နောက်ဆုံးသတင်း/ဆောင်းပါးများ

ဦးထွန်းမင်းနိုင်က ဒေသခံ ရွာသား နှစ်ဦးကို ကားဖြင့် တိုက်၍ လျော်ကြေး မပေး၊ တောင်းပန်ခြင်း မရှိ



Rohingya Eye
RB News
20.8.2015

မောင်တော ။ ။ ရခိုင်ပြည်နယ်၊ မောင်တော မြို့နယ် အနောက်ရပ်ကွက်နေ ရခိုင် ကုန်သည်ကြီး ဦးဝေသာမောင်၏ သား ဦထွန်းလှစိန် (မောင်တော ခရိုင် ပြည်ခိုင်ဖြိုး ပါတီ အတွင်းရေးမှူး) ၏ ယောက်ဖ တော်စပ်သူ ဦးထွန်းမင်းနိုင် (ခ) ဘော်လာဇူရီးသည် သြဂုတ်လ (၉) ရက်နေ့ ည ၇း၁၅ နာရီ အချိန်တွင် ရွှေဇားကျေးရွာ အုပ်စု၊ မြောက်ရွာ အနောက်ဘက်လမ်းရှိ သင်္ချိုင်းကြီး၏ တောင်ဘက်တွင် ဒေလ်ဖာရာ ရွာသား ရိုဟင်ဂျာ လူငယ် နှစ်ဦးကို မောင်းနှင်လာသည့် ကားဖြင့် အရှိန်ပြင်း တိုက်ခဲ့သည်။ ကားတိုက်ခံရသည့် ဖူတူးယား (ဘ) ဦးဇိုက်ဟူဆောင်း (အသက် ၁၈ နှစ်) သည် ခြေထောက်တွင် ဒဏ်ရာရရှိခဲ့ပြီး၊ ဦးဇော်ဟိရ်အာမတ် (ဘ) ဦးဟူဆောင်းအာမတ် (အသက် ၃၈ နှစ်) သည်လည်း မျက်နှာတွင် ပြင်းထန်စွာ ဒဏ်ရာရရှိခဲ့သည်။

ဦးထွန်းမင်းနိုင်၏ မဆင်မခြင် မောင်းနှင်မှုကြောင့် ကားတိုက်ခံရသူ ရွာသားနှစ်ဦးကို လျော်ကြေး တစ်စုံတစ်ရာ ပေးခြင်း၊ တောင်းပန်ခြင်း၊ ဆေးကုသပေးခြင်း မပြုလုပ်ဘဲ ကားကို အရှိန်ဖြင့် ဆက်လက်မောင်းနှင်၍ မြို့ထဲဘက်သို့ ထွက်ခွာ သွားခဲ့ကြောင်း ဒေသခံများက RB News သို့ပြောပါသည်။ 

အဆိုပါ ဦးထွန်းမင်းနိုင်သည် လွန်ခဲ့သည့် ဇွန်လ (၃) ရက်နေ့ကလည်း သင်္ဘောဆိပ်လမ်းတွင် ရပ်ထားသည့် ကားတစ်စီးကို မှန်ရိုက်ချိုးခြင်း၊ ရိုဟင်ဂျာ လူငယ်တစ်ဦး ဖြစ်သည့် မာမတ်ဂျမာလ်ကို ခေါင်းကွဲသည့် အထိ ရိုက်နှက်ခြင်းများ ပြုလုပ်၍ ရမ်းကားခဲ့သည်။ ထိုသို့ ရမ်းကားနေစဉ် တာဝန်ကျ ရဲများ ရှိနေခဲ့သော်လည်း ဖမ်းဆီး အရေးယူခြင်း မပြုလုပ်ခဲ့ဘဲ၊ မြို့မ ကညင်တန်း ကျေးရွာ၊ အထက်တန်း ကျောင်းတွင် အခြေစိုက် ထားသည့် တပ်မတော် တပ်ရင်းမှ တပ်ရင်းမှူးအား အကြောင်းကြားမှသာ ရဲများက ဖမ်းဆီးခဲ့ပြီး အချုပ်ခန်းတွင် ထိန်းသိမ်း ထားခဲ့သော်လည်း ဇွန်လ (၅) ရက်တွင် ၎င်းကို ဖမ်းဆီးခိုင်းခဲ့သည့် တပ်ရင်းမှူး၏ အမိန့်ဖြင့် ပြန်လည် လွတ်မြောက်လာခဲ့သည်။ ထိုသို့ လွတ်မြောက်လာရန် အတွက် တပ်ရင်းမှူးကို လာဘ်ငွေ အမြောက်အမြား ပေးခဲ့ရသည်ဟု ဒေသခံများက ပြောပါသည်။ 

ဦးထွန်းမင်းနိုင်သည် WY မူးယစ် ဆေးဝါးများကို မောင်တောမြို့တွင် တစ်ဦးတည်း ဖြန့်ချီရောင်းချ နေသူ တစ်ဦး ဖြစ်ပြီး၊ ခရိုင် ရဲတပ်ဖွဲ့မှူး ဦးရွှေသိန်း၊ မြို့မ ရဲစခန်းမှ ဒုရဲမှူး သိန်းကျော် တို့အား လစဉ်ကြေး ပုံမှန် ပေးနေသဖြင့် ၎င်းက ဆူပူ သောင်းကျန်းလျှင်လည်း အရေးယူ ထိန်းသိမ်းနိုင်ခြင်း မရှိဟု ဒေသခံများက ဆိုသည်။ ပုဒ်မ ၁၄၄ ထုတ်ပြန် ထားသည့် မြို့အတွင်း ယခုကဲ့သို့ စိတ်ထင်တိုင်း သောင်းကျန်းနေသည်ကို လက်နက်ကိုင် အာဏာပိုင်များက ထိရောက်စွာ အရေးယူနိုင်ခြင်း မရှိသည်မှာ တရား ဥပဒေ စိုးမိုးရေး ညံ့ဖျင်းမှု၏ လက္ခဏာ တစ်ရပ် ဖြစ်သည်ဟု ဒေသခံများက ပြောပါသည်။

Comment ရေးရန်

Rohingya Exodus