နယ်ခြားစောင့် ရဲများက ဒေသခံ တစ်ဦး၏ ဖုန်းတွင် ဘင်္ဂလား ဆင်းမ်ကဒ် ထည့်၍ လုပ်ကြံပြီး ငွေညှစ်
RB News
3.4.2015
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် မြောင်းနား ကျေးရွာ အုပ်စုမှ ဒေသခံ တစ်ဦးကို နယ်ခြားစောင့် ရဲများက ဖမ်းဆီး၍ ဖုန်းထဲတွင် ဘင်္ဂလား ဆင်းမ်ကဒ် ထည့်ပြီး လုပ်ကြံကာ ငွေညှစ်ခဲ့ကြောင်း သတင်း ရရှိပါသည်။
မတ်လ (၂၈) ရက်နေ့ ည ၇ နာရီ အချိန်တွင် ဘူးသီးတောင် မြို့နယ် တောင်ပိုင်း မြောင်းနား ကျေးရွာအုပ်စုမှ အာယာတူလ္လာ (ဘ) ဦးအာယုဖ်ခါန် နှင့် သူငယ်ချင်း တစ်စု တို့သည် အငူမော်လမ်းမကြီး ဘေးတွင် ထိုင်စကား ပြောနေစဉ် ကင်းချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့ ရဲကင်းစခန်းမှ တပ်ဖွဲ့ဝင်နှစ်ဦး ဆိုင်ကယ်ဖြင့် ရောက်ရှိလာပြီး အကြောင်းမဲ့ ဖမ်းဆီးရန် ကြိုးစားရာ အာယာတူလ္လာ၏ သူငယ်ချင်းများ ထွက်ပြေး သွားသော်လည်း အာယာတူလ္လာသည် မသန်စွမ်းသူ တစ်ဦး ဖြစ်သောကြောင့် တိမ်းရှောင် သွားနိုင်ခြင်း မရှိခဲ့ကြောင်း သိရသည်။ ထို့နောက် နယ်ခြားစောင့် ရဲနှစ်ဦးက အာယာတူလ္လာ၏ MPT ဖုန်းထဲတွင် ဘင်္ဂလား ဆင်းမ်ကဒ် ထည့်၍ ဘင်္ဂလား ဆင်းမ်ကဒ် မိသည်ဟု လုပ်ကြံပြီး ဖမ်းဆီး ခေါ်ဆောင်သွားပြီး ရဲကင်းစခန်းတွင် တစ်ညလုံး ရိုက်နှက် နှိပ်စက်ခဲ့ကြောင်း ဒေသခံ တစ်ဦးက RB News သို့ပြောသည်။
မတ်လ (၂၉) ရက်နေ့ နံနက် ၁၀ နာရီ အချိန်တွင် ကင်းချောင်း ရဲကင်း စခန်းမှူးက အာယာတူလ္လာ ထံမှ ငွေကျပ် ငါးသိန်း ညှစ်ယူ၍ ပြန်လည် လွှတ်ပေးခဲ့သည်ဟု အဆိုပါ ဒေသခံက ပြောပါသည်။ ရဲကင်း စခန်းမှူး တောင်းခံသည့် ငွေကို မပေးပါက ပုဒ်မမျိုးစုံတပ်၍ ထောင်ချမည်ကို စိုးရိမ်ပြီး ရဲကင်း စခန်းမှူး တောင်းသည့်ကို ငွေကို ပေးခဲ့ရသည်ဟု ၎င်းကဆိုသည်။
ထိုဒေသတွင် ယခင်က ရှိခဲ့သည့် တပ်ရင်းမှူးက လက်အောက်ငယ်သားများ ငွေညှစ်လျှင် ထိရောက်စွာ အရေးယူခဲ့သော်လည်း ယခု အသစ်ရောက်ရှိလာသည့် ရဲမှူးကြီး စွမ်းဇာနည်သည် အပြောအဆို ကောင်းသော်လည်း တကယ်တမ်းတွင် ထိရောက်စွာ လုပ်ဆောင် ပေးခြင်း မရှိဟု ဆိုသည်။ ကင်းချောင်း ရဲကင်းစခန်း ရောက်ရှိလာပြီး နောက်ပိုင်းတွင် ရွာများမှ လမ်းသွားလမ်းလာ များကို နည်းမျိုးစုံဖြင့် အနှောက်အယှက် ပေးလျက် ရှိပြီး၊ ညအချိန်မတော် ရွာများထဲသို့ ၀င်ရောက်၍ ကင်းသမားများကို အကြောင်းမဲ့ ရိုက်နှက်၍ ငွေညှစ်ခြင်း၊ သေနတ်ပစ်ဖောက်ခြင်းများ အမျိုးမျိုး ပြုလုပ်လျက် ရှိသည်ဟု ဒေသခံများက ဆိုသည်။ နယ်ခြားစောင့် ရဲများ၏ လုပ်ဆောင်ချက် များသည် တရား ဥပဒေ စိုးမိုးမှု ကင်းမဲ့လျက် ရှိနေသည်ကို မီးမောင်းထိုးပြလျက် ရှိပြီး၊ ၎င်းတို့၏ ဥပဒေမဲ့ လုပ်ဆောင်ခြင်းများကို ရဲမှူးကြီး စွမ်းဇာနည်မှ အရေးယူ ဆောင်ရွက် ပေးရန် လိုအပ်ကြောင်း၊ ဤကဲ့သို့ ဆက်လက် ဖြစ်ပေါ်နေပါက ရွာသားများနှင့် နယ်ခြားစောင့် ရဲများ အကြား မလိုလားအပ်သည့် ပြဿနာများ ဖြစ်ပေါ်လာနိုင်သည်ဟု ဒေသခံများ ပြောပါသည်။
