ရွှေဇား အောင်ဗလရွာရှိ ကင်းစခန်းမှ နယ်ခြားစောင့်ရဲ များက ငွေညှစ်၊ အကြမ်းဖက်ရန် ကြိုးစား

ဖေဖော်ဝါရီလ (၂၄) ရက်နေ့ ည (၈) နာရီအချိန်တွင် အဆိုပါ နယ်ခြားစောင့် ရဲတပ်ဖွဲ့ ကင်းစခန်း နှစ်ခုမှ နယ်ခြားစောင့်ရဲ (၆) ဦးနှင့် အောင်ဗလရွာမှ တပည့် ကာလာချေ (ရခိုင်) နှင့် ၎င်း၏ ယောက်ဖ (န.စ.က ဟောင်း) တို့သည် ရွှေဇား ကျေးရွာအုပ်စု၊ အလယ်ရွာသို့ သွားရောက်၍ ရွာထဲရှိ လယ်ကွင်းတွင် ထိုင်၍ စကားပြောနေသော လူငယ် (၄) ဦးကို ဖမ်းဆီး၍ ၀န်းရံခဲ့ရာ နယ်ခြားစောင့်ရဲ များက ဘင်္ဂလား ဆင်းမ်ကဒ်နှင့် မူးယစ်ဆေးဝါးများ ထည့်သွင်း ပေးကာ လုပ်ကြံ ဖမ်းဆီးလေ့ ရှိသည်ကို စိုးရိမ်၍ ထွက်ပြေး သွားခဲ့သည်။ 

နယ်ခြားစောင့်ရဲ များက နောက်မှ လိုက်လံသွားရာ ကော်ဘိရ်နှင့် နူရ်ကာလာမ် တို့၏ ညီတစ်ဝမ်းကွဲ တော်စပ်သူကို အိမ်အတွင်း မီးဖိုခန်းထဲထိ ၀င်ရောက်၍ ဖမ်းဆီးခဲ့သည်။ ဖမ်းဆီးစဉ် မိဘနှစ်ပါးက ဖမ်းဆီးရခြင်း အကြောင်းကို နယ်ခြားစောင့်ရဲ နှစ်ဦးအား မေးမြန်းရာ နယ်ခြားစောင့်ရဲ များက မိဘနှစ်ပါးလုံးကို ထိုးကြိတ်သည့် အပြင် ဖခင်ဖြစ်သူကို လက်ထိပ်ခတ်၍ သားအဖ နှစ်ဦးစလုံးကို ဖမ်းဆီးခေါ်ဆောင် သွားနေသဖြင့် မိသားစုဝင်များက အော်ဟစ်ခဲ့သည်။ ၎င်းတို့၏ အော်ဟစ်မှုကြောင့် အိမ်နီးချင်း အချို့ ရောက်ရှိလာရာ နယ်ခြားစောင့်ရဲ များက သေနတ် ပစ်ဖောက်၍ ခြိမ်းခြောက်ခဲ့သည်။ သေနတ်ပစ်ဖောက်သံ ကြား၍ ရွာသားများက ဓါတ်မီး ထိုးကြည့်သဖြင့် နယ်ခြားစောင့်ရဲ များက နောက်ထပ် သေနတ် (၃) ချက် ပစ်ဖောက်၍ ထွက်ပြေးသွားခဲ့သည်။ 

နယ်ခြားစောင့်ရဲများ လက်ထိပ်ခတ်ခဲ့သည့် သားအဖ နှစ်ဦးမှာ လက်ထိပ်ခတ်လျက် ကျန်နေခဲ့သည်။ နယ်ခြားစောင့်ရဲများ စခန်းသို့ ရောက်သည်နှင့် ကျောက်လှေကား ကျေးရွာ အခြေစိုက် နယ်မြေ (၆) စခန်းမှ ရဲမှူး (နယ်မြေမှူး) ထံ ဖုန်းဆက်၍ နယ်ခြားစောင့်ရဲ များက ရွှေဇား ကျေးရွာအုပ်စု အလယ်ရွာမှ WY များ ဖမ်းဆီးခဲ့ကြောင်း၊ သို့သော်လည်း ရွာသားများက အကြမ်းဖက်၍ ပြန်လည် လုယက်ယူသွားကြောင်း လီဆယ်၍ တိုင်ကြားခဲ့သည်။ နယ်မြေမှူးက ရွှေဇား ကျေးရွာ အုပ်ချုပ်ရေးမှူး ဦးသန်းဝင်း (ခ) ငလုံးချေထံ ဖုန်းဆက်၍ ရွာသားများက အကြမ်းဖက် လုယက်ခဲ့သည့် သတင်းကို မေးမြန်းခဲ့သည်။ ထိုစဉ် ရွာသားများသည် နယ်ခြားစောင့်ရဲများ လက်ထိပ်ခတ်၍ ထားခဲ့သည့် သားအဖ နှစ်ဦးနှင့် အတူ အုပ်ချုပ်ရေးမှူးထံ ရောက်ရှိလာပြီး အကြောင်းစုံ ရှင်းပြခဲ့သည်။ အုပ်ချုပ်ရေးမှူးက နယ်မြေမှူးထံ ဖြစ်ရပ်မှန်ကို တင်ပြခဲ့သည်။ 

