အသက်ဖြင့်ရင်း၍ ကိုးကွယ်ရာ ဘာသာကို ဆက်လက်ယုံကြည်သွားသူ ရခိုင်တိုင်းရင်းသား မောင်အေးထွန်း (ခ) အဒူမူနာဖ်
MYARF
RB News
23.11.2016
ဦးထွန်းအောင်ဇံရဲ့ သားဖြစ်တဲ့ မောင်အေးထွန်းက န.စ.က ခေတ်မတိုင်မီ လွန်ခဲ့တဲ့ ၂၅ နှစ်ကျော်မှာ အစ္စလာမ်ဘာသာကို ကူးပြောင်း သက်ဝင် ယုံကြည် ကိုးကွယ်လာတဲ့ ရခိုင်တိုင်းရင်းသား တစ်ဦးပါ။ အစ္စလာမ်ဘာသာကို လက်ခံပြီးတဲ့နောက်မှာ သူ့ရဲ့ နာမည်ကို အဒူမူနာဖ် လို့ အမည်ပြောင်းခဲ့တယ်။
ရေခဲချောင်းခွဆုံရွာမှာ လယ်ယာလုပ်သား အဖြစ်နဲ့ သူများဆီမှာ အလုပ်လုပ်ပြီး အသက်မွေးဝမ်းကျောင်း ပြုလာခဲ့တယ်။ အဲလိုနဲ့ အဲဒီရွာက ရိုဟင်ဂျာအမျိုးသမီး တစ်ဦးနဲ့ ထိမ်းမြားလက်ထပ်ပြီး အဲဒီရွာမှာဘဲ အခြေချ နေထိုင်လာခဲ့တယ် အခု သေဆုံးသွားတဲ့ အချိန်ထိပါပဲ။
လက်ထပ်ပြီးတဲ့နောက် သား ၆ ဦး၊ သမီး ၂ ဦး ထွန်းကားခဲ့တယ်။
မောင်အေးထွန်း (ခ) အဒူမူနာဖ် က ရခိုင်တိုင်းရင်းသား စစ်စစ် တစ်ဦး ဖြစ်ပေမယ့်လည်း အစ္စလာမ်ဘာသာကို ကူးပြောင်းလိုက်တဲ့ အတွက် နိုင်ငံသား စီစစ်ရေး ကဒ်ပြား (ပန်းရောင်) ကိုင်ဆောင်ခွင့် မရှိတော့ဘဲ၊ ယာယီသက်သေခံ ကဒ်ပြားကိုသာ ကိုင်ဆောင်ခဲ့ရတယ်။ သူနဲ့ သူ့ရဲ့ သားသမီးတွေရဲ့ ကဒ်ပြားတွေမှာ ရခိုင်-ဘင်္ဂလီလို့ လူဝင်မှု ကြီးကြပ်ရေးဌာနက ရေးပေးတယ်။
ဦးအဒူမူနာဖ်ရဲ့ နေအိမ်က ရေခဲချောင်းခွဆုံ အနောက်ရွာမှာ ရှိခဲ့ပြီး သူ့ရဲ့ သားကြီး အသက် ၂၄ နှစ် အရွယ် အာဘူလ်ဟာရှိမ် အိမ်ကတော့ ဂုံးနားရွာမှာ ရှိခဲ့တယ်။ အာဘူလ်ဟာရှိမ်က ရေခဲချောင်းခွဆုံ ရွာလယ်မှာ ဆိုင်ခန်းလေးနဲ့ ဆန်၊ ဆီ၊ ဆား၊ ရေနံဆီ၊ ဓါတ်ဆီနဲ့ စားကုန်ပစ္စည်းတွေ ရောင်းချပြီး အသက်မွေးဝမ်းကျောင်း ပြုတယ်။
သူတို့အတွက် ကံဆိုးမိုးမှောင်ကျတဲ့နေ့ ဖြစ်တဲ့ နိုဝင်ဘာလ (၁၂) ရက်နေ့ ညနေ (၄) နာရီ အချိန်မှာ စစ်သားတွေက သေနတ် အဆက်မပြတ် ပစ်တော့ အာဘူလ်ဟာရှိမ်ရဲ့ ခါးနဲ့ လည်ပင်းမှ ကျည်ဆံ ထိမှန်ခဲ့တယ်။ တစ်ရွာလုံး မီးရှို့ခံရတော့ သူတို့ သားအဖ နှစ်ယောက်လုံးရဲ့ အိမ်နှစ်လုံးနဲ့ အရင်းအနှီး (၇၅) သိန်းလောက် ရှိတဲ့ အာဘူလ်ဟာရှိမ်ရဲ့ ဆိုင်လေးလည်း ပြာကျတဲ့ထဲ ပါသွားခဲ့တယ်။
