တောင်ပြို ကျွန်းပေါက်ပြုစုတွင် ကျန်းမာရေး ဌာနခွဲ မရှိတော့၍ ဒေသခံများ အခက်ကြုံနေရ

MYARF
RB News
11.5.2016

တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ အပိုင် ကျွန်းပေါက်ပြုစု ကျေးရွာရှိ ကျေးလက် ကျန်းမာရေး ဌာနခွဲသည် ၂၀၁၅ ခုနှစ်တွင် လေမုန်တိုင်းဒဏ်ကြောင့် ပျက်စီးသွားပြီး ယခုအချိန်ထိ ပြန်လည် ပြုပြင် ဖွင့်လှစ်ခြင်း မရှိ၍ ထောင်ပေါင်းများစွာသော ဒေသခံ ပြည်သူများ ဆေးဝါး ကုသမှု ခံယူရန် အခက်ကြုံလျက် ရှိနေကြောင်း သတင်း ရရှိပါသည်။

ကျွန်းပေါက်ပြုစု ကျေးရွာရှိ ကျေးလက် ကျန်းမာရေး ဌာနခွဲသည် ကျွန်းပေါက်ပြုစု အပါအ၀င် အနီးအနားရှိ ကျေးရွာများ ဖြစ်ကြသည့် ရေတွင်းပြင်၊ ဇီးပင်ချောင်း၊ ကျောက်ချောင်းနှင့် လိပ်ရ ကျေးရွာရှိ ရိုဟင်ဂျာများ အတွက် မရှိမဖြစ် လိုအပ်သော ဆေးပေးခန်း တစ်ခန်း ဖြစ်ပြီး ၂၀၁၅ ခုနှစ် လေမုန်တိုင်း တိုက်ခတ်ခဲ့ပြီးနောက် ယင်းကျန်းမာရေးဌာနခွဲ မရှိခင်က ကြုံတွေ့ခဲ့ရသကဲ့သို့ အခက်ကြုံနေရသည်ဟု ဒေသခံများက RB News သို့ပြောသည်။ ယင်းဒေသသည် သွားလာရေး အဆင်မပြေသည့် နေရာဒေသ တစ်ခု ဖြစ်သည်က တစ်ကြောင်း၊ လတ်တလောတွင် ပုံမှန်၊ အရေးပေါ် ဆေးဝါးကုသမှု ခံယူနိုင်မည့် ကျန်းမာရေး ဌာန မရှိသည်က တစ်ကြောင်း ဒေသခံ လူနာအများအပြားမှာ မသေသင့်ဘဲ သေနေရသည်ဟု ဒေသခံများက ဆိုသည်။ သေဆုံးသူ အများစုမှာ ကိုယ်ဝန်ဆောင် အမျိုးသမီး၊ မွေးကင်းစ ကလေးများနှင့် နာတာရှည် ရောဂါရှင်များ ဖြစ်ကြသည်။ ၀မ်းပျက် ၀မ်းလျှောကြောင့် သေဆုံးရသူ အရေအတွက်မှာလည်း မနည်းတော့ကြောင်း ဒေသခံများက ပြောပါသည်။

ထို့ကြောင့် သက်ဆိုင်ရာ ကျန်းမာရေး ၀န်ကြီးဌာနမှ ပျက်စီးသွားခဲ့သည့် ကျွန်းပေါက် ပြုစုရှိ ကျေးလက် ကျန်းမာရေး ဌာနကို ဒေသခံ ပြည်သူများ ဆေးဝါး ကုသမှု လွယ်ကူ ချော့မော လာစေရန်အတွက် အမြန်ဆုံး ပြန်လည် တည်ဆောက်၍ ကျန်းမာရေး ၀န်ဆောင်မှုများ ပေးရန် ဒေသခံများက တောင်းဆိုသည်ဟု ပြောပါသည်။