နောက်ဆုံးသတင်း/ဆောင်းပါးများ

ထင်းခုတ်သမား (၃) ဦးကို နယ်ခြားစောင့်ရဲ များက ဖမ်းဆီး၍ ငွေ ၆ သိန်း ညှစ်



MYARF
RB News
5.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ သရေကုန်တန်း ကျေးရွာ အုပ်စုတွင် နယ်ခြားစောင့်ရဲ များ၏ သတင်းပေး နှစ်ဦးက နယ်ခြားစောင့်ရဲ များနှင့် ပူးပေါင်း၍ ရိုဟင်ဂျာ ထင်းခုတ်သမား (၃) ဦးကို ဖမ်းဆီးပြီး ငွေကျပ် (၆) သိန်း ညှစ်ယူခဲ့ကြောင်း သတင်း ရရှိပါသည်။

ငွေကျပ် (၆) သိန်း ညှစ်ခံရသည့် ထင်းခုတ်သမား (၃) ဦးမှာ -- (၁) ဦးဆော်ယောဒ်ကာဆိမ် (ဘ) ဦးဟောန်ရီး (အသက် ၃၀ နှစ်)၊ (၂) ဦးဂူရာမျာ (ဘ) ဦးအလီမျာ (အသက် ၂၅ နှစ်) နှင့် (၃) ဦးအာဘူလ်ကာလာမ် (ဘ) ဦးအလီမျာ (အသက် ၃၀ နှစ်) တို့ဖြစ်သည်။

ဧပြီလ (၂၈) ရက်နေ့ ည (၇) နာရီ အချိန်ခန့်တွင် သရေကုန်ဘောင် ကျေးရွာအုပ်စု၊ ဂျင်းချောင်းရွာမှ အထက်ပါ ထင်းခုတ်သမား များသည် နီးစပ်ရာ တောတောင်များမှ ထင်းခုတ်ပြီး ပြန်လာနေစဉ် အပြန်လမ်းတွင် ၎င်းတို့အား ဖမ်းဆီးရန် နယ်ခြားစောင့် ရဲတပ်ဖွဲ့မှ အဖွဲ့တစ်ဖွဲ့နှင့် အတူ သရေကုန်တန်း ကျေးရွာမှ ဦးဂျူဟာရ် (ဘ) ဦးဟာဘီဘူလ္လာ (အသက် ၃၂ နှစ်) နှင့် ဦးဇော်ဖော်ရ်အာမောတ် (ဘ) ဦးအဒူရာမန် (အသက် ၂၈ နှစ်) တို့က တိတ်တဆိတ် ချောင်ခိုနေခဲ့သည်။ နယ်ခြားစောင့်ရဲ များနှင့် သတင်းပေး နှစ်ဦးတို့က ထင်းခုတ်သမား (၃) ဦးကို ဖမ်းဆီးနေစဉ် နှစ်ဦး ထွက်ပြေး လွတ်မြောက် သွားပြီး၊ တစ်ဦး ဖမ်းဆီးခံရသည်။ အဖမ်းခံရသည့် ဦးဆော်ယောဒ်ကာဆိမ်ကို လူမဆန်စွာ ရိုက်နှက်၍ ချုပ်နှောင်ပြီး “ဒီမှာ ရှင်းမလား၊ ဒါမှမဟုတ် အချုပ်ခန်း သွားချင်လားပြော၊ ဒီမှာ ရှင်းရင် ငွေ ၅ သိန်းပေး” ဟု ခြိမ်းခြောက် ပြောဆိုပြီး နယ်ခြားစောင့် ရဲတပ်ဖွဲ့ ကင်းစခန်းသို့ ခေါ်ဆောင်သွားရန် ပြုလုပ်နေစဉ် ဖမ်းဆီးခံရသူက ငွေကျပ် လေးသိန်း ငါးသောင်း ပေး၍ လွတ်မြောက် လာခဲ့သည်။

ထွက်ပြေး လွတ်မြောက် သွားသည့် ထင်းခုတ်သမား နှစ်ဦးကို အိမ်တိုင်ရာရောက် လိုက်လံ ရှာဖွေပြီး အမျိုးမျိုး ခြိမ်းခြောက်ကာ ငွေကျပ် တစ်သိန်းငါးသောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။

အဆိုပါ နယ်ခြားစောင့်ရဲ များ၏ သတင်းပေး နှစ်ဦးသည် သရေကုန်းဘောင် (ရခိုင်ရွာ) အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များနှင့် ပူးပေါင်း၍ ယခင် အဝေးပြေးကားလမ်း တစ်လျှောက်ရှိ သစ်ပင်များကို ခုတ်ထွင် ရောင်းစားနေကြောင်း၊ ထင်းခုတ်သမား များက တောင်တောင်မှ ထင်းခုတ်ရောင်းလျှင် ၎င်းတို့၏ ထင်းရောင်း စီးပွားရေး ထိခိုက်လာမည်ကို စိုးရိမ်၍ ဆင်းရဲသား ထင်းခုတ်သမား များကို အနှောက်အယှက် ပေးခြင်း၊ မတရား ငွေညှစ်ခြင်းများ ပြုလုပ်လျက် ရှိသည်ဟု အဆိုပါ ဒေသခံက ပြောပါသည်။

Comment ရေးရန်

Rohingya Exodus