နောက်ဆုံးသတင်း/ဆောင်းပါးများ

အချိန်မလွန်ခင် အချိန်မလွန်မိပါစေနှင့်



✿ အချိန်မလွန်ခင် အချိန်မလွန်မိပါစေနှင့် ✿

ရေးသားသူ - ယျာတင် (ရိုဟင်းသား)
RB ကဗျာ
10.7.2016


မိတ်ဆွေ ...
ဘဝဆိုတဲ့ ကမ်းပါး
ဇရာက တိုက်မြဲ တိုက်စား
ထိုကမ်းပါး
တစ်ရက်ထက်တစ်ရက်
ပြိုပြီးပြိုလာ။

ညက နေ့ကို စား
နေ့က ညကို စား
အမှောင်အလင်းက
တစ်လှည့်စီ နေရာလဲကြစမြဲပဲ မဟုတ်လား။

ဒီလိုနဲ့ပေါ့ဟ
ယိုင်လာတာက ခန္ဓာ
ဦးနှောက်က ကပ်ပါ ပျက်လာ။

ရင့်ကျက်နေပြီးလို့ ပြောချင်သေးသလား
အချိန်လွန်တဲ့ အမြတ်တစ်ခုထက်မပိုပါ။
အကယ်၍ တို့တွေက
တစ်ကိုယ်ကောင်းစားရေးအတွက်ပဲ
ဘဝကို မြှုပ်နှံခဲ့ပြီ ဆိုခဲ့ရင်​ပေါ့ ....။

တစ်ချိန်ဆို ...
အတိတ်က ငယ်ဘဝ
ပြန်ပြောင်းပြောကြဆိုကြ
တို့တွေ ပြန်ပြန်တမ်းတ​နေမှာ
ပြန်မရနိုင်မှန်း သိကိုသိလျက်။

မိတ်ဆွေ ...
လိုတရ ဘဝ
ဘယ်သူ့မှ မရနိုင်တတ်ပါ။

ရှိတာနဲ့ ရောင့်ရဲကာ
တင်းတိမ်မှု တို့တွေပြရမှာ
လူတော်တွေရဲ့ လက္ခဏာ။

နှလုံးမွန်သူ မှန်ပါက
လူသားအကျိုးပြု လုပ်ငန်းများ
ကိုယ်နိုင်တဲ့ဖက်က ကိုယ်ထမ်းရွက်ဖို့
မင်းက ငါ့ကို ညွှန်ပြ
ငါလည်းမင်းကို လက်တိုးပါရစေလား။

ဒီမှာ တစ်ခု ...
ချီးကျုးခံချင်စိတ် ဖျောက်ပစ်ကာ
ဖြူစင်ဖို့လိုတာက ငါတို့စိတ်ထား။
အစားဆိုတာ အချိန်အခါအရ
မလွှဲ ရကြစမြဲပါ။

မိတ်ဆွေ ...
ဘဝတိုတိုလေးမှာ
ကျွန်ဘဝပဲ ဆိုချင်ဆိုပါ
နင်းပြားခံဘဝပဲ ပြောချင်ပြောပါ
အဲ့လိုဘဝမျိုးမှ
တို့တွေ ရုန်းထွက်ကြရအောင်လား
လွတ်မြောက်ချိန်လည်း
တကယ့်ကို တန်နေပြီမဟုတ်လား။

မိတ်ဆွေ ....
နေ့ရက်တွေက ရှက်နေပြီ
လျှောက်နေတဲ့ လမ်းတွေက လှောင်နေပြီ
ဆင်နေတဲ့ အဝတ်အစားကောင်းတွေက
တို့တွေကို ပြန်ကဲ့ရဲ့နေပြီ
ယုတ်စွအဆုံး
လှဲနေတဲ့ အိပ်ရာကတောင်
ညတိုင်း ဆန္ဒပြနေပြီ
"ငါ့ကိုယ်ပေါ် သင်အိပ်ပါက
လွတ်လပ်မှုနဲ့သာ အိပ်ပါ" တဲ့။

ပြောကြမှာပေါ့
ကိုယ့်မိဘ...
ကိုယ့် မောင်နှမ
သူတို့တစ်တွေရဲ့ လူ့ဂုဏ်သိက္ခာကိုတောင်
တို့သားသမီးတွေက
တို့ အစ်​ကိုအစ်​မ​တွေက
မဖော်ကျူးပေးနိုင်တာကိုး။

ငွေနဲ့ အရာရာ နိုင်တယ် ဆိုတဲ့ အယူက
မှန်​သလား မှားသလား
ငါလည်း တကယ်ကို မပြောတတ်ပါ။

မိတ်ဆွေ ...
နေ့ နဲ့ ည
ဘာကိုပဲ ရွေးရွေး
တို့တွေ ရပ်တန့်လို့မရနိုင်တာနဲ့အတူ
ကျွန်ဘဝက လွတ်မြောက်ဖို့
ဘဝနေ့ရက်တွေထဲက တစ်ချို့
တို့တွေ ရင်းနှီးကြရအောင်လား။

သတိ ...!
ဘဝဆိုတဲ့ ကမ်းပါး
ဇရာက တိုက်မြဲ တိုက်စားနေဆဲမို့
အချိန်မလွန်ခင် အချိန်မလွန်မိပါစေနဲ့လို့
အချိန်မီ သတိလေးပေးပါတယ်
ငါ့မိတ်ဆွေကြီးရေ ...။

#ယျာတင်​_ရိုဟင်းသား#

Comment ရေးရန်

Rohingya Exodus