နောက်ဆုံးသတင်း/ဆောင်းပါးများ

ရေတွင်းပြင်မှ နယ်ခြားစောင့် ရဲများက ရိုဟင်ဂျာပိုင် ဆိတ်များ လုယက် သတ်ဖြတ်စား



MYARF
RB News
1.2.2015

တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာ အခြေစိုက် နယ်ခြားစောင့် ရဲများက ကျေးရွာ အတွင်းရှိ ဒေသခံ ရိုဟင်ဂျာများ ပိုင်ဆိုင်သော ဆိတ်များကို လုယက်၍ သတ်ဖြတ် စားသောက်လျက် ရှိကြောင်း သတင်း ရရှိပါသည်။
တောင်ပြိုလက်ဝဲ မြို့နယ်ခွဲ၊ ယခင် အမှတ် (၄) နယ်မြေ၊ ဇီးပင်ချောင်း ကျေးရွာရှိ နယ်ခြားစောင့် ရဲတပ်ဖွဲ့ စခန်း အမှတ် (၁၀) ၏ စခန်းခွဲ ရေတွင်းပြင် ကျေးရွာ ပိုက်နက် ပြူးမချောင်း အ၀တွင် ရှိသော နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့် ရဲများသည် ရေတွင်းပြင် ကျေးရွာ အတွင်းရှိ ဒေသခံ ရိုဟင်ဂျာများ ပိုင်ဆိုင်သော ဆိတ်များကို တစ်ကောင်ပြီး တစ်ကောင် လုယက် သတ်ဖြတ် စားနေကြသည်ဟု ဒေသခံ တစ်ဦးက RB News သို့ပြောပါသည်။

ဇန်န၀ါရီလ တစ်လ အတွင်း အဆိုပါ နယ်ခြားစောင့် ရဲများ၏ လုယက်ခြင်းကို ခံရသည့် ဆိတ်ပိုင်ရှင်များမှာ --
(၁) ဦးအာဇီဇူလ်ဟောက် (ဘ) ဦးအာဘူလ်ဟူစိန်း (အသက် ၃၁ နှစ်) -- ဆိတ်တစ်ကောင် ဇန်န၀ါရီလ ၄ ရက်နေ့က လုယက်ခံရသည်။
(၂) ဦးဖုရ်ခါန် (ဘ) ဦးအီလီယာစ် (အသက် ၂၈ နှစ်) -- ဆိတ်တစ်ကောင် ဇန်န၀ါရီလ ၇ ၇က်နေ့က လုယက်ခံရသည်။
(၃) ဦးဖော်ရိတ် (ဘ) ဦးအီလီယာစ် (အသက် ၃၀ နှစ်) -- ဆိတ်တစ်ကောင် ဇန်န၀ါရီလ ၂၈ ရက်နေ့က လုယက်ခံရသည်။

“နယ်ခြားစောင့် ရဲတွေကို နယ်စပ်ကို ကာကွယ်ဖို့ အစိုးရ တာဝန်ပေးလိုက်ပေမယ့် သူတို့က ဒေသခံတွေရဲ့ ပိုင်ဆိုင်မှုတွေကို လုယက် ဖျက်ဆီးနေတာ စရောက်ကတည်းပါ။ ကျွန်တော်တို့က အထက် အရာရှိတွေကို တိုင်ဖို့ ကြိုးစားပေမယ့် အနားတောင် ကပ်လို့တောင် မရဘူး” ဟု ဒေသခံ တစ်ဦးက ပြောပါသည်။

“အဲဒီ စခန်းက နယ်ခြားစောင့် ရဲတွေက အင်မတန် ရက်စက်ပါတယ်။ နေ့တိုင်းလိုလို ငါးဖမ်းသမား တွေကို ကုန်းပေါ်ကို ခေါ်တယ်။ ပြီးတော့ ဖမ်းလို့ရထားတဲ့ ငါးတွေကို လုယက်တယ်။ မပေးရင် ရိုက်တယ်။ တစ်နေကုန် ဖမ်းဆီး ချုပ်နှောင် ထားတယ်။ ငါးရောင်းလို့ ရတဲ့ငွေတွေကိုလည်း လုယက်တယ်။ ဒီမှာတော့ နယ်ခြားစောင့်ရဲတွေရဲ့ နေ့စဉ် ညှဉ်းပန်း နှိပ်စက်မှု၊ လုယက်မှု၊ ငွေညှစ်တွေကတော့ အဆက်မပြတ်ပါဘဲ” အခြားသော ဒေသခံ တစ်ဦးက RB News သို့ပြောပါသည်။

Comment ရေးရန်

Rohingya Exodus