ကမ်းပြိုမှုတွင် အိမ်များ ပါသွားသောကြောင့် ယာယီတဲထိုး နေသူများ၏ တဲများကို ဖျက်ခိုင်း
MYARF
RB News
11.5.2016
မောင်တော ။ ။ ရခိုင်ပြည်နယ်၊ မောင်တော မြို့နယ် လောင်းဒုံး ကျေးရွာအုပ်စု၊ ကြိုက်ချောင်းရွာ၌ ပြူးမချောင်း ကမ်းပြိုမှုတွင် ပါသွားသည့် အိမ်များမှ မိသားစုများ ရွှေ့ပြောင်း နေထိုင်သော တဲအိမ်များကို နယ်ခြားစောင့် ရဲတပ်ဖွဲ့မှ ကွပ်ကဲရေးမှူးနှင့် မြို့နယ် အုပ်ချုပ်ရေးမှူး တို့က ဖျက်ခိုင်းလိုက်သဖြင့် အဆိုပါ မိသားစုများ အိုးမဲ့အိမ်မဲ့ ဖြစ်နေကြောင်း သတင်း ရရှိပါသည်။
ကြိုက်ချောင်းရွာမှ အောက်ဖော်ပြပါ တို့၏ နေအိမ်များသည် ပြူးမချောင်း ကမ်းပါးတွင် တည်ရှိခဲ့ပြီး ၂၀၁၅ ခုနှစ် မိုးရာသီ ကမ်းပြိုမှုတွင် ၎င်းတို့၏ နေအိမ်များ ပါသွားခဲ့ပြီး၊ အနီးအနားတွင် နေရာလပ် မရှိသဖြင့် ၎င်းတို့ပိုင်သည့် တောင်ပေါ် မြေပြန့် တစ်နေရာတွင် ယာယီတဲများ ထိုး၍ နေထိုင်ခဲ့ကြရသည်။ ယင်းယာယီ တဲအိမ်များကို လွန်ခဲ့သည့် ဧပြီလတွင် ကျီးကန်းပြင် အခြေစိုက် နယ်ခြားစောင့် ရဲတပ်ဖွဲ့ ကွပ်ကဲရေးမှူးက ၎င်း၏ ကြိမ်ချောင်း ခရီးစဉ် တစ်ခုတွင် တွေ့ရှိသွားပြီး ချက်ချင်း ဖျက်ပစ်ရန် ကြိမ်ချောင်းရှိ အာဏာပိုင်များကို မှာကြားခဲ့ကြောင်း ဒေသခံများက RB News သို့ပြောသည်။
တစ်ဖန် ဧပြီလ (၂၈) ရက်နေ့တွင် အဆိုပါ မိသားစုများ၏ အိမ်ထောင်ဦးစီး များကို မောင်တော မြို့နယ် အုပ်ချုပ်ရေးမှူးက ဆင့်ခေါ်၍ ၎င်းတို့၏ တဲအိမ်များကို (၇) ရက်အတွင်း မဖြစ်ဖြစ်သည့်နည်းဖြင့် ဖြိုပျက်ရမည် ဖြစ်ကြောင်း၊ လိုက်နာ ဆောင်ရွက်ခြင်း မရှိပါက ထိရောက်စွာ အရေးယူခြင်း ခံရမည် ဖြစ်ကြောင်း၊ နောက်ဆုံး အနေနှင့် သတိပေး ပြောဆိုခြင်း ဖြစ်သည်ဟု ပြောဆိုသောကြောင့် ယခုလ (၈) ရက်နေ့တွင် ယင်းတဲအိမ်များကို နေထိုင်သူများ ကိုယ်တိုင် ၎င်းတို့၏ တဲများကို ဖျက်ခဲ့ရသည်။ တဲအိမ်များ ဖျက်လိုက်ရသဖြင့် အဆိုပါ မိသားစုများသည် ယခုအခါ အိုးမဲ့အိမ်မဲ့ ဘ၀ရောက်နေရသည်ဟု ဒေသခံများက ပြောပါသည်။
ပြူးမချောင်း၏ အထက်အစွန်းမှ ဒလဟော စီးဆင်းလာသည့် တောင်ကျမိုးရေသည် ကြိမ်ချောင်း ကမ်းနားသို့ ပြင်းပြင်းထန်ထန် စီးဝင် တိုက်စား၍ ပျမ်းမျှ ကမ်းခြေ ဧရိယာ ပမာဏ ၁၀ ပေမှ ပေ ၃၀ အထိ နှစ်စဉ်လိုလို ပြိုပျက်လျက် ရှိသည်။ န.စ.က လက်ထက်၌ ကမ်းပြိုမှုတွင် နေအိမ်များ ပါသွားသည့် မိသားစုများ ယာယီတဲများဖြင့် နေထိုင်နိုင်ရန် လာဘ်ငွေယူ၍ ခွင့်ပြုလေ့ ရှိသည်။ ယခုအခါ သဘာဝ ဘေးဒဏ်သင့် ပြည်သူများ၏ ယာယီတဲ များကို ဖြိုခိုင်းခြင်းမှာ ရိုဟင်ဂျာများ အိုးမဲ့အိမ်မဲ့ ဘ၀ဖြင့် နေရအောင် လုပ်နေသည့် စီမံချက်လားဟု ဒေသခံများက ဝေဖန် ပြောဆို နေကြသည်။
(၂) ဦးအေဆာန်အုလ္လာ (ဘ) ဦးအဒူလာကိမ်း (အသက် ၅၃ နှစ်) - အထစ (၈၁)
(၃) ဦးဟာမိတ်ဟူဆောင်း (ဘ) ဦးမော်တုလ်ဟူဆောင်း (အသက် ၅၀ နှစ်) - အထစ (၁၀၆)
(၄) ဦးဇာဖောရ်အာလောမ် (ဘ) ဦးဘေဆာအလီ (အသက် ၄၈ နှစ်) - အထစ (၁၃၈)
(၅) ဦးဟာမိတ်ဟူဆောင်း (ဘ) ဦးမာမတ်ဟူဆောင်း (အသက် ၄၀ နှစ်) - အထစ (၁၄၀) -- တို့ဖြစ်သည်။