အိုးမဲ့အိမ်မဲ့ ဖြစ်သွားတဲ့ ဦးအဒူမူနာဖ်တို့ မိသားစုက နိုဝင်ဘာလ (၁၃) ရက်နေ့မှာ ရေတွင်းကျွန်း ကျေးရွာကို သွားပြီး ခိုလှုံခဲ့ကြတယ်။ နိုဝင်ဘာလ (၁၄) ရက်နေ့မှာ ရေတွင်းကျွန်း ကျေးရွာကို စစ်သားတွေ ၀င်စီးတော့ ဦးအဒူမူနာဖ် အပါအ၀င် လူတစ်ချို့ကို ဖမ်းဆီးပြီး ခေါ်သွားခဲ့တယ်။ ဖမ်းခံရသူတွေထဲက ချမ်းသာသူနဲ့ ပညာတတ်သူ ၁၆ ယောက်ကို ငါးခူရ နယ်မြေစခန်းကို ခေါ်သွားခဲ့တယ်။ ဦးအဒူမူနာဖ် အပါအ၀င် ကျန်တဲ့လူတွေကို ရွက်ညိုတောင် စခန်း (၁၂) မှာ ချုပ်နှောင်ထားခဲ့တယ်။
ဦးအဒူမူနာဖ်ကို စခန်း (၁၂) မှာ ချုပ်နှောင်ထားတာကို ကံပြင်ကျေးရွာမှာ နေတဲ့ အစ်ကိုအရင်းက (ရခိုင် - ဗုဒ္ဓဘာသာဝင်) က သိသွားတဲ့အခါ စခန်းကို လိုက်သွားပြီး၊ ဦးအဒူမူနာဖ်က ရခိုင်သားတစ်ဦး ဖြစ်ပြီး၊ အစ္စလာမ်ဘာသာကို ကူးပြောင်းသွားခဲ့တာ ဖြစ်ကြောင်း၊ သူ့ရဲ့ ညီအရင်း ဖြစ်ကြောင်း စစ်သားတွေကို ပြောပြခဲ့တယ်။ အဲဒါနဲ့ စစ်သားတွေက ဦးအဒူမူနာဖ်ကို အစ္စလာမ်ဘာသာကို စွန့်လွှတ်ပြီး ဗုဒ္ဓဘာသာကို ပြန်ကူးပြောင်းဖို့၊ အဲဒီလို ကူးပြောင်းရင် ကံပြင်ကျေးရွာမှာ အိမ်ဆောက်ပေးမှာ ဖြစ်ပြီး၊ မဟုတ်ဘူးဆိုရင် အသေသတ်ပစ်မယ်လို့ ခြိမ်းခြောက်ခဲ့တယ်။
ဦးအဒူမူနာဖ် ကတော့ ဘယ်လို အခြေအနေမှာဘဲ ဖြစ်ဖြစ် အစ္စလာမ်ဘာသာကို မစွန့်လွှတ်နိုင်ဘူးလို့ ပြန်ပြောခဲ့တယ်။ အဲဒီလိုပြောတော့ စစ်သားတွေက ဦးအဒူမူနာဖ်ရဲ့ မုတ်ဆိတ်ကို မီးရှို့လိုက်တယ်။ ပြီးတော့ လူမဆန်စွာ ရိုက်နှက် ညှဉ်းပန်း နှိပ်စက်တာ သေသွားတယ် ထင်ပြီး နိုဝင်ဘာလ (၁၆) ရက်နေ့ နံနက် အာရုဏ်တက် အချိန်တွင် စခန်း (၁၂) ရဲ့ အပြင်ဘက် လမ်းဘေးက မြောင်းနားမှာ ပစ်ချထားခဲ့တယ်။ အဲဒီနေ့ နေ့လည် (၁၂) နာရီလောက်မှာ စခန်း (၁၂) မှာ ချုပ်နှောင်ခံထားရသူ အချို့ကို ပြန်လွှတ်ပေးတော့ အဲဒီလူတွေက အိမ်ပြန်နေတဲ့ အချိန် ဦးအဒူမူနာဖ်ကို တွေ့ရှိသွားခဲ့တယ်။
အဲဒီလူတွေက ဦးအဒူမူနာဖ်ကို ရေတွင်းကျွန်းရွာကို သယ်ယူသွားခဲ့တယ်။ ရက်ရက်စက်စက် နှိပ်စက်ခံထားရတဲ့ ဦးအဒူမူနာဖ် (ခ) မောင်အေးထွန်း (အသက် ၅၅ နှစ်) ခမျာ ဆေးကုသခွင့် ဆိုတာ မရခဲ့ဘူး။
မိမိယုံကြည်လို့ ကိုးကွယ်တဲ့ သာသနာကို မစွန့်လွှတ်ဘဲ စစ်သားတွေရဲ့ ညှဉ်းပန်းနှိပ်စက်မှုကို ခါးစည်းခံခဲ့တဲ့ ဦးအဒူမူနာဖ်က နိုဝင်ဘာလ (၁၈) ရက်နေ့ (သောကြာနေ့) နံနက် (၇) နာရီ အချိန်မှာ ကွယ်လွန်သွားခဲ့ပြီး၊ အဲဒီနေ့ နေ့လည် (၂) နာရီမှာ ရေတွင်းကျွန်းရွာမှာဘဲ ရွာသူရွာသားတွေက မြေမြှပ်သဂြိုဟ်ခဲ့ကြတယ်။
