ငါးခူရ အခြေစိုက် နယ်ခြားစောင့် ရဲများ ကျေးရွာများ အတွင်းသို့ ၀င်ရောက်၍ လုယက် ရိုက်နှက်
MYARF
RB News
6.4.2015
မောင်တော ။ ။ မောင်တော မြို့နယ် မြောက်ပိုင်း၊ ငါးခူရ ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်း (ယခင် အမှတ် ၅ နယ်မြေ စခန်း) မှ ရဲမှူး အပါအ၀င် နယ်ခြားစောင့် ရဲတပ်ဖွဲ့ဝင် ၁၆ ဦးသည် ဧပြီလ (၃) ရက်နေ့ နေ့လည်ပိုင်း အချိန်တွင် ကားတစ်စီးဖြင့် လောင်းဒုံကျေးရွာ၊ ငန်းချောင်း ကျေးရွာ၊ ဖားဝပ်ချောင်း ကျေးရွာ၊ ရေတွင်းကျွန်း ကျေးရွာ၊ ကျားခေါင်းတောင် ကျေးရွာ စသော ကျေးရွာများရှိ ဈေး၊ လူစည်ကားရာ ခွဆုံ စသော နေရာများသို့ သွားရောက်ပြီး ဈေးဆိုင်များကို စစ်ဆေးခြင်း၊ ဈေးဆိုင်များမှ ကုန်ပစ္စည်းများ လုယက်ခြင်း၊ လမ်းသွားလမ်းလာ များကို စစ်ဆေးခြင်း၊ မတရား ရိုက်နှက်ခြင်းများ ပြုလုပ်ခဲ့ကြောင်း ဒေသခံများက RB News သို့ပြောသည်။
အဆိုပါ ရဲမှူးနှင့် အဖွဲ့သည် ညနေ ၅း၃၀ နာရီ အချိန်တွင် ကျားခေါင်းတောင် နယ်ခြားစောင့် ရဲတပ်ဖွဲ့ စခန်း အနောက်ဘက်ရှိ ခွဆုံသို့ သွားရောက်ပြီး ဒေသခံများကို စစ်ဆေး ရိုက်နှက်သဖြင့် ဒေသခံများ ကြောက်ရွံပြီး ထွက်ပြေးခဲ့ရသည်။ ထို့နောက် နယ်ခြားစောင့် ရဲများသည် အဆိုပါ ခွဆုံရှိ ကျားခေါင်းတောင် ရွာသား ဦးအဒူလ္လာ (ဘ) ဦးအဒူဘာရီ၏ ဆိုင်သို့ ၀င်ရောက်ပြီး ရှာဖွေ စစ်ဆေးခဲ့ရာ မည်သည့် တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း နယ်ခြားစောင့် ရဲများက ဆိုင်မှ စားကုန်ပစ္စည်းအချို့၊ ဆေးလိပ်ဘူး၊ အချိုရည်ဘူးများ လုယက်သွားခဲ့သည်။ ၎င်းတို့ လုယက်နေစဉ် ဆိုင်ရှင် ဖြစ်သူ ဦးအဒူလ္လာသည် ဆိုင်တွင် ရှိမနေခဲ့ဘဲ ဆိုင်စောင့် နေသည့် ၉ နှစ်အရွယ် ဦးအဒူလ္လာ၏ ညီငယ်ကို နယ်ခြားစောင့် ရဲများက ဘင်္ဂလားဖုန်း ဘယ်မှာထားခဲ့လဲ၊ WY တွေ ဘယ်မှာထားလဲ ဟုဆိုကာ ကလေးငယ်ကို ခြိမ်းခြောက်ခြင်းများ ပြုလုပ်ခဲ့ကြောင်း ဒေသခံ တစ်ဦးက ပြောပါသည်။ ၎င်းတို့ လုယက်သွားသည့် ပစ္စည်းများမှာ ငွေကျပ် တစ်သောင်းကျော်ဖိုး ရှိသည်ဟု ဆိုသည်။
ဧပြီလ (၄) ရက်နေ့တွင်လည်း အဆိုပါ ရဲမှူးနှင့် အဖွဲ့သည် ယင်းကျေးရွာများသို့ သွားရောက်ပြီး ဒေသခံများကို အကြောင်းမဲ့ စစ်ဆေးခြင်း၊ ရိုက်နှက်ခြင်းများ ဆက်လက် ပြုလုပ်ခဲ့သည်။ ဧပြီလ (၅) ရက်နေ့တွင်လည်း ရဲမှူးနှင့် နယ်ခြားစောင့်ရဲ (၁၀) ဦးပါ အဖွဲ့သည် နေ့လည် ၁၂း၁၅ နာရီ အချိန်တွင် ကျားခေါင်းတောင် ခွဆုံသို့ သွားရောက်ပြီး လမ်းသွားနေသည့် အမျိုးသမီး (၈) ဦးကို ၀တ်ရုံ (ဘုရ်ခါ) များ ချွတ်ခိုင်းပြီး နယ်ခြားစောင့် ရဲများကိုယ်တိုင် အမျိုးသမီး များကို ကာအိနြေ္ဒ ပျက်ပြားစေသည့် အထိ ကိုယ်ထိလက်ရောက် စော်ကားမှုများ ပြုလုပ်ခဲ့သည်။
ထို့နောက် ရဲမှူးနှင့် အတူပါဝင်သည့် နယ်ခြားစောင့်ရဲ (၆) ဦးတို့သည် ဦးအဒူလ္လာသို့ တစ်ဖန် သွားရောက်၍ စားကုန် ပစ္စည်း ငွေကျပ် ၈၅၀၀ ဖိုး လုယက်ပြီး ထွက်သွားကြရာ ဆိုင်စောင့်နေသည့် ကလေးငယ်က ကားပေါ်ရှိ ရဲမှူးထံသို့ သွားရောက်၍ ငွေမပေးဘဲ ပစ္စည်းများ ယူသွားကြောင်း ပြောဆို၍ ငွေတောင်းခဲ့သည်။ ရဲမှူးက ၎င်း၏ တပ်ဖွဲ့ဝင် များကို ငွေရှင်း/မရှင်း မေးမြန်းရာ ငွေရှင်းပြီးကြောင်း လိမ်ညာပြောဆိုပြီး ကလေးငယ်ကို ငွေကျပ် ၂၅၀၀ ပေးခဲ့သည်။ သို့သော်လည်း ကလေးငယ်က နယ်ခြားစောင့် ရဲများ ပေးသည့် ငွေကျပ် ၂၅၀၀ ကို လက်ခံမယူဘဲ ငိုကြွေး၍ ဆိုင်သို့ ထွက်သွားခဲ့သည်။ ထို့နောက် နယ်ခြားစောင့် ရဲများသို့ ဆိုင်အတွင်းသို့ တစ်ဖန် သွားရောက်ပြီး လိုက်ချီ အအေးဗူး ၆ ဘူးကို ငွေမပေးဘဲ ယူပြီး ရဲမှူးကို တစ်ဗူးပေးကာ ကျန် ၅ ဘူးကို ၎င်းတို့ သောက်သုံးကာ ဆိုင်မှ ထွက်သွားခဲ့ကြောင်း အဆိုပါ ဒေသခံက ပြောပါသည်။