ဖေဖော်ဝါရီလ (၂၅) ရက်နေ့ နံနက်ပိုင်းတွင် အဆိုပါ နယ်မြေမှူးသည် ရွှေဇား ကျေးရွာအုပ်စုရှိ စခန်း (၁၄) (ကညောင်ချောင်း စခန်း) သို့ ရောက်ရှိလာပြီး ရွှေဇား ကျေးရွာအုပ်စု အုပ်ချုပ်ရေးမှူး အဖွဲ့နှင့် ရွာသားများကို ခေါ်ယူကာ ဖြစ်စဉ်ကို စစ်ဆေး မေးမြန်းခဲ့သည်။ ရွာသားများက ဖြစ်ရပ်မှန် တင်ပြပြီး၊ နယ်ခြားစောင့်ရဲ များက အချိန်မတော် ရွာထဲသို့ ၀င်ရောက်၍ ရွာသားများကို ထိုးကြိတ် ရိုက်နှက်ခြင်း၊ လုပ်ကြံ ဖမ်းဆီးခြင်း၊ ငွေညှစ်ခြင်း၊ အိမ်များထဲသို့ ၀င်ရောက်၍ အမျိုးသမီး များကို မဖွယ်မရာ ပြုလုပ်ခြင်း၊ ရွာထဲဝင်လာလျှင် အုပ်ချုပ်ရေးမှူးနှင့် အဖွဲ့ကို အကြောင်းမကြားခြင်း၊ အိမ်များထဲသို့ ၀င်လျှင် အတူခေါ်မလာခြင်း စသည်တို့ကို တင်ပြခဲ့သည်။ 

ထို့နောက် နယ်မြေမှူးက နယ်ခြားစောင့်ရဲ များသည် လုံခြုံရေး တပ်ဖွဲ့ဝင်များ ဖြစ်သဖြင့် အချိန်မတော် ရွာထဲသို့ ၀င်ရောက် စစ်ဆေးခွင့် ရှိကြောင်း၊ သို့သော်လည်း အုပ်ချုပ်ရေးမှူးနှင့် အဖွဲ့ကို ခေါ်ရမည် ဖြစ်ကြောင်း၊ ဖြစ်ပျက် သွားသည်များကို ထား၍ နောက်နောင် နယ်ခြားစောင့်ရဲများ ရွာထဲ ၀င်လာလျှင် ရွာသားများက အော်ဟစ်ခြင်း၊ ဆဲဆိုခြင်းများ မပြုလုပ်ရန်၊ နယ်ခြားစောင့်ရဲ များကလည်း အုပ်ချုပ်ရေးမှူးနှင့် အဖွဲ့ကို ခေါ်ရန်၊ အကယ်၍ နယ်ခြားစောင့်ရဲ များက ရွာထဲသို့ ၀င်၍ ရွာသားများကို မတရား ဖမ်းဆီးခြင်း၊ ရိုက်နှက်ခြင်း၊ လုပ်ကြံ ငွေညှစ်ခြင်းများ ပြုလုပ်လျှင် ရွာသားများ အနေဖြင့် ဆူပူ အော်ဟစ်ခြင်း၊ ဆဲဆိုခြင်း မပြုလုပ်ဘဲ ၎င်းထံ ဖုန်းဆက် တိုင်ကြားရန်၊ ၎င်းက ချက်ချင်း လာရောက်၍ လိုအပ်သလို ဖြေရှင်းပေးမည်ဟု ပြောဆို၍ ဖုန်းနံပါတ် ပေးခဲ့ကြောင်း၊ နယ်မြေမှူး၏ ပြောဆိုမှုများကို ရွာသားများက ကျေနပ်အားရ၍ နောက်နောင် နယ်မြေမှူးထံ တိုက်ရိုက် တိုင်ကြားသွားမည်ဟု ပြောကြားခဲ့သည်။ 

ဖေဖော်ဝါရီလ (၂၃) ရက်နေ့ ည ၈း၃၀ နာရီ အချိန်တွင်လည်း ရွှေဇား ကျေးရွာအုပ်စု စေတီပြင်ရွာသို့ သွားရောက်၍ ကွမ်းယာဆိုင်တွင် ထိုင်နေသည့် မောင်ဂျာဘူ (ဘ) ဦးဟူစိန်းအာမတ် (အသက် ၁၆ နှစ်) ကို စစ်ဆေးပြီး လူအများ ရှေ့မှောက်တွင်ပင် MPT ဆင်းမ်ကဒ်ပါ ဖုန်းထဲသို့ ဘင်္ဂလား ဆင်းမ်ကဒ် ထည့်သွင်းပေးကာ ဖမ်းဆီး ခေါ်ဆောင် သွားပြီး ရိုက်နှက်၍ ငွေကျပ် ၄ သောင်း ညှစ်ယူပြီး နံနက် (၂) နာရီ အချိန်တွင် ပြန်လည် လွှတ်ပေးခဲ့သည်။ မောင်ဂျာဘူကို ဖမ်းဆီး ခေါ်ဆောင် သွားနေစဉ် လမ်းတစ်လျှောက်တွင် လမ်းတွင် တွေ့ရှိသည့် ရွာသား ၆ ဦးကို အကြောင်းမဲ့ ရိုက်နှက်ခဲ့သည်။