစ်ဆေး နေသည့် လူဦးရေ စစ်ဆေးမှုတွင် ပါဝင်ရန် တိုက်တွန်းသည့် ပြည်နယ် လွှတ်တော် ကိုယ်စားလှယ်နှင့် မြို့မိမြို့ဖ တို့၏ တိုက်တွန်းမှု များကို ပြည်သူများက လက်မခံကြောင်း သတင်း ရရှိပါသည်။
သြဂုတ်လ (၁၀) ရက်နေ့ နံနက် ၁၁း၃၀ နာရီ အချိန်တွင် မောင်တောမြို့နယ် တောင်ပိုင်း အလယ်သံကျော် ကျေးရွာရှိ နယ်မြေ (၅) ရုံးခန်းတွင် အစည်းအဝေး တစ်ရပ် ကျင်းပရာ ကျေးရွာ (၂၁) ရွာမှ အုပ်ချုပ်ရေးမှူးများ၊ ရပ်မိရပ်ဖ (၂) ဦးစီ တက်ရောက်ခဲ့ပြီး၊ နယ်ခြားစောင့် ရဲတပ်ဖွဲ့မှ ထိပ်ပိုင်း အရာရှိများ၊ စစ်တပ်မှ အရာရှိများနှင့် အတူ မောင်တောမြို့နယ်မှ ပြည်နယ် လွှတ်တော် ကိုယ်စားလှယ် ဦးအောင်မျိုးမင်းနှင့် ကြံ့ခိုင်ရေး ပါတီမှ ပါတီဝင်များ၊ ဘူးသီးတောင် မြို့နယ်မှ မြို့မိမြို့ဖ ဦးရော်ဖိတ် တို့လည်း တက်ရောက်ခဲ့ကြောင်း သိရှိရပါသည်။
နယ်ခြားစောင့် ရဲတပ်ဖွဲ့နှင့် မ.က.ဖ တို့ပူးပေါင်း၍ ပြုလုပ်နေသည့် လူဦးရေ စစ်ဆေးခြင်းသည် ယခင် န.စ.က မှ ပြုလုပ်ခဲ့သည့် ဆွဲ၊ တင်၊ စစ်နှင့် အလား သဏ္ဍန်တူလျက် ရှိပြီး၊ စာရင်းသွင်း မှတ်တမ်းရာတွင်လည်း တရားမ၀င် ခိုးဝင်လာသည့် ဘင်္ဂလီများဟု ရေးသွင်းလျက် ရှိသည့် အတွက် ရိုဟင်ဂျာ လူမျိုးများဖြစ်သည့် ဒေသခံများက ပါဝင် စစ်ဆေးခံရန် ငြင်းဆိုလျက် ရှိနေကြသည်။
သြဂုတ်လ (၁၀) ရက်နေ့က ကျင်းပသည့် အစည်းအဝေးတွင် ပြည်နယ် လွှတ်တော် ကိုယ်စားလှယ် ဦးအောင်မျိုးမင်းက ယခု စစ်ဆေးနေသည့် လူဦးရေ စစ်ဆေးခြင်းတွင် စစ်ဆေးခံနိုင်ကြောင်း၊ မိမိတို့အား အစိုးရမှ စေခိုင်း၍ လာရောက် ပြောဆိုနေခြင်း ဖြစ်ကြောင်း၊ ယခု အခွင့်အရေးကို လက်လွှတ် မခံသင့်ကြောင်း၊ ယခု စစ်ဆေးမှုတွင် ပါဝင်ပါက ပြဿနာ မရှိနိုင်ကြောင်း၊ စစ်ဆေးနေသည်မှာ လူမျိုးနှင့် မသက်ဆိုင်ကြောင်း ပြောကြားခဲ့သည်။
ဘူးသီးတောင်မြို့နယ်မှ မြို့မိမြို့ဖ တစ်ဦး ဖြစ်သည့် ဦးရော်ဖိတ် ကလည်း မိမိတို့လည်း အစစ်ဆေးခံခဲ့ကြောင်း၊ အားလုံး ပါဝင် စစ်ဆေးခံ နိုင်ကြောင်း၊ သို့သော်လည်း မိမိတို့၏ သဘော အတိုင်း လုပ်ဆောင် နိုင်ကြောင်း ပြောကြားခဲ့သည်။
ပြည်နယ် လွှတ်တော် ကိုယ်စားလှယ် ဦးအောင်မျိုးမင်းနှင့် ဘူးသီးတောင်မြို့နယ်မှ မြို့မိမြို့ဖ ဦးရော်ဖိတ် တို့က ယခုကဲ့သို့ တိုက်တွန်းသည့် အတွက်ဟု ဆိုကာ ဒေသခံ များက မကျေမနပ် ဖြစ်လျက် ရှိပြီး၊ ဒေသခံ ရိုဟင်ဂျာများအား ဘင်္ဂလီများ စာရင်းတွင် ထည့်သွင်းခြင်း မပြုဟု အာမခံ ပေးနိုင်ခြင်း မရှိဘဲ ယခုကဲ့သို့ တိုက်တွန်းခြင်းကို လုံးဝ လက်ခံမှာ မဟုတ်ကြောင်း ဒေသခံများက RB News သို့ပြောပါသည်။
သြဂုတ်လ (၁၁) ရက်နေ့တွင် အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်က ဒေသခံ ရွာသားများကို အိမ်ထောင်စု စာရင်း မိတ္တူ၊ မွေးတိုး စာရင်း၊ သေဆုံးသူများ စာရင်းနှင့် နိုင်ငံခြားသို့ ထွက်သွားသူများ စာရင်းများ လာရောက် ပေးအပ်ရန် အုပ်ချုပ်ရေးမှူး ရုံးတွင် ကြေညာ၍ မရိုးသားသည့် နည်းလမ်းဖြင့် လူဦးရေ စာရင်း ကောက်ခံရန် ကြိုးစားခဲ့သည့် အလယ်သံကျော် ရွာသားများ၏ ပြောကြားချက် များအရ သိရှိရပါသည်။
