နောက်ဆုံးသတင်း/ဆောင်းပါးများ

ရိုဟင်ဂျာများ ပိုင်ဆိုင်သည့် ဥယျာဉ်ခြံများမှ အပင်များကို ခုတ်ယူခံနေရ



Rohingya Eye
RB News
21.12.2014

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ၀ါးချကျေးရွာမှ ဒေသခံ ရိုဟင်ဂျာများ ပိုင်ဆိုင်သည့် ဥယျာဉ်ခြံများမှ အပင်များကို န.တ.လ ရွာသားများနှင့် စစ်တပ်တို့ ပူးပေါင်း၍ ခုတ်လှဲပြီး ကားများဖြင့် သယ်ယူလျက် ရှိကြောင်း သတင်း ရရှိပါသည်။

ဒီဇင်ဘာလ (၁၄) ရက်နေ့မှစ၍ မောင်တောမြို့နယ် တောင်ပိုင်း ၀ါးချကျေးရွာမှ ဒေသခံ ရိုဟင်ဂျာများ ပိုင်ဆိုင်သည့် ဥယျာဉ်ခြံများမှ အပင်များကို မောရ၀တီ န.တ.လ ရွာသား များနှင့် စစ်သားများ ပူးပေါင်း၍ ခုတ်လှဲပြီး ကားများဖြင့် သယ်ယူလျက် ရှိကြောင်း ဒေသခံများက RB News သို့ပြောပါသည်။ ယခင်က မောရ၀တီ န.တ.လ ရွာသားများက သူခိုးများကဲ့သို့ လူမမိစေရန် တိတ်တိတ်လေး ခုတ်လှဲလေ့ ရှိသော်လည်း ယခုအခါ စစ်တပ်က ကူညီပေးနေမှုကြောင့် ပေါ်ပေါ်တင်တင် ခုတ်လှဲလျက် ရှိသည်ဟု ဒေသခံများက ပြောပါသည်။

ရိုဟင်ဂျာများ ပိုင်ဆိုင်သည့် ဥယျာဉ်ခြံ ၈၀ ကျော် ရှိသည့်အနက်မှ ၅ ခြံမှ အပင်များ အားလုံး ခုတ်လှဲ၍ သယ်ယူ သွားပြီ ဖြစ်သည်ဟု ဒေသခံများက ဆိုသည်။ ဥယျာဉ်ခြံ တစ်ခြံတွင် အပင်ကြီးပေါင်း ၃၅၀ ခန့်ရှိပြီး ကာလတန်ဖိုး အားဖြင့် ကျပ် သိန်းပေါင်း ၇၀ ကျော် တန်ဖိုး ရှိကြောင်း၊ အဆိုပါ ဥယျာဉ်ခြံများသို့ ၂၀၁၂ ခုနှစ် ဇွန်လ နောက်ပိုင်းမှ စ၍ သွားလာခွင့် ကန့်သတ်ထားသည့် အတွက် ပိုင်ရှင်များ သွားခွင့် မရတော့ကြောင်း၊ မိမိတို့ ပိုင်ဆိုင်သည့် ဥယျာဉ်ခြံများကို သွားရောက် ကြည့်ရှုလျှင်လည်း လက်နက်ကိုင် အာဏာပိုင်များ၏ ငွေညှစ်ခြင်း၊ အရေးယူခြင်းကို ခံရသဖြင့် အဝေးမှသာ ကြည့်နေရသည်ဟု ဒေသခံများက ပြောပါသည်။

အပင်များအားလုံး အပြီးသတ် ခုတ်လှဲခံရသည့် ဥယျာဉ်ခြံ ၅ ခြံ၏ ပိုင်ရှင်များမှာ --

(၁) ဦးအဒူဟာဖီးဇ် (ဘ) ဦးအဘူလ်ဘော်ရှော်ရ် (အသက် ၃၀ နှစ်) - ၀ါးချကျေးရွာမှ
(၂) ဦးနူရ်အစ္စလာမ် (ဘ) ဦးနာဇီရ်ဟူစိန်း (အသက် ၅၀ နှစ်) - ၀ါးချကျေးရွာမှ
(၃) ဦးအဘူလ်ဟူစိန်း (ဘ) ဦးလာလူ (အသက် ၃၅ နှစ်) - ၀ါးချကျေးရွာမှ
(၄) ဦးမာမတ်အာမီးန် (ဘ) ဦးဆွေယာဒ်အာလမ် (အသက် ၅၀ နှစ်) - သံဒါကျေးရွာမှ
(၅) ဦးမာမတ်ကာဆိမ်း (ဘ) ဦးဖော်ဇော်လ် (အသက် ၆၀ နှစ်) - သံဒါကျေးရွာမှ -- တို့ဖြစ်ပါသည်။ 

Comment ရေးရန်

Rohingya Exodus