တောင်ပြိုလက်ဝဲတွင် ပုဇွန်သားပေါက် ကိုယ်စားလှယ် များကြောင့် ဒေသခံများ အခက်ကြုံ
MYARF
RB News
12.2.2015
တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲ မြို့နယ်ခွဲ ရေတွင်းပြင် ကျေးရွာမှ ပုဇွန်သားပေါက် ကိုယ်စားလှယ် ရရှိသူများက နယ်ခြားစောင့် ရဲများနှင့် ပူးပေါင်း၍ ပုဇွန်သားပေါက် လုပ်ငန်း လုပ်ကိုင်သူများကို နည်းမျိုးစုံဖြင့် ဒုက္ခပေးလျက် ရှိသောကြောင့် ဒေသခံများ စားဝတ်နေရေး အခက်ကြုံနေရကြောင်း သတင်း ရရှိပါသည်။
မောင်တောခရိုင် တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာမှ ဆယ်အိမ်မှူးများ ဖြစ်ကြသည့် ဦးကာမာလ် (ဘ) ဦးဘာရှားမျာနှင့် ဦးနူရ်အာလာမ် (ဘ) ဦးကာလူ တို့သည် ရေတွင်းပြင် ကျေးရွာတွင် ပုဇွန်သားပေါက် ရောင်းဝယ်ရန် တောင်ပြိုလက်ဝဲ မြို့နယ်ခွဲရှိ ဗျူဟာမှူး ထံမှ တစ်ဦးတည်း ကိုယ်စားလှယ် ရယူခဲ့သည်။ ထို့နောက် အဆိုပါ တစ်ဦးတည်း ကိုယ်စားလှယ် လုပ်ကိုင်ခွင့်ကို ဦးအီလီယာစ် (ဘ) ဦးဇော်ကိရ်၊ ဦးဆောယာဒ်နူရ် (ဘ) ဦးဖောရီဇူလ်ဟောက်၊ ဦးရှုနာမျာ (ဘ) ဦးဆောယာဒ်အာမတ် နှင့် အခြားတစ်ဦး တို့ကို ထပ်ဆင့် ရောင်းချခဲ့ကြောင်း သိရသည်။
ပုဇွန်သားပေါက် ကိုယ်စားလှယ် ထပ်ဆင့် ၀ယ်ယူသူများက ပုဇွန်သားပေါက် ရှာဖွေ ရောင်းချသူများထံမှ ၀ယ်ယူ၍ ၎င်းတို့ လုပ်ငန်းကို လည်ပတ်လျက် ရှိသော်လည်း ကနဦး ကိုယ်စားလှယ် ရရှိခဲ့သူ ဆယ်အိမ်မှူး နှစ်ဦးက ပုဇွန်သားပေါက် ရှာဖွေ ရောင်းချသူများထံမှ အကြောင်းမဲ့ ငွေကောက်ခံလျက် ရှိကြောင်း ဒေသခံ တစ်ဦးက RB News သို့ပြောသည်။ အဆိုပါ ဆယ်အိမ်မှူး နှစ်ဦး တောင်းခံသည့် ငွေကို မပေးပါက ရေတွင်းပြင် ချောင်းဝ (ပြူးမချောင်းဝ) စခန်းရှိ နယ်ခြားစောင့် ရဲများနှင့် ပူးပေါင်း၍ ပုဇွန်သားပေါက် ရှာဖွေသူများကို ဖမ်းဆီးခြင်း၊ ရှာထားသမျှ ပုဇွန်သားပေါက် များကို သိမ်းဆည်းခြင်း၊ ရိုက်နှက်ခြင်း၊ ပိုက်များ သိမ်းယူခြင်း၊ ငွေညှစ်ခြင်းများ ပြုလုပ်လျက် ရှိသည်ဟု ဆိုသည်။
၎င်းတို့က ပုဇွန်သားပေါက် ဖမ်းကျားပိုက် တစ်ခု အတွက် ငွေကျပ် တစ်သောင်းနှင့် လက်တွန်း ပိုက်ငယ် တစ်ခု အတွက် ငွေကျပ် ၅၀၀၀ စီ ညှစ်ယူလျက် ရှိကြောင်း အဆိုပါ ဒေသခံက ပြောပါသည်။
ငွေကျပ် တစ်သောင်းစီ ပေးရသည့် ကျားပိုက် သမား အချို့မှာ --
(၁) ဦးနူရ်မာမတ် (ဘ) ဦးကာလာမျာ
(၂) ဦးဆော်လိမ် (ဘ) ဦးဒူဒူမျာ
(၃) ဦးအာဘူလ်ကာလာမ် (ဘ) ဦးဆော်ယာဒ်အုလ္လာ
(၄) ဦးအာမာန်အုလ္လာ (ဘ) ဦးအာမီးရ်ဟူစိန်း
(၅) ဦးရှော်ဖိတ် (ဘ) ဦးအာလာမ်
(၆) ဦးရော်ဖိတ် (ဘ) ဦးဇီယာအုလ္လာ
(၇) ဦးနာဇီရ်ဟူစိန်း (ဘ) ဦးအီမာန်ဟူစိန်း -- တို့ဖြစ်သည်။
ရေတွင်းပြင် ကျေးရွာသား အများစုမှာ အလွန်ဆင်းရဲသူများ ဖြစ်ကြပြီး ရွာသား ၈၀% ကျော်မှာ ချောင်းကို မှီခို၍ အသက်မွေးဝမ်းကျောင်း ပြုနေသူများ ဖြစ်ကြသည်။ အဆိုပါ ဆယ်အိမ်မှူး နှစ်ဦးက နယ်ခြားစောင့် ရဲများနှင့် ပူးပေါင်း၍ နှိပ်စက်လျက် ရှိနေသောကြောင့် ဆင်းရဲသည့် ဒေသခံများ လုပ်ကိုင်စားသောက်ရန် ချောင်းသို့ပင် မသွားနိုင် ဖြစ်နေသဖြင့် စားဝတ်နေရေး အခက်ကြုံနေရသည်ဟု ဒေသခံများက ပြောပါသည်။
